غاندير هنا التحت موضوع كورونا بالدارجة باش كلشي يفهم ويفهم اللي حداه. قرا وبحث وعطي للناس الله يرحم الوالدين. عمرني طلبت ريتويت ولكن هاد المرة غانطلبها منكم كاملين.
كورونا مرض، مرض جديد، إذن مرض ماعندو لا لقاح لا دوا، وزيد عليها مرض معدي، كاينتقل بسهولة وبسرعة بين الناس، مرض بدينا كانسمعو عليه أواخر 2019 وأصبح رسميا وباء عالمي، وهادشي علاش ضروري ندير عليه موضوع، حيت وصل درجة وباء عالمي، وبالدارجة "جايحة".
(مرة مرة غاندير بلاكة "ماتخافش" حيت الهدف من هادشي هو الوعي بالحالة وتاخد الاحتياطات فالوقت والمكان المناسبين، كلشي غايدوز مزيان، بلا ما تخاف وتبدا تخربق وتدوز الخلعة ديالك للناس وكلشي يتكوانسا ليه العقل. مادويتش مدة تفاديا لهاد الخلعة ولكن دابا ضروري كلشي يهضر.)
ماتضيعش الوقت تقلب منين جا المرض، شكون دارو، لا مؤامرة، لا غير كذبة،...وماتضيعش الوقت فالنكت، حنا المغاربة مايصور منا والو، كورونا يقضيو عليه المساخن... وداك التبوهيل، تا نساليو واراك للضحك والنشاط ولكن نكونو بخير بعدا.
بلوكي أي صفحة ولا قناة ديال الزبل واختار فقط مصادر مفيدة.
بلوكي أي صفحة ولا قناة ديال الزبل واختار فقط مصادر مفيدة.
كورونا بحال الرواح/السخانة/البرد ولكن فنفس الوقت ماشي بحالهم. بحالهم غير فالشكل والأعراض (فرع من شجرة الڤيروسات)، ولكن فرع جديد، يعني غايفرع فئة من البشر أكثر من الرواح/السخانة/البرد. وللأسف هاد التشبيه استعملوه مسؤولين وخرجو على مواطنيهم حيت بسطو ليهم القضية بزاف وترخا الشعب...
ولكن ما تخافش.
خليك من الدولة ما سداتش الحدود، أجي ندويو عليك أنت بعدا اللي داير نفس الخطأ، ها الحدود ديالك مترعين :
الحدود البرية : اليدين والوجه.
الحدود البحرية والجوية : الفم والأنف والعين.
راك مخلي كلشي غادي جاي من مدة لا أنت لا معارفك، والخلايا ديالك الداخل كايغوتو : ا سدو الحدود !!!!
الحدود البرية : اليدين والوجه.
الحدود البحرية والجوية : الفم والأنف والعين.
راك مخلي كلشي غادي جاي من مدة لا أنت لا معارفك، والخلايا ديالك الداخل كايغوتو : ا سدو الحدود !!!!
ها الإجراءات باش تسد الحدود ديالك ضد كورونا :
- اليدين: ممنوع تسلم بيديك.
- الوجه: ممنوع تسلم بوجهك.
- الفم: ممنوع تقيس فمك بيديك.
- الأنف: ممنوع تقيس نيفك بيديك.
- العينين: ممنوع تقيس عينيك بيديك.
لا لاحضتي ممنوع تعاودات بزاف، ولكن مافيها باس نعاودها.
وا ممنوووووع!!!!!!
- اليدين: ممنوع تسلم بيديك.
- الوجه: ممنوع تسلم بوجهك.
- الفم: ممنوع تقيس فمك بيديك.
- الأنف: ممنوع تقيس نيفك بيديك.
- العينين: ممنوع تقيس عينيك بيديك.
لا لاحضتي ممنوع تعاودات بزاف، ولكن مافيها باس نعاودها.
وا ممنوووووع!!!!!!
ڤيروس كورونا كايدوز فقط يلا قستي شي حاجة أو قاستك شي حاجة، ماكايدوزش فالهواء يعني ماغاديش تشمو، ولكن يلا عطس عليك شي واحد، دفل عليك واحد، او قستي شي حاجة فوقها خنونة أو دفال مريض، ومن بعد ماطبقتيش ممنوع اللي كتبت الفوق، بنسبة كبيرة غادي تدخل حتى أنت فعدد المصابين بكورونا، بسهولة.
ولكن تعيا تحضي، ضروري ما شي حكة فالنيف أو الوجه أو العين غاتجيك وبلا ما تحس غاتديرها، هنا كاتجي قضية الما والصابون. كل ما قدرتي وتوفر ليك الما والصابون غسل يديك مزيان. أي نوع ديال الصابون، والما يكون بارد ولا سخون، المهم، فرك يديك مزيان، گالو 20 ثانية، ا سيدي أنت دير دقيقة.
