قصة انو منظمة الصحة العالمية تخاطب افريقيا بجملة (استعدوا للاسوأ) فدي حكاية من اسخف ما يكون ..
اول شي افريقيا دي مما خلقوها شايفة الاسوأ ..
دي ما جملة تتقال من الجهة المسؤولة من حماية البشرية و الحفاظ عليها من الاوبئة و الامراض و من تقديم المساعدات اللازمة ..

افريقيا ما ناقصها وعي بالموت .. افريقيا ناقصاها امكانيات . عندك خت ، ما عندك انطم و اسكت ..
القارة دي ما ناقصة فلسفة من النظام العالمي ، فيها اوبئة تكفي العالم عشرة سنين قدام و ما زال الانسان هنا بقاتل و بكافح و بسعى للافضل ..

كرونا ما حتكتل ناس اكتر من البكتلم الجوع و الملاريا و و الحروب و المصايب المستوطنة هنا ..
الناس هنا بأمر كل العالم بموتو بالاسهل من الكرونا و علاجو معروووووف ..
دا غير انو افريقيا كلها - بالتجارب الكافية تماما - عارفة انو الدول العظمي ما حتكون فاضية ليها و لا حيقدمو اي شي ..

فحقو المسؤولين في منظمة صحة العالم الاول العالمية ديل مع سردهم للحقائق يتحلو ببعض الخجل و الذوق.
كورونا دا حيفرز كيمان كتيرة باذن الله ..