وايد يمكن تسمعون عن فحص الأبوة وقت إلي يكون شخص ضايع من سنين طويلة أو إذا لقوا هيكل عظمي من شخص من حروب أو جرايم قديمة .. بشرحلكم شلون يتم الفحص عن طريق الـ DNA و علىٰ أي أساس و شلون تتأكدون إن هالشخص ينتمي لهٰذا الأم و الأب????!
أول شي لازم تعرفونه إن " مستحيل " عينة الشخص "بروحها" تحل اللغز و تعطيكم المجهول و تقول من نفسها إن هٰذا الشخص منو أمه و من أبوه❌وايد في فكرة غلط إن الـ DNA يحل كل شي اذا عرفته لا لا لا نحتاج شي مهم عشان يكون صج الـ DNA حل و يقول لنا معلومة مفيدة??!
راح نحتاج عينة الشخص نفسه مع عينة الأم و الأب إلي مشتبه إن إهوا فرد منهم، أساس الفحص مقارنة بين العينات الـ ٣???! و لنفرض في حال الأب متوفي نقدر ناخذ عينة من الأم و واحد من عيالها المؤكدين كبديل للأب!
خل أقولكم شنو قاعد يصير بالضبط كلنا نتكون من ٤٦ كروموسوم، نصهم من الأم و النص الآخر من الأب ليش هالمعلومة مهمة؟ لأن فكرة الفحص معتمدة على سالفة النص هٰذي الحين بقولكم معلومة عن أدق عن شي يخص الكروموسوم نفسه إلي نحتاجه جدًا بالفحص?!
هٰذي مثال من أحد الكروموسومات الي فينا أذكركم نصها من الأم و الآخر من الأب، نفس ما في الدول مناطق لها أسامي الكروموسوم له مناطق و لها مسمىٰ خاص، في الفحص نحتاج ١٦ منطقة معينة عشان نقارنها بال٣ عينات??????
ليش تحديدًا ١٦ منطقة؟ لأن لما بقارن و أبي أضمن إن الشخص هٰذا أمه و أبوه نحتاج ١٦ منطقة عشان في حال تطابقوا بهالـ ١٦ يكون عندي نتيجة واحدة فقط : هٰذا ولدهم لأن مستحيل أحد يتطابق بهالـ ١٦ و ما يكون فرد منهم و فيهم???!
هذيل أسامي المناطق الي راح نستخدمها بالفحص إلي تمثل مناطق محددة في الـ DNA على أي أساس تم اختيارهم و ليش؟ ١٥ منطقة راح أقولكم شنو خواصها بعد شوي و شنو فيها الي خلانا نبحث عنها خصيصًا و في دائرة حمرة?تمثل منطقة رقم ١٦ هٰذي المنطقة مهمة تحدد لي الجنس إذا الشخص كان XY أو XX?!
ليش اخترنا هالمناطق؟ سبحان الله الـ DNA للعلم فقط نسبة قليلة الي قاعد تستخدم فعليًا و تعطينا بروتينات تقريبًا ١-٢٪ أما في مناطق أخرىٰ تمثل ٩٨ لي ٩٩٪ من الـ DNA تخيلوا إنها صحرا ما تعطي بروتين مالها وظيفة بس سبحان الله في الأدلة هالمناطق تفصل لي المجهول في الأدلة الجنائية????? !
هٰذي المناطق الصحراوية إلي ما لها معنىٰ بيولوجي حقيقي، إهيا الحل في أمور النسب???! الله ما خلق شي عبث حتىٰ الي ماله معنىٰ بالـ DNA و ماله ترجمة بيولوجية لي بروتين استخدمت لحل الجرايم مو بس النسب للعلم!
