رتبها

إزاي ممكن شخص واحد يتسبب في ٢٠٠٠ حالة اصابة بكورونا و تفشي المرض في دولة كاملة ؟
هحكي في الـ Thread تقرير لـ رويترز عن إزاي المرض تفشى في كوريا الجنوبية ؟

- تبدأ الحكاية بظهور 30 حالة في كوريا الدولة تمكنت من تتبعهم وحجزهم وتتبعت الأشخاص اللي تعاملوا معاهم واختبرتهم وحطت المصاب منهم في الحجر و سيطرت علي المرض ، لحد ما هتظهر حالة هتقلب الدنيا و تخلي كوريا الجنوبية تعلن الطوارئ

الحالة دي لـ واحدة ٣٥ سنة لقطت العدوى من شخص قادم من مدينة ووهان منبع كورونا ، و محدش عرف عنها حاجة الا بعد ما الكارثة حصلت
- الست دي اتعدت يوم 29 يناير
- يوم 6 فبراير عملت حادثة فدخلت مستشفى

- طلعت من المستشفي بعدها بيوم
- يوم يوم 8 فبراير راحت كنيسة في مدينة دايجو قريبة من المستشفى وقعدت ساعتين وسط مئات الأشخاص
- جالها سخونية يوم 10 فبراير والأطباء قالولها روحي اعملي اختبار كورونا ، فطنشت و خلي بالك كويس عزيزي المواطن من كلمة طنشت دي

- السخونية بتزيد ، راحت بالتاكسي يوم 14 فبراير اتغدت مع صديق ليها في أحد الفنادق ، قعدت ساعة ونص في وقت زحمة
- يوم 15 فبراير راحت الكنيسة تاني قعدت ساعتين وسط مئات الناس
- 16 فبراير، السخونية زادت جامد ، راحت كشفت في مستشفى، لقوا عندها كورونا

- بعد ما تتبعوا اللي عملته خلال المدة دي لقوا انها علي أقل تقدير أصابت ١٢٠٠ شخص ، و الـ ١٢٠٠ شخص اصابوا ألالف غيرهم و ده خلي كوريا الجنوبية في المركز الثاني وقتها بعد الصين في عدد الحالات

- لحد ما ارتفع عدد الحالات لـ ٣٧٠٠ حالة في مدينتها خلال كام يوم ، الست دي لو كانت استجابت لرأي الأطباء أو حتى قعدت فالبيت كان يمكن لحقوا الأمر

- نفس الموضوع ده حصل في باخرة الاقصر ، هحكيلكم القصة كاملة

- في اواخر يناير زار سائح أمريكي من اصل تايواني مصر ، و نزل في باخرة Asara في الأقصر ، و كانت رحلته علي الباخرة لمدة إسبوع
- ٦ سياح أمريكان من اللي معاه لما رجعوا بلدهم في المطار اكتشفوا اصابتهم بكورونا

- بعد بفترة ١٢ سائح تاني رجعوا امريكا من مصر و اكتشفوا اصابتهم بكورونا
- بعد ما حللوا بيانات الرحلة للأشخاص دول لقوا اشتراكهم مع الـ ٦ اللي قبلهم في نفس الباخرة
- تم ابلاغ السلطات المصرية يوم ١ مارس ان السائحة الامريكية نشرت العدوى علي الباخرة

- تم ابلاغ الشركة اللي حجزوا منها الرحلة النيلية ، اللي قامت بالاتصال بالسفارة المصرية بواشنطن و تواصلت مع الشركة المشغلة للسفينة و السلطات المصرية
- تم عمل تحليلات للأشخاص علي الباخرة و بلغوهم انها سلبية يوم ٥ مارس

- يوم ٦ مارس تم ابلاغهم ان كل اللي علي الباخرة مريض بكورونا و أعلنت وقتها وزارة الصحة اصابة ١٢ شخص علي السفينة و بعدها بيوم ٣٣ شخص
- تم اكتشاف اصابه ١١٠ شخص اجنبي كانوا في الاقصر لحد دلوقتي

- أحد السياح اللي كانوا علي السفينة خلال الفترة دي بتقول انهم هربوا لمصر بعد ما اعلنوا انها خالية من كورونا ، لكن في اخر يومين في رحلتهم اكتشفوا ان طاقم السفينة بدأوا في عملية تنضيف كالمجانين

- الأسوء من كدا ان خلال الشهر بين اول اصابة و اعلان الاكتشاف ، الباخرة ابحرت ٤ مرات بين الاقصر و اسوان ، و كانت ممر للسياح من السفن الاخري ، و ركابها تعاملوا مع سكان الاقصر و المدن دي و اشتروا من الباعه عن قرب

- الغرض من الثريد ، ان اوضح للناس ان تأجيل الدراسة و التجمعات مش عشان الفسح ، ده الغرض منه السيطرة علي تفشي الفيروس ، إيطاليا في اسبوع واحد بسبب الاهمال و عدم الالتزام بقرارات الحكومة وصل العدد الوفيات امبارح لحوالي ١٤٠٠ حالة

- من فضلك حاول علي قد ما تقدر تلتزم بيبتك الفترة دي و متنزلش الا للضروروة ، كل ما قل عدد الناس في الشارع كل ما زادت فرص انك تنقذ حياة شعب بحالة ، انا وضحتلك في الثريد ازاي حالة واحدة قادرة تنشر المرض في دولة كاملة

- لو جالك أي عرض ولو طفيف زي السخونية أو الكحة تعامل بحذر واعزل نفسك، مفيش خطر عليك متقلقش خلليك مكانك، ممكن يبقا برد عادي وحتى لو كورونا فانت في أمان مع الأعراض دي متقلقش ، المشكلة اللي بنواجهها هيا أننا نقلل عدد الإصابات اليومي قدر الإمكان

- للمرة المليار ، الاجراءات دي للوقاية مش للفسح و الخروج ، خافظ علي نفسك و تعالي علي نفسك شوية و اغسل ايدك كل ما تعمل حاجة بالمياة و الصابون لمدة ٢٠ ثانية ، و اوعي تلمس وشك بايدك الا بعد ما تغسل ايدك ، النظافة اليومين دول امر لابد منه بعد اذنك

صباح الفل يا اخواتي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد