ستنتهي الأزمة بحول الله وقوته و تزاح الغمة وتنعم بسعادة وراحة هذه الأمة ، بشروا ولا تنفروا خذوا بالاسباب وتوكلوا ع الله وتذكروا ان بزمن عمر بن الخطاب جا الطاعون وتجاوزوه!مهما كانت خطورة كورونا يبقى جند مأمور من جنود الله وبأمره بيزول، ما استتفه الأمر لكن فعلاً استوعبوا رحمة الله
ومايعني هالشيء تلقون بأيديكم للتهلكة وتخرجون وتخالطون المصابين الله يرفع مافيهم،لكن كل بلاء قابلوه بالتسليم لله و استشعروا انه بيد الله ورح ينتهي زي غيره من البلاء قانون الله: لا عسر دائم يمكن انا الوحيدة اللي ما اتكلمت عنه لاني صراحة ماحب اكبر بحجم الشيء مهما كان كبير اثق فيه رب
اكبر من هالشيء وبيده مقاليد السماء والارض وبحوله وقوته زائل واخذت اسبابي وكمامي ومعقمي وخلاص جالسة ف بيتي واقرا قراني واستغفر وادعي ربي يرفعه عننا ليش كل شوي اقلق واخرع الناس معاي؟ اللي صاير صحيح يكسر الخاطر خصوصاً سالفة تسكير المساجد وخاصة امس الجمعة لكن ما اجي اقول الله يرفضنا!
واقعد افجع بخلق ربي واقعد اقول العالم بينتهي! كلنا بنموت بيوم ما ننكر هالأمر لكن ما احكم بنهاية العالم كيف ماكانت الظروف السائدة!وترا زي ما سلطوا الضوء ع الجانب السلبي رح اسلطه ع الجانب الايجابي: اش رايكم اني اعرف كثير بدوا حفظ قران؟وكثير صاروا يقومون الليل وهم حتى صلاة مشي حالك؟
وكثير رتبوا حساباتهم الاخروية بمعنى صار لهم ورد قراني،صاروا يكفلون ايتام..الخ، ليش ماتفهمونه انه مثلا الله يبغى يهذبنا ويردناله وان هذا مو غضب هذا تاديب،او تذكير ان الدنيا زائلة وكل حالك السيء كذلك يعني ياصاحب الهم تطمن الحال رح يتغير مو ثابت ورح تفرج! واللي تشوفونه خراب! ماتدرون
اللي يقول رزقي تعطل،راتبي رح اخذ نصه،ويتذمر من الحال مايمكن الله قفل سكة وفتحلك سكة فيها رزق اكثر و راتبك اللي صار نص ذا يمكن بركته تكون اضعاف الكامل..يمكن والف يمكن!ترا ربنا حكيم وما ياخذ شيء الا ويعوضك باحسن! وهو ارحم الراحمين وما يطرد عباده!ينادي المذنب وينتظره يتوب ويحبنا!
لاتحللون على كيفكم وتخوفون المسلمين،ترويع المسلم له ذنب زيه زي اي فعل مضر اخر،علموا الناس كيف تقي نفسها باذن الله واش اسباب الوقاية لكن مو منطق كل شوي تشيكون ع عدد الاصابات وتنشرون السلبية والتخويف بكل مكان بحجة انه شيء اول مره يصير بالتاريخ!وتذكروا:إن الله معنا ومايتركنا ابداً?
وامنياتنا ما تموت وربنا الحي القيوم الذي لايموت لاكورونا ولا غيره يقتلها، وهي محفوظة عند الحفيظ وباذنه وحوله وقوته رح يرفع هالبلاء زي ما تعودنا منه سبحانه هالشيء، تفائلوا و ادعوا واستغفروا و اعملوا لحصاد الدنيا والاخرة و كل شيء رح يكون بخير والامور تهدا وترجع افضل من قبل كمان??
جاري تحميل الاقتراحات...