ليش وايد مستغربين من اللي صاير؟ كم مسلم بيننا ما يعرف يصلي؟ وكم مسلم بيننا يقضي رمضان كله بين النوم والسهرات؟ وما يفتح المصحف إلا مره ف السنه هذا لو فتحه يعني؟ كم مسلم بيننا إذا شافنا نتناصح يقول شو هالناس المتخلفين الرجعيين اللي ما يؤمنون بالحرية الشخصية؟.

شفتوا شو صار يوم كل واحد مارس حريّته؟ ويوم توقعتوا إن ضرر المعصية بس على الشخص نفسه وما بتطالنا كلنا؟ ويوم كنا نقول إنه نزل البلاء على بني إسرائيل لأنهم "كانوا لا يتناهون عن منكر فعلوه"؟ وكنتو تستهزؤون؟ وتحسون إن هالآيات لا يمكن تنطبق علينا؟.

كم شخص بيننا للحين مستمر ف معاصيه ومب مفتكر أصلا ف هالبلاء اللي نزل علينا؟ وبعده مقتنع إن هالڤايروس مجرد مرض والعلماء الأذكياء بيلقون له علاج وينتهي بسرعه وإن ربي لا يمكن يكون فعلا قاعد يعاقبنا؟ وكم شخص الحين بيقرا هالكلام ويحس إني متخلّفة لني مستشعرة غضب الله علينا؟؟؟؟