#ثريد
انبطّت تسبدي .. (وترى ماني وصيّ على احد ولا جالس امارس دور الوصاية) بس كذا ودي اشارككم #قناعاتي_الخاصة ونطبقها مع #كورونا وبرضه بعد #كورونا :
انبطّت تسبدي .. (وترى ماني وصيّ على احد ولا جالس امارس دور الوصاية) بس كذا ودي اشارككم #قناعاتي_الخاصة ونطبقها مع #كورونا وبرضه بعد #كورونا :
١: اذا قدرت تحذف #الواتساب احذفه ، واذا ما قدرت استخدمه للعمل، او التواصل العائلي، تتواصل فيه بشكل رسمي ورئيسي فقط .
تنشر شائعات وادوية واعشاب وقروبات و ناس يسوقون الجهل ويسطّحون عقول الناس .. رح اعتبرك جاهل !
تنشر شائعات وادوية واعشاب وقروبات و ناس يسوقون الجهل ويسطّحون عقول الناس .. رح اعتبرك جاهل !
٢: اي انسان يقول لك هذا المرض بسبب (ذنوبنا) ويحسسنا اننا مفسدين في الارض ويرسل لك مقاطع فيها توبيخ للبشرية ويتألى على الله ويقول ان هذا من (غضب الله علينا) ..
قول له يسكت واذا ما سكت بلّكه واذا كان جالس معك اطرده واذا كان قوي روح انت عنه !
قول له يسكت واذا ما سكت بلّكه واذا كان جالس معك اطرده واذا كان قوي روح انت عنه !
٣: اللي يطلب منك الرجوع لله والاستغفار ذكّره ان هذا ديدن المسلم في السراء والضراء، اللي مايعرف الله الا في الضراء قول له يراجع نفسه و يبلّ نفاقه ويشربه !
قياساً: "فإذا ركبوا في الفلك دعوا الله مخلصين له الدين فلما نجاهم الى البر اذا هم يشركون"
قياساً: "فإذا ركبوا في الفلك دعوا الله مخلصين له الدين فلما نجاهم الى البر اذا هم يشركون"
٤: كل شئ مدبّر بتدبير الله، اللي يقول المرض مصنوع و حرب بيولوجية ومسوي فاهم السياسة والاقتصاد والتاريخ قولوا له ان الله اللي يقول للشئ (كن فيكون) .. لا امريكا ولا الصين مع ان احنا عارفين الكفت كله ?لكن الله اللي انزله والله اللي يرفعه ..
٥: لا تأخذ اي شي الا من مصدره الرسمي .. الان كل جهة لها موقع رسمي ومتحدث اعلامي .. الخبر اللي يجيك اعتبره كذب ولا تصدقه حتى تتبين من الموقع الرسمي .. فهمت ؟
٦: لا تجلس مع الناس السلبيين اللي يهولون الموضوع ويبثون الرعب ، ولا تجلس مع الناس اللي ماخذين الموضوع عادي ويهونون الأزمة .. اصلاً لا تجلس مع احد .. والا اقول: اصلا فيه حظر تجول ما يمديك تجلس مع احد?
الصدق : التزم بالتعليمات واطمئن .. لا ترفعها في الشارب ولا ترخيها في اللحية ?
الصدق : التزم بالتعليمات واطمئن .. لا ترفعها في الشارب ولا ترخيها في اللحية ?
٧: لا يساورك شك ان رحمة الله بالناس اشد من رحمة الأم بولدها .. لا تجعل ثقتك في الله تمرض او تموت !
الله ماهو في حاجة تعذيبنا ، وامر المؤمن كله خير .
الله ماهو في حاجة تعذيبنا ، وامر المؤمن كله خير .
٨: ودي اقابل ذاك اللي بداية الأزمة قال (كورونا مسلم) لأنه البس النساء الحجاب وقفل المقاهي ومنع الاختلاط، و اقول له كيف بعد ما تقفل الحرم ومنعت صلاة الجماعة ارتدّ كورونا؟?
