"السر"
خايف لا نهدر يتفضح السر
ڨلبي متوَعّك من كثر التخمام
ياڨلبي اهدا علاش عليك الضر
علاه تتمحن وتتفكر ليام
تمنيتو ليا واتقربت اكثر
تمنيت المحبوب يبادلني لغرام
انا يا قلبي صارحتو بالفم
وقتلو قلبي ليك،اڨطعلي لكلام
قالي مانكذبش،نقلك فالمحضر
قلبي راه مملوك سلمتو تسلام
#توليب
يتبع1

ولي داه عشيقي نقولها ونفتاخر
يعشقني وعشقي ماهوشِ اوهام
انا كي النجمة ونشوف فيه قمر
هاذاك الّي يسموه بدر التمام
ڨلبي بدا يدمي دڨو فيه خَنجر
جرّحني بكلامو اتڨسّم تڨسام
حلمت بيه شريك ومعاه نتستر
ماهو لي حقيقة قعد كي لمنام
يتبع2

استر يا قلبي استر واتستّر
خلي لهيه الهم لا تزيد التخمام
هذا راه نصيب، مكتوب وقَدر
خلي الجرح يطيب ماتفتحوش حْرام
ربي يرزق الّي قراني وافهم
و صلي على محمد خير الانام
#توليب✒
#شعر_ملحون