شوية العلم حيت بالعلم كاتولي تبان القضية واضحة : اللي فهمت هو أن كورونا ڤيروس كايهجم على خلية ويسكنها، الخلايا كايعومو فالخنونة والدفال، وكايعيش الڤيروس وسطهم مدة ماشي قصيرة. الڤيروس كايعيش بيخير وسط هادشي، ولكن فاش كاتفرك مزيان بالصابون كاتريب ليه المحال وماعندو فين يزيد يستمر.
هادي هي الشمتة حاليا، ڤيروس كايقضي عليه الصابون والما ولكن يلا مشا تا دخل للذات اجا ما يفاكها معاه. ولحد الآن كاتشوفو مطلوب حاجات بسيطة بزاف، ولكن الكارثة بنادم كايسلم ويعنق ويدفل ويمسح وياكل ويحك...، يلا بعد هادشي اللي كتبت مازال غاتدير اللي فراسك كتبها ليا نحبس الكتبة هنا.
من بين المشاكل مع كورونا هو كل واحد كيفاش جاه، كاين اللي منشور فالفراش، وكاين اللي ماباين عليه والو، داكشي علاش كان صعيب تحبس الناس فالمطارات، بنادم عادي وبلا حرارة. وداكشي علاش، ومرة أخرى، كلشي خاص يدير الإجراءات وخا ما عندك والو، ولكن غادي تدوز المرض لواحد قريب ليك غايموت فيها.
يلا جاك هادشي طويل، مازال ما شفتي والو، حيت كورونا جاي باش يستمر لمدة طويلة، كاندويو على شهور باش نلقاو لقاح، لقاح يعني وقاية دگ البرا كل عام، أما الدوا هداك قصة أخرى، وسنوات باش يولي بحال الفيروسات السنوية اللي تحت السيطرة.
ولكن هادشي ماشي باش تخاف بلا عقل.
ولكن هادشي ماشي باش تخاف بلا عقل.
ندويو شوية على الدراري الصغار، لسبب لا يعلمه حاليا إلا الله، الدراري تقريبا كلشي ماكايقضي فيهم كورونا والو، يعني الدري كايحنقز صحيح فصيح، ولكن، الدراري هوما النقل الكبير ديال كورونا، هوما اللي كايدوزوه بزاف. اللي عندو شي دري يشدو عندو، خاصة على جدو وجداه والكبار فالعائلة.
ندويو على الناس الكبار، الأرقام باينة من الأول، النسبة الكبيرة ديال الوفيات 60 عام والفوق، وفاش كاتفوت 80 كايولي صعيب يتعافى، هاد الفئة هي اللي غادي تاكل العصا بزاف مع كورونا دابا، داوي على جدك وجدتك وكبار عائلتك أنت اللي كاتقرا.، بلا ما نزوقو الهضرة، يقللو الاختلاط والخروج.
ندويو على الشباب، لحد الساعة أغلب الحالات كاتعافا، خاصة أقل من 40 سنة . ولكن هنا فين غلطو الناس اللي يهديهم، ها اللي مسافر، ها اللي راجع للعائلة، ها اللي ماكايغسلش، بينو واحد الأنانية غادي ترجع بالندامة، الفيروس عاد بدا ومازال غادي يتطور، كون أنك شاب صافي سلتي ماشي ضمانة.
ندير ملخص باش ما نتوضروش.
- كورونا جاي ومعول يطول.
- غسل يديك بالما والصابون قد ما قدرتي وحك مزيان.
- نقص من قيسان الوجه باليدين.
- عطي لبنادم مسافة ونقص الاختلاط.
- حضي مع الناس الكبار عندك.
- كورونا جاي ومعول يطول.
- غسل يديك بالما والصابون قد ما قدرتي وحك مزيان.
- نقص من قيسان الوجه باليدين.
- عطي لبنادم مسافة ونقص الاختلاط.
- حضي مع الناس الكبار عندك.
دابا ندوزو للمعلومة للي ماغاديش تعجبك، ولكن ها هي خودها ولا لوحها، ڤيروس كورونا غادي يصيب النسبة الكبيرة ديال البشرية، المختصين كايدويو على 70٪. يعني 70٪ ديال بنادم غايدوز منو كورونا عاجلا أو آجلا.
حيت ما گلتش ليكم، هاد البلابلا كاملة اللي كتبت، را غير باش ينتشر، بشوية، بشوية.
حيت ما گلتش ليكم، هاد البلابلا كاملة اللي كتبت، را غير باش ينتشر، بشوية، بشوية.
كيما كتبت فالأول، الڤيروس كايشبه لامراض كاتجينا كل عام. كل عام كلشي كايتخنن ويسخن وشي يعادي شي، يالله تبرا يدوز ليك فالدار ولا الترونسبور ولا الخدمة ولا المدرسة نوع جديد. ومنه قضية كورونا ينتشر بزاف خاص تجيك عادية وماتخلعكش، المشكل ماشي هو نمرضو كلنا، المشكل هو نمرضو كلنا فدقة.
الحاجة اللي محمقة أي مسؤول فالصحة فالعالم دابا هي يوافق بين :
- نسدو كلشي باش مايكونوش المصابين بزاف ونتحكمو فالعدد ديالهم.
