بما انو في حجر صحي والناس كلها قاعده في بيوتها ححكي ليكم اغبى الحاجات الحصلت لي مع اخواتي انا متاكد عندي اغبى واحلى 4 اخوات في الدنيا ❤️❤️❤️
اول شي عفراء كبيرة البيت وشايله اي صفه في امي .. لمن كنته شافع عمري ٦ ولا ٧ سنين كانت هي يادوب دخلت الجامعه وانا كنته في الامارات وهي مشت السودان وكانت بتجينا كل نهاية سمستر المهم .. كنته كل ما تسافر برسل ليها رسالة sms لانو الوقت داك ماف سوشال ميديا
كنته برسليها دايما نفس الرساله ال هي : السلام عليكم انا حمودي العسولي انا داير العربيه الكبييره بتاعت الرموت علييك الله ??? كل سمستر كنته برسل ليها ١٠ سمسترات ولحدي حسي ما جابت لي العربيه ??
ميساء .. ام فهد واطيب قلب في البيت .. طبعا انا اصغر زول في البيت ف يعني انا دلوع البيت ? .. المهم فهد لمن اتولد بقى اصغر زول في البيت وشال مكاني ف بقى هو دلوع البيت وجد جد انا كنته متضايق من الموضوع ف بقت اختي كل مره تشتري حاجه تجيب ٢ منها عشان ما ازعل ??
كنته شافع يا جماعه والله كنته شافع المهم الموضوع ده انتهى اول ما جو "يامن ويزن" اخوان فهد .. هنا انا وفهد رضينا بالواقع وبقى ماف زول شغال بينا ???
تسنيم .. احلى بت لاقتني في الدنيا ومزة البيت ❤️ .. لمن كان عمري ٥ ولا ٦ سنين ولمن يجي العيد كان ابوي بدي كل زول فينا ٥ رداهم عيديه وكنته شايفها كتيره شديد المهم كانت تسنيم اول زول بخلص ال ٥ رداهم ف بتجيني انا وبتقولي ارح الدكان نشتري وبكون انا ما داير امشي
بتجي تقولي احمد انت عندك ٥ دراهم و لمن نمشي نشتري بتبقى ٤ وال ٤ دراهم اكتر من ٥ دراهم وانا كنته زي الغبي بصدق ولمن نمشي الدكان كنته بشتري ب نص وهي نص لغاية ما تخلص القروش وكل عيد بحصل نفس الشي لمن استوعبته انو البت دي قاعدة تنصب علي ?? انا ما عارف انت اكبر مني ب ٥ سنين كيف ?❤️
الاء .. اقرب زول لي بالعمر واكتر زول بحس بي وبشغلها لي في نفس الوقت .. انا والاء قعدنا كتير مع بعض عشان قريبين في العمر ف عشنا فترة المدرسه والجامعه سوا .. طبعا اكتر اتنين بتشاكلو في البيت انا والاء وبندق بعض عادي ?? ..
ف يوم من الايام ما اتشاكلنا ولا اختلفنا في حاجه وكيييف ممكن يجي يوم ما نختلف فيهو ولا نتشاكل ف اخترعنا مشكله واتشاكلنا وكنا جادين والله ولمن انتهت المشكله بقينا نضحك في بعض من الغباء البنسوي فيهو .. حرفيا ما ممكن نكمل يوم بدون ما نتشاكل ??❤️
حرفيا انا كل يوم بحمد ربي انو الله اداني اخوات كل اخت احلى من التانيه ❤️❤️❤️
جاري تحميل الاقتراحات...