كيف انقفطنا انا وصاحبي اننا مسافرين وغايبين عن المدرسة بدون ما نعلم اهلنا " ا ثريد ?"
بيوم من الايام قبل سنة وشوي صاحبي طلع تصريح سواقة واشترى سيارة وكان مبسوط وحسينا ان الحياة انفتحت بوجهنا وماراح ننذل لسواقين اوبر ولاخواننا وهو حي وواعدني انه دامه عايش بنسوي كل شي بخاطرنا?
كنا في المدرسة ونسولف بدرس الاحياء اللي يجيب النوم وكل واحد كان يتكلم عن رغبته في السفر وفجأه أنا قلت " لو نروح الرياض بالسيارة على الأقل " سكت وهو جلس يشوفني ويفكر وانا فهمته من نظرات عيونه... فجأة قالي وش رايك نروح بدون ما يدري احد
انا قلت وشلون ؟ وكيف؟ ومتى ؟ وجلسنا نفكر مع بعض وقررنا اننا بنغيب عن المدرسة يوم الخميس الصباح ونمشي للرياض ونرجع السبت الصباح بدون ما احد يعرف ولا يحس حتى اصحابنا الثانين ما علمناهم من التوتر وقررنا نغامر
مرت الايام وكان كلها تخطيط وكنا متحمسين حجزت شقة فندقية وحجزت فلمين بالسينما وجهزت المطاعم اللي بناكل منها ووين بنروح وسويت لنا جدول محترم كل الناس يحلمون فيه وهذا على بيريدت
طبعا اذا بتسألون من وين الفلوس كلنا سرقنا من صرافات امهاتنا بليل وحذفنا رسالة السحب يعني حرفيا السفرة من كل النواحي كانت " حرام في حرام "
جا اليوم الموعود ومن الخوف ما نمنا الا ساعتين بليل صحينا الفجر واخذنا جوالات ابائنا حظرنا رقم المدرسة وطفينا الاشعار عنه علشان ما يوصلهم رسالة غياب واخذت شنطتي وسويت نفسي رايح المدرسة بس مين كان بيقولهم ان الشنطة فيها ملابسي ....
ركبت السيارة وكلنا كنا مبسوطين وبنفس الوقت خايفين وما نعرف ايش ينتظرنا حرفيا مسكنا خط الرياض والامور كانت طبيعية ومشغلين اغاني ونرقص مع انه كانت فيه حشرات كل شوي تضرب القزازه الامامية وتطلع دم وحسينا انها الكارما بس نو ون كير كملنا سعادتنا ✨✨
كنا بالطريق وقررت اتأكد من الحجز اللي سويته بالبوكنج ورحت شفت بيانات الحجز وهنا كانت الطامة الكبرى ... اكتشفت ان الحجز برقم جوال ابوي لانه موجود بحسابي البوكنق من حجز له قبل ونسيت اشيله .....
حذفت الحجز ورجعت سويت حجز ثاني على رقم جوالي ودعيت الله انهم مايكونون اتصلو لانه حياتي كانت ممكن تنتهي على يد ابوي وامي وقررنا ننسى هذا الحدث ونكمل متعتنا لان الحياة مرة وحدة ✨
وصلنا الرياض ورحنا الشقة وحطينا اغراضنا وغيرنا ملابسنا وتكشخنا ورحنا نتغدى ورحنا لفيرجن وتمشينا بالمول ولما صار الليل وكنا رايحين للفلم فجأة اختي ارسلت لي وينك ؟ قلت "بالاستراحة ويمكن انام هناك " فجأة بدون مقدمات قالت انت بالرياض ؟
قالت ان فيه شقق اتصلو على ابوي وكانو يتأكدون انه بيلغي الحجز والحجز كان بإسمك .. انا تشنجت حرفيا لمدة دقيقتين وقررت اتماسك واكذب وانكر لاخر رمق وقلت انه صاحبي سافر وقال لي احجز له بعدين قالي ما يحتاجه والغيته
فجأة بدأو يكتشفون كذبتي وكلهم بدو يرسلون لي تعال البيت وانا اقولهم مبسوط مع اصحابي ويقولون تعال نتأكد انك هنا وامي بدأت ترسل لي
هنا انا قررت اسحب عليهم وما ارد واعيش حياتي وقررنا نختصر السفرة ونرجع بكرا الصباح من كثر تهديدات القتل اللي وصلتني من اهلي حتى صاحبي نفس بسبب غبائي وخاف ان ابوي يكلم ابوه ويعلمه
صحينا الصباح ولبسنا وحنا منفسين وافطرنا وحنا منفسين وطول الطريق كنا منفسين ومتوترين وما رقصنا ولا تكلمنا مع بعض من كثر الخوف واننا مانعرف ايش ينتظرنا وايش راح يستقبلونا فيه وبأي سلاح بننقتل
وصلنا البيت دخلت لقيت اهلي كلهم جالسين ينتظروني تهزيء ✨ ضرب ✨ تعنيف جسدي ✨ تعنيف نفسي ✨ تنمر من اخواني ✨ حرموني من الطلعه لفترة ✨ اخذو اللابتوب مني ✨ اخذو بطاقتي والفلوس الباقية معيه ✨ خلوني اغسل الحوش كامل ✨
خلص الثريد ومن بعد هالسالفة انا وصاحبي ما كلمنا بعض لمدة يومين وهذي اشكالنا لما شفنا بعض بالمدرسة يوم الاحد بعد ماتعرضت للتعذيب ...
جاري تحميل الاقتراحات...