انا بديت من مستوى ٣ في الايلتس وكانت تجربتي حرفياً معاناة. وهذي ٣ مراحل مريت بيها نقلت مستواي نوعيا في الايلتس ??
المرحلة الاولى:
كل القصة بدأت لما كنت ابغا استغل اجازتي الصيفية وما لقيت في المعهد غير دورة ايلتس.. دخلت في الدورة وبعد ١٨ ساعة تدريبية خرجت وانا متحطم وعرفت انه في كابوس اسمه الايلتس ?
كل القصة بدأت لما كنت ابغا استغل اجازتي الصيفية وما لقيت في المعهد غير دورة ايلتس.. دخلت في الدورة وبعد ١٨ ساعة تدريبية خرجت وانا متحطم وعرفت انه في كابوس اسمه الايلتس ?
بعدها قولت خلاص خليني اركز اول شيء على تطوير لغتي و هذا من احد الاغلاط اللي سويتها لانه كان يمديني اختصر الوقت و اركز على الايلتس واللغة في نفس الوقت✌?
والغلطة الثانية اللي سويتها انه ركزت لمدة ٤ شهور كاملة بمذاكرة يومية ٤ الى ٦ ساعات على حفظ الكلمات وقواعد الجرامر.. صح الكلمات والجرامر مهمين في اللغة بس مهي اسرع طريقة في التعلم وما تغير مستوايا طوال فترة المذاكرة هذي
بعد فترة سمعت بالصدفة شخص اسمه A. J Hoge يقول انه افضل طريقة للتعلم هي الاستماع مو حفظ الكلمات بس الشرط انه تستمر عليها يومياً لمدة شهور وراح يتطور مستواك بشكل رهيب ?
وقتها كنت متحطم من حفظ الكلمات وقررت اجرب هذي الطريقة.. والمفاجأة انه بعد اسبوع واحد من الاستماع المكثف للبرامج الصوتية ٤ ساعات في اليوم لاحظت انه صرت افهم بشكل افضل الموضوع ونسبة استيعابي ازدادت
وفي خلال شهرين فقط من الاستماع المستمر يومياً صار مستوايا فوق المتوسط.. مقارنة بمدة اربع شهور تركيز كامل على حفظ الكلمات والجرامر وما تغير مستوايا ولا شيء عشان كدا اقولكم حفظ الكلمات مهو افضل طريقة
وخلاص صرت دحين مؤهل لقراءة الروايات بس عرفت انه مرة مهم اقرأ روايات مناسبة لمستوايا ما تكون مرة معقدة.. اذا فاهم القصة بنسبة ٦٠٪ معناه مناسبة ليك لانه هذي ٤٠٪ هي اللي تساعد مخك يتخيل الصور الذهنية ويفهم الكلمات الصعبة من خلال السياق وبالتكرار مو بالحفظ ??
المرحلة الثانية:
بدأت مرحلة جديدة الاستعداد لاختبار الايلتس اكبر عقبة واجهتني هي التشتت مرة ثانية.. لانه ما كان في احد يتكلم عن شيء اسمه "التكنيكات" وما في خطوات واضحة للاستعداد للاختبار ?
بدأت مرحلة جديدة الاستعداد لاختبار الايلتس اكبر عقبة واجهتني هي التشتت مرة ثانية.. لانه ما كان في احد يتكلم عن شيء اسمه "التكنيكات" وما في خطوات واضحة للاستعداد للاختبار ?
صراحة كنت اتمنى احد يقولي جملة واحدة من اللي اقوله دحين كان ممكن اوصل للدرجة في خلال ٦ اشهر فقط من مستوايا المبتدئ بدل ما ضيعت سنتين كاملين ?
بس ما لقيت غير شخصين عرب شوفت تجربتهم مع الاختبار.. الدرجة اللي جابوها وتحفيز للمذاكرة في مدونة واخذت تجربتهم حافز ليا استمر بقوة ?
