رتبها

ح اقدم مقترح لولاية الخرطوم، قابل للتعديل والاضافة والنقد. وان شاء الله يصل لمتخذي القرار حاليا او مستقبلا.
الولاية مليانه مشاكل وعندها تاثيرات في باقي الولايات (اقتصادية، واجتماعية). وكل عام الدولة والولاية بتصرف مبالغ كبيرة ولسه المشاكل بتزيد.

حاليا تم الاتفاق في مفاوضات السلام علي نظام الحكم الفدرالي (اللامركزي). وفي اولوية للانفاق علي ملف السلام (نازحين- تنمية اقاليم متضرري الحروب). يعني لازم يحصل ترشيد في الصرف علي الخرطوم.
طيب اقليم الخرطوم ح يتكون من قسمين، قسم فدرالي (للدولة ككل) وقسم محلي (علي مستوي الاقليم)

=طيب كيف نفصل بينهم ؟
-اخراج كل المراكز المحلية من المنطقة (الصفراء) وادخال كافة المراكز الفدرالية.
تحويل مركز الاقليم (للخرطوم بحري او امدرمان) وفصله عن المراكز الفدرالية وذلك تفاديا للتداخل بينهما مستقبلا.

=وبعداك!!
-سيتم اعادة تقسيم كل محافظة علي حدا (امدرمان - بحري - الخرطوم) مع مراعات الظواهر الطبيعية (الخيران) ومراكز الجذب (الاسواق). طبعا التقسيم محتاج دراسة سكانية واقتصادية وعمرانية.

=وتاني نعمل شنو؟
-إعادة توزيع الوظائف جغرافيا وعلي حسب المحافظة او البلدية
=ليه؟
- لتقليل زمن الوصول للعمل، وتقليل المسافة ايضا.
وتقليل صرف الوقود.
واستخدام الدراجات الهوائيه.

=ظابط، اها وتاني؟
-السيطرة علي التوسع الافقي، واتخاذ سياسات التوسع الراسي.
=كيف؟
-هنا بظهر دور البلديات وطريقة تعاملها واقناعها لسكانها. ورسم خطط تحفزهم علي المساهمة لانجاحها. ومن الخطط التجمعات السكنية الراسية.

=الفوائد الممكن نلقاها من الكلام دا شنو؟
-اتاحة الفرصة للحكم الفدرالي واتخاذ خططه بصورة تشمل كل السودان بعدالة.
تقليل صرف الاقليم.
التحكم في خطوط المواصلات.
ظهور حقيقه المشاكل وحلها.
اتاحة الفرصة للدوام الليلي.
تطبيق اللامركزية داخل اقليم الخرطوم.
ظهور وسائل النقل الذكية.