ثريد
قصة حقيقية
حدثت لي بالامس
قصة حقيقية
حدثت لي بالامس
بينما كنت اعبي بنزين في احد المحطات شدني منظر تلك الفتاة امامي وهي في حالة غير طبيعية، اشترت قهوة وراحت جلست وبعدين قامت مشت شوي ورجعت واضح انها متوترة ، المهم انا خلصت معبي بنزين طلعت من المحطة واخذت اليوتيرن ورجعت ووقفت قبل المحطه ع اليمين قلت اراقبها وش راح تسوي ... يتبع
سبحان الله احساسي كان في محله ، جات سيارة شيفروليه ووقفت جنبها شوي وحركت. اول ماحركت السيارة هي انطلقت وراها مشي ( ماكانت تبي تركب قدام الناس ) هو لف يمين اول شارع بعد المحطه وهي كمان وراه ، انا حركت بالجمس (سيارتي) وراهم ولما تأكدت انها راكبه معاه صرت اكبّس واولع النور عالي ...
عشان ابغاهم يوقفوا ، اشارتين اللي في طريقنا كانت خضراء وماوقف والاشارة الثالثه كانت حمراء ، ولما زدت اكبّس وتأكد اني ماراح اخليه دخل يمين (شارع جانبي قبل الاشارة وليس مع الاشارة) المهم دخل يمين وصفط على جنب وانا وقفت الجمس وراه، نزل وجا عندي كان شاب عادي في الثلاثينات ... يتبع
نزلت انا وبديت بالكلام مباشرة وماعطيته مجال قلت له استح على وجهك وترضى اختك تسوي كذا وعيب عليك .. الخ حاول انه ينكر لكن تفاجأت بسرعه اعترافه. اكتشفت انهم يروحون الى شاليه ويجلسون ساعتين يمارسون الفاحشة ويرجعها. قلت له رح انتظر ورا واشرت له يروح بعيد شوي ورحت للبنت في الشيفروليه
وقفت قدام السيارة واشرت لها تنزل ونزلت واضح جدا انها متوترة الف ، لما سألتها نكرت بشدة وقالت انه بيوصلني ، قلت لها أستحي على وجهك رجال كبير يعترف وانتي تنكري ، ولما شديت عليها اعترفت وقالت انها تروح معاه الشاليه قلت لها انتي زي الحمّام ، بل الحمّام اكرم منك ...
لأنه يقضي حاجته فيكي وانتي رخيصه... ومن هالكلام. وبعدين قلت لها روحي اركبي بالجمس ، قالت تكفى واستر علي وكذا وصارت تبكي ، قلت لها بصوت عالي " روحي اركبي بالجمس" راحت وركبت ورا ....
اشرت للشاب وجا قالي ان عنده ارتباط مهم اليوم. وبكرة يجيني وين ماأبي المهم تاكدت من صحة كلامه وعرفت الموضوع فعلا مسألة حياة او موت استغربت ووبخته بشدة كيف في الظروف هذي تسوي كذا، قال الشيطان ومن هالكلام. أخذت بطاقته ورخصته وارقام الجوالات وسمحت له يمشي بشرط اذااتصلت عليه يجيني...
هو كان متجاوب وماتعبني معاه ( واضح جدا ان باله في الموضوع الاخر وماكان مركز ) المهم رجعت انا وركبت سيارتي وقلت لها ماشاءالله الحين راكبه ورا ؟ قالت تكفى استر علي وان ابوي كبير في السن ...الخ قلت لها وين بيتكم ووصفت لي بعد ما شافتني اتكلم معاها بحزم وشدة ، رحنا لبيتهم...
وقفت قدام بيتهم وكان في مجموعة من شباب الحارة واقفين بعيد شوي ، قلت لها تعرفيهم ؟ قالت لا وحلفت ، قلت لها تطلعي مع مين فيهم قالت والله انا محترمه وما اسوي كذا ، قلت لها أيّهم بس ، قال لا والله ....
المهم بس شفت البيت وكذا لكن مانزلتها ، اتصلت على واحد عنده معارف في القسم قلت له ابي رقم واحد من قسم كذا. قال تمام وارسل لي رقم ملازم انسان محترم وكان شغال مع الهيئة سابقا. اتصلت عليه وتقابلنا في مكان قريب جا بسيارتين ومعاه امن وشيخ ، المهم ركبوها وعطيتهم اوراق الشاب وراحوا.
انتهى. اقسم بالله العظيم اني عايشت هذه القصة وماذكرت فيه صحيح لاحد يجيني خاص او يحاول ان يكذبني ويتصيد الأخطاء . شكرا وحفظ الله بنات وشباب المسلمين من الفواحش والفتن ما ظهر منها ومابطن.
جاري تحميل الاقتراحات...