#الدنيا
نبدا ذا القصيد بالصلاة عليه
صلوا على محمد نبينا لعطرْ
انت يا سامعني، انصت للحْديث
ماتكونشِ غافل ولا تغض البصرْ
اسمعني بڨلبك ما تكسرْ وذنيكْ
وافهم للكلام وابحث فالمصْدرْ
دنيتنا هاذي كي سحابة لخريفْ
ماهي تاع ظِلال ماهي تاع مطر
#يتبع_1_
#توليب

عيش فيها كلي راك غريب
مافيها خلود ، دنيتنا سفر
كلي امتحان وراك تعدي فيه
ولا ابتلاء وايامات تمر ..
يا سامعني، افهم للحْديث
لا تغرك الوانها ولا يغرك السرْ
يا جابر لقلوب جمّعنا عليك
اغفر خطايانا احنايا بشر..
صلوا يا حضار والصلاة عليه
نختم ذ الخطاب وانا نستغفر.
#توليب✒
#شعر_ملحون