اتخيل تصحى فجأة وتلقى روحك مربط في سرير، ورابطين جنبك عازف كمان مشهور ومغمى عليهو وموصلين درب بنقل الدم بين أجسامكم، عازف الكمان عندو فشل كلوي عنيف ورابطنكم عشان كليتك تنضف ليهو دمو، فصيلة دمو غريبة وماف زول غيرك ممكن يساعدو بالطريقة دي ولو حاولت تفصل نفسك من الالة دي بتقتلو
لازم تقعد معاهو ٩ شهور عشان يتعالج، طبعاً في جمعية من محبي الفنان دا خطفتك وفرضت عليك الحالة دي عشان تنقذ حياتو، ممكن تمرق لكن لو مرقتا أنت قاتل!
دي عبارة عن thought experiment كتبتا فيلسوفة أمريكية اسمها جوديث ثومبسون وبنت عليها ورقة اسمها "دفاع عن الإجهاض"
دي عبارة عن thought experiment كتبتا فيلسوفة أمريكية اسمها جوديث ثومبسون وبنت عليها ورقة اسمها "دفاع عن الإجهاض"
الورقة بتجادل ضد الموقف البشوف الإجهاض فعل غير أخلاقي، وبعتبرو قتل، وبنطلق من موقف انو أي إنسان عندو حق أصيل في الحياة ما مفروض يتشال منو مهما كانت الظروف وبعتبر الجنين إنسان.
الورقة بتجادل انو حتى لو سلمنا انو الجنين إنسان من لحظة الإخصاب، لسه في معضلة كبيرة وتناقض بين حقين
الورقة بتجادل انو حتى لو سلمنا انو الجنين إنسان من لحظة الإخصاب، لسه في معضلة كبيرة وتناقض بين حقين
حق الجنين (وأي إنسان) في الحياة وحق الأم في إنها تتحكم في جسمها، لو رجعنا للسيناريو بتاع التجربة هل حق عازف الكمان في الحياة بلزمك انك تقعد ٩ شهور بالوضع الما مريح دا؟ اي؟ طيب ٩ سنين كيف؟ ١٩؟ لا؟ اي؟ هل في حد بعديهو بكون الموضوع ما مقبول؟ طيب الحد دا بتختا على أي أساس؟
من النقطة دي في أسئلة كتيرة ممكن تطرح، وإعتراضات كتيرة ممكن تتقدم.. هل الحمل الناتج عن إغتصاب ممكن تمشي معاهو الحجة دي لكن الحمل الناتج عن ممارسة جنسية برضى الطرفين ما ممكن؟ لو أي طيب مش في النهاية أي إنسان عندو حق أصيل في الحياة وما مفروض نمنع الحق دا من جنين بس لأنو جا من علاقة
ما كانت عن تراضي من الطرفين؟ بمعنى إننا اسي بنناقض المسلمات البدينا منها
طيب هل الحاجة دي بتبرر للأم انها تجهض الجنين باعتبارها صاحبة الجسد لكن ما ممكن طرف تالت يتدخل؟ طيب هل الدولة من حقها تمنع أي زول انو يتدخل؟
في إشكالات كتيرة تانية ممكن تتطرح لكن ح تاخد زمن كتير خليك من انو
طيب هل الحاجة دي بتبرر للأم انها تجهض الجنين باعتبارها صاحبة الجسد لكن ما ممكن طرف تالت يتدخل؟ طيب هل الدولة من حقها تمنع أي زول انو يتدخل؟
في إشكالات كتيرة تانية ممكن تتطرح لكن ح تاخد زمن كتير خليك من انو
الزول يحاول يناقشها في منصة زي دي، عموماً الورقة دي بتعرض الموقف الpro-choice بطريقة ممكن تكون ما معتادة وبعيداً عن الشكل السطحي البطرح بيهو الموقف دا عادة وبتوضح المعضلات الأخلاقية الكبيرة القاعدة وراهو، بغض النظر عن موقفك اتجاه الإجهاض الحاجة دي مثيرة للاهتمام
جاري تحميل الاقتراحات...