عارفة ان دي صفحة بتقدم محتوي فلكي واغلب الوقت بنهزر ومش حابة اقعد اتفلسف او اعيش الدور 😅 ولكن المرحلة اللي احنا بنمر بيها حساسة واعتقد لو ده بيثبت شئ فهو بيثبت مدي تأثيرنا علي بعض لأن النهارده اللي بيحافظ علي نفسه مش بس بيحافظ علي نفسه ولكن ع اسرته، اولاده، جيرانه، اصحابه ومحيطه
صعوبة الموقف وكثرة الاخبار وحدتها طبيعي تخلق عند اغلبنا حالة من الهلع والقلق واتمني انك تحاول تحافظ علي سلامتك الذهنية والنفسية ولو بنسبة بسيطة وتفصل شوية عن الأخبار. مؤمنة ان المشاركة والوعي والوثوق بأن كلنا جزء من المرحلة دي ومش هنعدي الا بمساعدة بعض حاجة في غاية الأهمية.
حافظ علي نفسك وحافظ علي صحتك لأن ده مش بس هينقذك ولكن هينقذ غيرك. اتمني نلتزم جميعاً بعدم الخروج الا للضرورة ويمكن المرحلة دي بتتطلب انك تقعد مع نفسك شوية، تشوف العالم بدون ضغوط الشغل، الدراسة والشارع، بدون الاحتكاك المتواصل مع الاصدقاء والاقارب يمكن في رسالة لينا جميعاً من كل ده
بما اني عاشقة للفلك والصفحة متعلقة بذلك فطبيعي اتكلم عن وضع الكواكب وبعض التأثيرات واضيف بعض التوقعات ولكن بكل المقاييس مش الهدف الاحباط او ترويج الاشاعات. ايماني في رحمة ربنا كبيرة ومؤمنة اننا مقبلين علي بداية جديدة رائعة ف طول ما انت بتعمل اللي عليك انت مش محتاج تعمل أكتر.
الثريد دي مش لأي هدف غير اني بفضفض عن اللي بيدور في دماغي وكالعادة بحبكم أبطالي واتمني للجميع يوم رائع و اعصاب قوية ومناعة أقوي 💜
🕊
..ولله ملك السموات والأرض والله علي كل شئ قدير..
🕊
..ولله ملك السموات والأرض والله علي كل شئ قدير..
جاري تحميل الاقتراحات...