و كان الحل الوحيد اخذ كتب ايلتس واتدرب.. اشتريت من جرير كتب كامبردج للاختبارات التجريبية وركزت عليها بقوة.. وفي هذي المرحلة سويت غلطة كمان ما كنت اراجع اخطائي اسوي الاختبار واكمل الاختبار اللي بعده الين حليت تقريباً من ١٥ ل ٢٠ اختبار تجريبي
وجاء اليوم المنتظر يوم النتيجة وكانت الدرجة ٦.٥.. صراحة كانت مفاجأة ما توقعتها بسبب خلفيتي السابقة وخوفي من الاختبار ?
وفي هذي المرحلة تعلمت انه كثرة التدرب على الاختبارات التجريبية هي النقطة اللي خلتني اوصل لهذي الدرجة الرهيبة..
المرحلة الثالثة:
بشرت عائلتي باني جبت هذي الدرجة الكل فرحو ماعدا خالي قالي عبدالرحمن انت يمديك تجيب احسن من كدا.. الموضوع حمسني جدا وطبعت هذي الرسالة و خليتها على مكتبي وقررت اختبر مرة ثانية بعد شهرين
بشرت عائلتي باني جبت هذي الدرجة الكل فرحو ماعدا خالي قالي عبدالرحمن انت يمديك تجيب احسن من كدا.. الموضوع حمسني جدا وطبعت هذي الرسالة و خليتها على مكتبي وقررت اختبر مرة ثانية بعد شهرين
في هذي المرحلة حرفياً اخذت كل الكتب الخاصة بالايلتس وبديت اعرف اكثر عن التكنيكات وكان كل كتاب يقول نصيحة مختلفة.. بديت اجرب بنفسي كل النصائح عشان اعرف ايش افضل طرق تساعدني في الحل ??
تحمست وتعمقت اكثر في موضوع التكنيكات وبديت اكتشف اشياء جديدة وسويت التكنيكات الفعالة لشخص يتعلم اللغة ويبغا درجة قوية من البداية.. زي مثلاً فكرة القوالب حرفياً كنت اول شخص يسويها اذا بحثت عنها بالانجلش ما راح تلاقي شيء
و هذي التكنيكات فرقت في مستوايا من جد و كانت درجة الاختبار الثاني ٧.٥ كمجموع عام و في قسم القراءة ٨.٥.. بعد ما كان اصعب قسم بالنسبة ليا ?
هنا انتهت المرحلة الثالثة واتعلمت انه لولا فضل الله ثم التكنيكات ما كنت وصلت لهذي الدرجة بهذي السرعة ??
ومن خلاصة هذي المراحل تعلمت انه السر في ??
1️⃣ تطوير اللغة من خلال الاستماع والقراءة
2️⃣ تطبيق التكنيكات
3️⃣ التدرب على الاختبارات التجريبية كثير
1️⃣ تطوير اللغة من خلال الاستماع والقراءة
2️⃣ تطبيق التكنيكات
3️⃣ التدرب على الاختبارات التجريبية كثير
هنا بدأت قصة جديدة اسميها المرحلة الرابعة ??
بسبب هذي المعاناة قررت اجمع كل تجربتي في كتاب الكتروني وكم فيديو يمكن احد غيري يستفيد.. وما كنت متخيل انه فيه اشخاص كثيرين من جد يعانو نفس معاناتي مع الاختبار واستفادو من المحتوى اللي سويته ويجيبو الدرجة اللي يبغوها ?
هذا الوقت كان نقطة محورية في مشروع دليلك للايلتس وقررت اختبر مرة ثانية عشان اتأكد انه من جد هذي افضل طرق وما جيبت ال ٧.٥ صدفة.. واختبرت مرة ثالثة خلال اسبوع وبفضل ربي جيبت درجة ٨ ??
بدأ الاهتمام بالمشروع يكبر وصار دليلك للايلتس له وجود قوي في كل وسائل التواصل.. ومن جد صرت استمتع بالشيء اللي اسويه واحاول اساعدكم قد ما اقدر
وبفضل ربي بعد تخرجي صرت اعطي ١٦ ساعة تقريبا من يومي في خدمتكم واتحمس اكرف معاكم اكثر واكثر ?
من جد الموضوع مهو صعب ولا راح يأخذ منك سنوات.. انت دحين يمديك تحقق هدفك في خلال شهور او حتى اسابيع.. كل اللي عليك تسويه تعطي الوقت وراح تحقق هدفك في النهاية ???
جاري تحميل الاقتراحات...