ثريد عن الحاصل لينا في داخليه داؤود عبداللطيف(اسامه داؤود)
#ريتويت
#ريتويت
طبعا بعد الاوضاع الحاصله حاليا في البلد ومن بعد قرار قفل الجامعات امس الضهر وانا راجعه الداخليه لقيت انهم معلقين ورقه سيتم اخلاء المدينه لمده اقصاها 48 ساعه دون استثناء طبعا كلنا ما فهمنا الحاصل شنو؟ وليه؟ والمده كانت قليله جدا بالنسبه لينا كبنات ماعندنا مكان غير داخليتنا
مشنا اتكلمنا مع الاداره اللي هي بدورها كانت مستفزه جدا وقالت لينا الشي ده ما منها من الصندوق القومي لدعم الطلاب واشك في دعمهم اصلا بقينا في انو نمشي وين؟ فتره الشهر دي نقضيها وين؟ وحرفيا كنا جايطين كلنا
اغلب البنات اهلهم برا (السعوديه, الامارات..الخ) ماعارفين يمشوا وين ولمنو وخاصه بعد ما قفلوا الرحلات حقت السفر وانا واخواتي وبنات خالتي من ضمنهم..
الليله الصباح صحينا والداخليه دي مقلوبه فوق تحت بنات بطلعوا في عفشهم وبنات بكوركوا وبنات ببكوا عند الاداره وبنات مشتبكين مع بتاع الاستقبال وده كلو لانو رفضوا يطلعوا ليهم شنطهم وعفشهم بدون اذن (شنطه) والاذن ده ما بدوك ليهو الاتكون دافع الشهر الجديد
بياتو منطق انا ادفع ليكم رسوم الشهر الجديد المضاعفنهم لينا دي وانا اصلا ما قعدت الشهر ده في الداخليه؟؟؟؟؟؟؟ وبياتو منطق كمان اني ما طالعه رفاهيه ولا ماشه مكان انا انطردت منها تقولوا لي ما بتطلعي الا تدفعي شهر 3 الماكملتوا اصلا؟؟؟؟؟؟
انتو مستوعبين انو بقت فيها ما بتطلعي الا تدفعي ولو ماعندك تقعدي ولو قعدتي ليوم زياده حيقطعوا منك الكهرباء والمويه؟ الليله كانوا في بنات ببكوا للمديره انو ما عندهم يدفعوا وعايزين يطلعوا وطبعا كالعاده جا الرفض
بتاع الاستقبال كان قاعد واي بت ما عندها اذن ما بخليها تطلع وبتصل لي انها بقاويها وبشيل العفش منها لما جيت ماره قال لي اها يا سعديه انتو متين؟ قبيل الكهرباء قطعت ورفضوا يشغلوا لينا الجنريتر واتحجج نائب المدير بحجج تافهه جدا
المده الختوها بتنتهي بكره الصباح الساعه 8 ومن بعدها هددونا حيقفلوا الداخليه ويقطعوا الكهرباء والمويه الداخليه حاليا شبه فاضيه انا واخواتي وصحباتنا بنلملم في عفشنا وممكن نكون حاسين بي شعور سيء جدا الليله اتأكدت اني حولين ناس كلهم استغلالين وتافهين
احنا لقينا مكان الحمدلله وبكره الصباح طالعين لكن احساس انك بتستغل بالطريقه البشعه دي وبتتذل للناس كده وما عندك مكان حار حار حار وكل مره اكرر واقول من كل الشفتوا في السودان انا في موطني وأشعر بالغربه مراراً وتكراراً يا ساده..
عارفه انو الشيء ده عشان منعا لانشتار المرض البينا لكن ما بالطريقه المؤذيه والمخيفه دي.
جاري تحميل الاقتراحات...