كل سنة مع اليومين تلاتة المطر، الناس بتتسائل وبترمي باللوم على هشام طلعت مصطفى مثلا في غرق مدينة الرحاب، وطبعا بيبقى في شكاوي وصراخ من أهالي التجمعات إزاي ندفع فلوس بملايين وفي الأخر الدنيا تغرق كدا.
الحقيقة دا بيخلينا نرجع لحدوتة لطيف بدأت سنة 1986 هى سبب مأساة دلوقتي.
الحقيقة دا بيخلينا نرجع لحدوتة لطيف بدأت سنة 1986 هى سبب مأساة دلوقتي.
مع إصدار وزارة النقل قرار بإنشاء الطريق الدائري، طريق فكرته بكل بساطة هدفه تطويق القاهرة الكبرى (القاهرة-الجيزة- شبرا الخيمة) وربطه بالمحاور الرئيسية الرابطة بين المحافظات وبعضها، زي مثلا طريق مصر السويس أو طريق مصر إسماعيلية والطرق الزراعية لحد أسوان وإلخ إلخ.
طبعا كانت فكرة ذكية بتستهدف في المقام الأول تقليل وتحجيم الرحلات المارة دون جدوى بقلب القاهرة والقاهرة مش هى المقصد الأساسي ليها. مع إنشاء الطريق الدائري، الدراسات الإجتماعية -وقت ما كانت ذات جدوى- لاحظت إن ضواحي القاهرة اللي بتتقابل في خطوط تماس بالطريق الدائري حالتها هتزداد كرب
فتوجه المختصين بفكرة نقل الضواحي دي لسلسلة أراضي جديدة أقصى شرق القاهرة، والأراضي دي هتتسمى التجمعات، والفئة المستهدف ليها هى فئة محدودي الدخل، وتولت شركات المقاولات زي إسكان مدينة نصر للتعمير في البناء وإنشاء البنية التحتية للتجمع الأول والخامس في أماكنهم الجديدة.
ولإن البنية التحتية وشبكات الصرف كانت بتستهدف محدودي الدخل فكانت شئ متهالك وردئ جدا بيتقلب بوش الرجل، لحد ما قبل التنفيذ انتهوا لمشكلة عويصة جدا.. وهى أن القاهرة الجديدة على مرتفع عن شبكات المياه المحيطة كلها دا غير كمان غنها مبنية على مكان ديموغرافيته بتعتبره إنه مجرى سيل.
وبالتالي المدينة كلها محتاجة مضخات علشان ترفعلها المياه، وده فعلا اللي بيتم لغاية دلوقتي والمية بتيجي بمضخات من العبور. ومع ارتفاع تكلفة الإنشاء بسبب مضخات المياه اللازمة لرفع المية واللي تمت بالفعل لإن كان طلع قرار وزاري خلاص بإنشاء القاهرة الجديدة.
بقى عندنا بنية تحتية وشبكة صرف صحي متهالكة وفي المقابل شبكة مياه على أعلى مستوى بمضخات، وبالتالي اتفتقت الفكرة الجهنمية، خلي سكان الضواحي حوالين الدائري في مكانهم، وخصص أراضي القاهرة الجديدة للفئة عالية الدخل مع حتة لا تتعدي 22% من مساحتها كإسكان اقتصادي للشباب المتزوج حديثا.
وفضلت مدينة القاهرة الجديدة الفرخة اللي بتبيض دهب، التوسع بنفس البنية التحتية وعلى نفس مستوى خطوط الصرف، القاهرة الجديدة كانت بادية بالتجمع الأول والخامس بس، اتوسعت وبقت التجمع الأول والخامس والرحاب ومدينتي والقطامية ومدينة ميراج وبالم هيلز واللوتس وبيت الوطن والياسمين والبنفسج.
وهتفضل تتوسع لحد ما توصل لحدود العاصمة الإدارية، وهيتعمل حزام عمراني متكون من بدر والشروق والعاصمة الإدارية والقاهرة الجديدة ومتحاوط بمحاوره الأساسية (الدائري- الدائري الإقليمي- طريق السويس- طريق القطامية العين السخنة- طريق مصر إسماعيلية).. وتبقى منطقة معزولة تماما عن القاهرة.
جاري تحميل الاقتراحات...