المتوفي له الرحمه والمغفره انا قريبو وكنت معاهو في المستشفى قبل الوفاه بيوم وكل الفحوصات اكدت انو ما مصاب بكورونا المرحوم كان عندو مشكله في القلب وسرطان في الدم ، بعد ما طلع الفحص الاولي بنتيجه سالبه واتأكدنا منها عن طريق قريبنا شغال في استاك انو ما فيها خطأ
وكنا معاهو وقت الوفاه زاتو ومتابعين لحدي ما غسلوهو ولحدي ما دفنوهو ما في زول شال منو فحص ولا وناس وزاره الصحه قالو انهم شالو عينه تاني وطلعت موجب ف كلامهم غير صحيح والحاجه التانيه نحن كنا في بيت العزاء وما طلعنا ومافي زول جانا من وزاره الصحه لحدي ما رفعو الفراش
وفي كميه من اهلنا اتصلو علي ارقامهم الاتنشرت وردو علينا وقالو بنجيكم وتاني ما اشتغلو بينا ولي الان مافي خبر منهم
ودي الحاجه البتزعل بالجد انهم نشرو الخبر بدون تأكيد وقالو انهم لاقو اهل المرحوم وشالو عينات منو
ودي الحاجه البتزعل بالجد انهم نشرو الخبر بدون تأكيد وقالو انهم لاقو اهل المرحوم وشالو عينات منو
رغم الكلام دا كلو وكل الاشاعات الاتقالت فينا وانو زوجه المرحوم هربت بي ولده دي كلها حاجات ما شبهنا وما من شيم الشعب السوداني ومدنيتكم العايزنها
نحن كأسره وكل الناس العاشروهو في مرضو حا نمشي نفحص بكره للتأكيد فقط لانو كلامكم كتر واي زول بقا يفتي بي طريقتو
نحن كأسره وكل الناس العاشروهو في مرضو حا نمشي نفحص بكره للتأكيد فقط لانو كلامكم كتر واي زول بقا يفتي بي طريقتو
اتمنى الكلام دا يصل كل الناس لانو بالجد كل اهلنا اتعقدو من الحاجه دي ولو في ناس ما متأكدين من كلامي دا اتواصلو معاي وانا برسل ليكم كل الفحوصات الاتعملت ليهو .
وما حا نسكت ونخلي وزير الصحه او اي ناشط كتب كلام ما متأكد منو وحابي انو ينشر الهلع و الخوف في بيوت الناس
وما حا نسكت ونخلي وزير الصحه او اي ناشط كتب كلام ما متأكد منو وحابي انو ينشر الهلع و الخوف في بيوت الناس
وفي النهايه ربنا يحفظ كل السودانيين وكل المسلمين في كل انحاء العالم
ودمتم سالمين..
قال تعالى " قل لن يصيبنا الا ما كتب الله لنا " صدق الله العظيم
ودمتم سالمين..
قال تعالى " قل لن يصيبنا الا ما كتب الله لنا " صدق الله العظيم
جاري تحميل الاقتراحات...