- ما نسدوش كلشي كلشي ثاني باش يتصابو الناس بشوية بشوية ونتحكمو فالعلاج ديالهم.
سديتي مشكلة، حليتي مشكلة، وهنا كاندوي غير على الصحة. خلي الاقتصاد الوطني.
- نسدو كلشي باش مايكونوش المصابين بزاف ونتحكمو فالعدد ديالهم.
- ما نسدوش كلشي كلشي ثاني باش يتصابو الناس بشوية بشوية ونتحكمو فالعلاج ديالهم.
سديتي مشكلة، حليتي مشكلة، وهنا كاندوي غير على الصحة. خلي الاقتصاد الوطني.
أمنية أي مسؤول صحة دابا هي :
- يتعادا أكبر عدد ممكن من الناس الصحاح، ويبقاو فديورهم مدة حتى يفوتهم الحال.
- يتعادا وسطهم عدد محدود ديال الناس الضعاف، مناسب لعدد الأطباء والمعدات اللي متوفرة فالمستشفيات، يلا مرضو ليك 10 خاص يكون عندك 10 أجهزة تنفس اصطناعي واجدة ليهم كاملين فدقة.
- يتعادا أكبر عدد ممكن من الناس الصحاح، ويبقاو فديورهم مدة حتى يفوتهم الحال.
- يتعادا وسطهم عدد محدود ديال الناس الضعاف، مناسب لعدد الأطباء والمعدات اللي متوفرة فالمستشفيات، يلا مرضو ليك 10 خاص يكون عندك 10 أجهزة تنفس اصطناعي واجدة ليهم كاملين فدقة.
هذا سيناريو منطقي اللي متوقع يوقع فالعالم كامل ماشي غير المغرب، وحسب استعداد وامكانيات كل دولة غادي يكون السيناريو أحسن أو أخيب، فيه 3 المراحل. وكاين دول حاليا فكل مرحلة دابا نيت.
مرحلة 1 : الدولة كاتحاول دير كل ما فجهدها باش تكتشف أول المصابين وتتبع مزيان منين جاو ومنين دازو وتعزلهم. فنفس الوقت كاتبدا من دابا توجد البنيات والأطباء والأدوية. هنا فين دول كايترخاو ودول كايزيدو فيه. وكل دولة غاتحمل مسؤوليتها من بعد.
مرحلة 2 : هنا ما بقا ما يتخبا الڤيروس انتشر لواحد النسبة ماتقدرش الدولة تتبع كل الحالات وأصلها، كاتبدا توجد شعبها للي جاي، وتطلب منو ياخد الاحتياطات. وحسب الدولة والحالة كايبداو يتسدو المرافق العامة وأماكن التجمعات بحال المدارس والملاعب. الهدف هنا هو تعطل ما أمكن الانتشار الواسع.
مرحلة 3 : هنا صافي كاتعلن حالة طوارئ وكلشي خاص يتدار باش بنادم يتكمش فدارو، الخروج فقط للضرورة، السبيطارات فقط للحالات الخطيرة، كلشي اللي ممكن يتأجل يتأجل. هادي حالة استثنائية كلشي ماكايفهم والو (فالأول) وداكشي علاش ركزت على الوعي عوض الخوف. وهنا مابقاش نقاش كلشي خاص يعاون.
من بين اللي غايوقع مع بداية الخوف هو الشرا والتخزين، ماشي عيب تخبي الماكلة حيت على كل حال خاصاك باش تگلس فدارك، ولكن الشرا بلا عقل راه مايفيدك بوالو، بالعكس، بحال مواد النظافة ضروري تقاسمهم مع غيرك، حيت لا مرضو هوما تا أنت غادي تمرض من بعد.
الاحتياط عادي لكن ماشي باللهفة.
الاحتياط عادي لكن ماشي باللهفة.
بزاف ما يتكتب على هادشي ولكن يلا كاين شي حاجة نأكد عليها، هذا امتحان جماعي، يلا كل واحد حاول يقاد جيهتو را غير كايضيع جهدو. خاصك تفكر ليك ولغيرك، كي مواطن كي مسؤول، كلشي مهدد، ويلا كلشي تعاون غايدوز كيف ما دازو أخطار آخرين. دير داكشي اللي عليك، وماغادي يكون غير الخير ان شاء الله.
كانتمنى أن هاد الشي اللي كتبت ينفع ولو غير 0.00001٪ منكم، كتبت ليكم وكانحس بواحد الذنب كبير حي مادويتش قبل، وحاس بذنب آخر حيت جاي نعاود ليكم على شي حاجة ماكاتعجبش، ولكن فكل أزمة الإنسان كايخرج أحسن وأقوى من قبل. هادي تعلمنا نوجدو أحسن للي بعدها إن شاء الله.
قراو وقلبو مزيان على المعلومات وتعاملو بإنسانية مع كلشي خاصة اللي محتاج أكثر منكم ماديا ومعنويا. وتهلاو.
نهاية الموضوع.
نهاية الموضوع.
نسيت، ماتخافوش.
جاري تحميل الاقتراحات...