هذي مشكلة اللي كل شي يربطونه بالدين ويخاطبون عواطف العامة ويكونون اشرس اعداء الإسلام مثل ما قال احمد ديدات،
هذي مشكلة اللي كل شي يربطونه بالدين ويخاطبون عواطف العامة ويكونون اشرس اعداء الإسلام مثل ما قال احمد ديدات،
٩: الدولة عندها ناس يخططون ويقررون .. قراراتهم بناءً على ادوات ودراسات واجندة وصلاحيات وارقام وافكار وقياسات ومخاطبات ومخططات وتاريخ وتشخيص وجن وعفاريت .. لا تفتي من راسك يا اللي ما تخلي شي ما تهرج فيه نفرو بك .
١٠: مابصير مثالي وتراني اول واحد مضيّع هالفترة بالنوم، بس بقول: اذا قدرت تستغل هالفترة بشي يعود عليك بالنفع والفائدة، على مستواك كفرد او على مستوى مجتمعك،(لا تذخره ولا تأخره)،ترى المستقبل تصنعه من اللحظة اللي انت فيها، والشمس مشرقة وان حالت دونها كثير من الغيوم على ماقال القصيبي
١١: فكر بإيجابيات المرحلة اكثر من سلبياتها .. منها: رح تعرف ان اكثر حياتنا قبل كانت عشوائية .. شوف الحين جالسين بالبيت ولا تغير شي.. و اكثر طلعاتنا قبل كانت بدون سبب .. ومصاريفنا كانت زايدة على الفاضي .. (المرحلة القادمة تخلص من الكماليات وتعامل مع الاسياسيات فقط) .. يعني تغيّر!
١٢: اذا خلصت الازمة .. (احثوا في وجوه تجار الازمات التراب) .. لا تحثونه من الحين عشان ما يزيدون يرفعون الاسعار ويصنعون اشياء مغشوشة ويستغلون حاجتنا !?
١٣: لا تستخف دمك وتستهزئ بالمرحلة وتكثرون النكت وتلبس كيس زبالة يا زبالة وتتوقع انك كوميدي .. المرحلة مرحلة الوعي ثم الوعي ثم الوعي !
ما نقول لا تضحك لكن لا تجعل الوباء وتبعياته محط استهزاء ونكت ترى دمك ثقيل والله .
ما نقول لا تضحك لكن لا تجعل الوباء وتبعياته محط استهزاء ونكت ترى دمك ثقيل والله .
١٤: التعقيم و النظافة اللي الحين بالله خلوها تستمر معكم على طول ، يا زينكم وانتم نظيفين زيناه .
١٥: زي ما انت جالس مع عيالك الحين ، لا تأخذك اشغالك منهم بعد الازمة .. خصص لهم وقت مثل هالوقت اللي انجبرت تخصصه لهم .. ترى هم الباقين لك والله .
١٦: كون انتقائي ، اختار الناس اللي (تتابعهم) ، لأن صدقني بطريقة او بأخرى هم اللي يبنون شخصيتك ويكسبونك القناعات والافكار .. هم (عقلك ولسانك) .. لا تسوي انك ما تتأثر بأحد يا الجاحظ .
١٧: اكثر من ٩٠٪ من المشاهير اعطوهم بلوك من الحين، مو عشان اقول لكم ان الحين العلماء والمطاوعة طلعوا والتافهين اختفوا وما خدموا الأمة .. لاااااا .. بس كذا عطوهم بلوك لان اصلاً هم بلاء ووباء مثل كورونا من قبل يجي كورونا .
١٨: هذي خاصة بالشعراء، ترى صح (الشعر رسالة) بس ما يوصل لمرحلة انك تغني في كل شي، الشعر روح واحساس مو مجرد نظم وخايف عليك من كرونه يا حيبيبتي .. لا توصلون الشعر لمرحلة ان الناس يكرهونه
١٩: اي واحد يستهزئ برجال الأمن او القطاعات الصحية او الموظفين على كافة الأصعدة وفي جميع الوزارات .. عاملوه على انه عدو .. وتوقعوا انه ايراني على طول .. حتى لو اعتذر !
٢٠: في هذي الازمة كلنا .. غني وفقير .. حريتنا مقيدة وخياراتنا محدودة .. ما غير ناكل ونجلس وننام .. ما عندنا شي نسويه .. الحكمة تقول (الحرية ما تشترى بالمال) .. والتجربة تقول (خل عقلك هو اللي يكبر اكثر من رصيدك)
جاري تحميل الاقتراحات...