نصائح لـ #العمل_عن_بعد
حبيت أشارككم تجربتي مع العمل عن بعد كوني اشتغلت لمدة 6 سنوات منقطعه في البيت.. بالأسفل (ثريد) بحط النصائح عن تجربة شخصية لعلها تساعد البعض في حالة عملهم من المنزل خلال هذه الفترة ??
حبيت أشارككم تجربتي مع العمل عن بعد كوني اشتغلت لمدة 6 سنوات منقطعه في البيت.. بالأسفل (ثريد) بحط النصائح عن تجربة شخصية لعلها تساعد البعض في حالة عملهم من المنزل خلال هذه الفترة ??
١- إعداد منطقة للعمل متواجد فيها كل احتياجاتك، استثمر ساعة أو ساعتين من وقتك في إعداد المكتب عشان تتفادى الروحة أو الرجعة كل ما بغيت تسوي شغله، الاحتياجات حسب طبيعة عملك ومن الأساسيات..
طابعه، أدوات مكتبيه، شاحن للجوال واللابتوب، إنترنت قوي وماينقطع.
طابعه، أدوات مكتبيه، شاحن للجوال واللابتوب، إنترنت قوي وماينقطع.
٢- ابدأ يومك بكل انتعاش وحيوية، ما أخفيكم فيه كم يوم قمت وقعدت على المكتب على طول ببجامتي واستمريت طول اليوم على نفس الحالة ? .. لكن من الأفضل انك تستعد كأنك بتطلع من البيت وتسويلك كوب قهوة أو شاهي أو عصير وبعدها تقعد على المكتب عشان تعود نفسك ونفسيتك ما تتأثر بعد فترة.
٣- المنطقة اللي تختارها بالمنزل للشغل لازم تكون استراتيجيه، تتفادى أي تشتتات، مثلاً لو جاكم ضيف من المفترض تكون بالمكتب، عندك شغل، وما يشوفك أحد، مع كامل الاحترام للضيف.. موب لازم تسلم عليه ?
٤- دوامك بالبيت لحالك، وبالمكتب معاك زملاء العمل اللي ممكن تسولف سالفه او سالفتين كراحة من العمل لمدة دقائق. في البيت يبيلك كل ساعة أو ساعة ونص تتنفس وتحرك جسمك، اطلع الدرج، خذلك عصير أو أي شيء ثاني (ساعة ابل ممكن تنبهك انك قاعد كثير ويبيلك تتحرك).
٥- استخدم الواتساب للتواصل والتنسيق مع زملاء العمل بشكل سريع (برنامج الكمبيوتر وموب على الجوال)، وعلى الفترة الطويلة اتفق مع زملاء العمل على برنامج آخر مثل Google Chat او Slack للمحادثات النصية و Zoom أو غيره لمحادثات الفيديو.
٦- استخدم التقويم بشكل فعّال، جدول نفسك واجتماعاتك مع الغير، اضمن كل التفاصيل تكون في تفاصيل الاجتماع عشان تبدأون بشكل سريع وتنجزون مع بعض ولا تنسى تحط رابط الاجتماع عبر Zoom أو أي تطبيق آخر.
٧- من الجيد جدولة اجتماعات يومية لمدة 10 إلى 30 دقيقة بشكل يومي ويفضل تكون في فترة الصباح مع مديرك أو أعضاء الفريق، حتى لو مافيه أي شيء تقوله، فقط للتواصل وضمان عدم الانقطاع لفترة طويلة والتنسيق لمهام اليوم مع بعض (ممكن تكون كل واحد يقول يشارك أهدافه لليوم).
٨- اعرف متى الدوام ينتهي، بالمكتب بمجرد ما تطلع منه بشكل تلقائي بتكون نفسيتك (خلص الشغل)، لكن بالبيت بتكون صعبه.. فحط لنفسك وقت معين تنهي فيه الشغل.. وتفادى أيضا العمل في منطقة بالبيت متعود تقعد فيها بشكل يومي عشان تفصل بين العمل والقعدة بالبيت.
٩- أستفيد من العمل عن بعد وخذلك يوم تشتغل في مكان ثاني مثل قهوة، هالنصيحة ماراح تنفع في هذي الحالة بسبب فيروس #كورونا لأن الآن الهدف انك تكون #قاعد_بالبيت.. لكن بشكل عام هذي وحدة من مزايا #العمل_عن_بعد.. تغيير بيئة العمل.
١٠- وأخيراً.. أتمنالكم جميعًا التوفيق والنجاح ☺️
جاري تحميل الاقتراحات...