التقارير الطلعت من الصين بإعتبارها المرجعية للعالم في الكورونا بتقول انو ٢.٥٪ بس من حالات الإلتهاب الرؤي المُسبَّب بالفايروس كوفيد-١٩ المسجلة هي لأطفال، و نسبة الحالات الحرجة كنتيجة للمرض وسط المرضَى الأطفال هي ٠.٢٪
و الصين لحد يوم ١٠ مارس مافيها طفل واحد مات كنتيجة للمرض
في حين انو على النقيض تماما المرض بيقتل بحسب تقارير منظمة الصحة العالمية في الصين حوالي ٢١.٩٪ من الناس الإتجاوزت اعمارهم الـ٨٠ سنة
في حين انو على النقيض تماما المرض بيقتل بحسب تقارير منظمة الصحة العالمية في الصين حوالي ٢١.٩٪ من الناس الإتجاوزت اعمارهم الـ٨٠ سنة
و الحاجة دي غريبة، و سلوك الكوفيد-١٩ دا مختلف عن باقي الفايروسات زي الانفلونزا و غيرهم، و الغرابة و الإختلاف بيجي من انو الفايروسات البتعمل النزلات (زي الانفونزا) بتكون اخطر على الاطفال و كبار السن
ف اي سلوك لمرض معدي بيصيب الجهاز التنفسي بيكونو عندو شكل U ,بحيث انو اثر المرض بيكون اعنف و أعتى في صغار السن و كِبارهم؛ صغار السن مناعتهم لسّة بتتطور و ما قوية، أما كِبار السن مناعتهم ضعيفة
و ليس ببعيد سنة ٢٠٠٢ في موجة سارس الإنتشرت في القارة الآسيوية فالمرض ما قتل ولا طفل من مُجمل الـ٧٧٤ القتلهم، و برضو في سنة ٢٠١٢ لمن انتشرت متلازمة الشرق الأوسط التنفسية فالمرض قتل اعداد بسيطة من الأطفال من مجموع الـ٨٥٨ الماتو بسبب المرض.
و في اللاب لقو انو صغار الفئران لمن يعرضوها لفايروس سارس بتنجو، و الكبار منهم المرض بيقضي عليهم
و السؤال البيطرح نفسو هو ليه؟
ليه الأطفال ما بيتأثرو بفايروسات كورونا؟
ليه الأطفال ما بيتأثرو بفايروسات كورونا؟
هل لأنو الأطفال ما عندهم مشاكل صحية زي الناس الكبار؟
ف إحصائيا نادرا ما تلقى ارتفاع ضغط دم او امراض قلب و رئة عند طفل، و لكنها اكتر عند الناس الكبار، دا سبب
ف إحصائيا نادرا ما تلقى ارتفاع ضغط دم او امراض قلب و رئة عند طفل، و لكنها اكتر عند الناس الكبار، دا سبب
السبب التاني بيكمن في استجابة الجهاز المناعي، الناس الكبار استجابة جهازهم المناعي بتكون قوية و شديدة
الإستجابة القوية دي هي البتعمل ضرر في الرئتين، فجهاز المناعة بيشتغل كحاطب ليل؛ اي شي في وشُّو بيقشو
الإستجابة القوية دي هي البتعمل ضرر في الرئتين، فجهاز المناعة بيشتغل كحاطب ليل؛ اي شي في وشُّو بيقشو
نفس الرد المناعي القوي دا هو البيتشاف بعد الإصابات الكبيرة و الجراحات المتوسطة و الكبيرة
رد الفعل المناعي دا بيكون بقيادة مواد كيميائية اسمها cytokines، و دراستين لقو انو افراز الـcytokines في الأطفال بيكون بسيط عشان كدا يمكن يكون دا سبب بيخليهم محميين من الأعراض الشديدة للمرض.
رد الفعل المناعي دا بيكون بقيادة مواد كيميائية اسمها cytokines، و دراستين لقو انو افراز الـcytokines في الأطفال بيكون بسيط عشان كدا يمكن يكون دا سبب بيخليهم محميين من الأعراض الشديدة للمرض.
الرسالة العايز اقولها انو الأطفال حتى ولو كانو مُصابين اعراضهم بتكون بسيطة، و بيكونو مصدر عدوى كبير؛ بيتحركو كتير و بيجرو، عشان كدا واحد من الحاجات البتحد من انتشار العدوى هي انو نخليها ما تجي لأولادنا ابتداءا عشان ما ينشروها.
خلو اولادكم في البيت عشان لو خليناهم في البيت بنمنع العدوى تجيهم و بنمنعهم ينشرو العدوى.
المدارس ما قفلوها عشان تخلو الشفع يتحاومو و ترسليهم للدكاكين و صفوف العيش، استهتارنا دا حيضيعنا و حنكون اسوأ من ايطاليا، اتعظو يا ناس و اخدو الموضوع بجدية
ما عشان مافي اصابات نستهتر، الاصابات البتطلع بتكون زي قمة جبل الجليد المدفون باقيهو الكبير في الموية و نحن ما شايفنو، الشغلة دي كانت كتمت صدقوني حتكتم بكلو
و عشان كدا قلنا دور الحكومة بسيط، اكتر من تقفل الجامعات و المدارس تعمل شنو؟ تمنع شفعكم يترسلو للدكاكين؟
الدور الأكبر علينا نحن.
الدور الأكبر علينا نحن.
جاري تحميل الاقتراحات...