النهاردة طبيب من اطباء العزل في الإسماعيلية ارسل تسجيل صوتي قال فيه
ان ٩٠٪ من الحالات الي في العزل كويسة جدا بصحه ممتازة مبتاخدش اي علاج ولا عندهم اي اعراض وموجودين في العزل فقط لمنع انتشار الفيروس عن طريقهم لناس تانية
٥٪ من الحالات عندها اعراض بسيطة زي الكحه

والحرارة والي بتطلب علاج بسيط وبيتحسنوا
٥٪ فقط لا غير هما الي حالتهم الصحية سيئه نوعا ما ودول كمان مع العلاج بيتحسنوا
_وجودك في العزل الصحي معناه بس انك حامل للفيروس وممكن تنقله لشخص اخر فتزود عدد المصابين ...انت مش رايح تموت ولا رايح تتعذب

وجود مقاومة وصويت اثناء الانتقال الي العزل ملوش اي معني ولا اي داعي ارجوكم متصعبوش الامور اكتر من كده
_التجمع حوالين اي حد تحليله ايجابي والتصرف بهلع بيضر حالته النفسية ويحسسه انه مريض وحالته سيئه وبيضرك انت في انك ممكن تلقط الفيروس وبيضر المجتمع كله لان

زيادة عدد الحالات بيودينا لكارثه محققه
ارجوكم بالله عليكم اقعدوا في بيوتكم والي تحليلية لا قدر الله يطلع ايجابي يتصرف بهدوء وحكمه علشان نعدي الفترة الصعبة دي
بغض النظر عن صحه الأرقام من عدمها بس مضمون البوست ده هو المطلوب

العزل مش غرضه انك تقتل الشخص ده او تسيبه يموت
اغلب الحالات ان شاء الله تتحسن اهم حاجه الحد من الانتشار
منقول