- مع إرهاصات إغلاق الجامعات - و دا قرار صحيح لو تمَّ - بتمنى إنو يتختّ اعتبار خاص لطلاب الفاينال في الجامعات، نظراً لي إنو سنتهم الأخيرة طوّلت جدّاً، بادية من 2017 تقريباً، لي ظروف الثورة و كدا، موضوعهم جرّ لحدي الآن.. فكونها تقفل ليهم تاني= دي حاجة مستنزفة جداً ليهم ذهنياً

ونفسياً .. فحقو يتعمل ليهم توفيق أوضاع.خاص بيهم.
- شكل الإعتبار الخاص الممكن يتعمل ليهم في ظرف حساس زي دا، في رايي مُحتاج خيال في المقام الاول، و حلول خارج الصندوق، و تعاون عالي بين وزارة التعليم العالي و وزارة الصحة، ممكن تتعمل ليهم الامتحانات و المناقشات اونلاين عادي جداً

زي اي امتحانات و مناقشات في العالم بتتعمل من النت، بي اي برنامج اونلاين او أي تطبيق ممكن يتعمل خصيصاً للموضوع دا.
- او ممكن تتشاف حلول تانية .. زي انو تتقرب اكتر تواريخ امتحاناتهم، و يكون في قاعات مخصصة يمتحنوا فيها .. يتوزعوا على قاعات الجامعة يعني الجامعة كلها تقفل تشتغل

ب و تشغلها ليهم، لانو في حاجات مع الزمن بتتحول لي insecures و بتكون حساسة جداً و مؤذية نفسياً، فالموضوع ما فيو أي شي funny، و ليس مادّة للسخرية و الطعمجة.
و ناس الفاينل من ناحيتهم، لو قفلوها ليهم مجدداً .. ياخدوا الموضوع عادي جدّاً ..و يستفيدوا من وقتهم، و ماف زول بموت ناقص

عمر .. او بتخرّج قبل ما ربنا يكتب ليو التخرّج " و إن من شيء إلا عندنا خزائنه و ما ننزله إلا بقدرٍ معلوم "
الناس ترخي جسمها ..و تحمد ربنا على العافية و باقي النِعم الكتيرة منقول ?