حلو عرفنا شسالفة المناطق الحين شنو فيه بالمناطق الصحراوية الي نحتاجهم عشان يفصلون لي الأمور؟ فيه شي اسمه STR اهما عبارة عن نمط معين متكرر من عدد معين من الأحرف هٰذا النمط أساسه الأحرف : A - C - G - T، إهوا عبارة عن تكرارات قصيرة من الأحرف بترتيب معين شلون؟
ممكن يكون نمط متكون من حرف واحد مثل A
ممكن نمط متكون من حرفين CA ممكن ثلاثة أحرف CGA بس بالأدلة نستخدم الي متكون من ٤ أحرف ليش؟ لأن المتكونين من ٢ و ٣ نوعًا ما وايد منتشرين و الي اكثر الي اهما ٥ شوي حيل فمنو الي يعطينا شي وسطي؟ الي متكون من ٤ أحرف????
ممكن نمط متكون من حرفين CA ممكن ثلاثة أحرف CGA بس بالأدلة نستخدم الي متكون من ٤ أحرف ليش؟ لأن المتكونين من ٢ و ٣ نوعًا ما وايد منتشرين و الي اكثر الي اهما ٥ شوي حيل فمنو الي يعطينا شي وسطي؟ الي متكون من ٤ أحرف????
الحين هٰذي الـ STR الي قتلكم نمط من الأحرف المتكون من ٤ أحرف بالمناطق الـ ١٦ شلون راح تفصل لي ؟ و شلون من الأم و الأبو أفهم إن هٰذا ولدهم عن طريقها؟
راح نحدد منطقتنا?? و راح نبحث عن النمط المعين ACCA، عدد التكرارات " هُنا أهيا الفصال شلون؟ أول شي ???قصيناه بالنص لان مثل ما تعرفون الـ DNA متكون من شريطين! بالشريط الأول متكرر النمط مرتين الثاني مرة أما???? لما قصينا الشريط لاحظنا إن النمط متكرر ٣ بالأول و ٤ مرات بالثاني
انزين انا شنو استفيد؟حلو الي استفيده لما أشوف شريطين الولد و أقرا عدد التكرارات بالمنطقة راح ألاحظ شي شريطه الأول متكرر مرة وحدة نفس الأبو??أما الثاني فالتكرار كان ٣ مرات نفس الأم???، تذكرتوا ليش قلت لكم فكرة النص مهمة؟ كانطباع أول تشابه بالمنطقة بس مو كافي نحتاج نتأكد بمناطق أكثر
إلي توه كان شرح توضيحي إلي حاصل هٰذا شكل النتيجة الحقيقية علىٰ شكل قمم، في حال طلع?عند رقم ١٦ مثلاً يعني الشخص خذا ١٦ تكرار من النمط المتكون من ٤ احرف من الأم و هم ١٦ من الأبو بالمنطقة المعينة أما ?? يعني مختلف عدد التكرارات الي ورثها مثلا ٣، ١٥يعني خذا ٣ من امه و ١٥ من أبوه!
الحين بعلمكم علىٰ مناطق عشوائية عشان إذا يتلكم النتيجة النهائية مع أرقامها عشان تعرفون تقارنون و تكتشفون التطابق بروحكم?????:
١• أثبت دايمًا عيني علىٰ الولد لأن أهوا أساس المقارنة، أمسك أول رقم ٦ راح ألاحظ إن موجود بالـ????? أمسك الرقم الثاني هم ٦ و هم عند الأثنين????? يعني سهلة حددنا :
هٰذي إذا صارت يمكن تلخبط البعض بس تنحل?!
الحين تعودت عيونكم مفروض تلاحظون أسرع، تطابق الولد ب١٦ منطقة مع الأم و الأبو = جينياً تطابق = ولدهم???✅!
متكلمة عن علاقة هم الـ STR بشكل أعمق بالجرايم و ما كنت مدققة على شرح فحص الابوة حسيت إن الشرح يضيع بس إذا فهمتوا إلي صار فوق تقدرون الحين تقرون هذا راح يكون حيل أتوقع مفهوم أكثر?⛓??!
إي و ترىٰ حيل تعبانة علىٰ رسمة المقدمة حسيتها حنونة جدًا?????✍?!
جاري تحميل الاقتراحات...