رتبها

⭕️ ⭕️ ⭕️ ⭕️ السلام عليكم يا شفاتة و يا كنداكات معليش الثريد دة طول شوية لكن لو سمحت كمل قرآيتوا للنهاية مفيد لينا جميعاً ، زي ما حمينا نفسنا و أهلنا و فردنا ?❤️ أيام الثورة ??و كنا بنرصد اي خطوات بتاعت مداهمة من الكجر أو اي ناس تانية وبنظم مسارات.
#احتياطات_السودان_لمنع_كورونا

للمواكب من البداية وحتى النهاية ✌️جانا الوقت المفروض نكون فيهو نفس الأهبية من الإستعداد العالي من الروح الثورية و القتالية ، عن مرض كوورونا وخطورتو وأعراضو و كيفية إنتقالو و كيف تتصرف مع الحالات الظهرت عليها أعراض المرض.
#احتياطات_السودان_لمنع_كورونا

@Sudan_Trending
@Sudanese_Spt
@hash_sudan
@Sudan_tweet
@Khalidewais
@SUNA_AGENCY
@All4Sudan
@whosudan
@SMOI_2020
#احتياطات_السودان_لمنع_كورونا
⭕⭕⭕ أرجو إعادة التغريد ليستفيد الجميع من ثيريد كورونا ⭕⭕

في البداية ح أتكلم شوية عن المرض :
١- الكورونا دا شنو؟
فيروس "تاجيّ" الشكل هدفه الوصول لرئتيك فقط.
٢- هل الكورونا دة جديد؟
لالا ماجديد هو انواع ، ظهر قبل كدا
بإسم SARS بسنة 2002
وبإسم MERS سنة 2015
والحالي يُدعى N-Cov من سنة 2019
#احتياطات_السودان_لمنع_كورونا

٣- الفيروس بقتل ؟
ااي بتقتل عن المضاعفات البسببة المرض زي Renal failure= فشل كلوي و Pneumonia= إلتهاب رئوي حاد
٤- نسبة الوفاة كم؟
٢ إلى ٥ %
#احتياطات_السودان_لمنع_كورونا

٥- مصدر المرض شنو؟
الحيوانات لكن ما معروفه لحدي هسي بشكل قطعي عشان كدة لو عندك حيوانات أليفية تتعامل معاها بحذر جداً
٦- المرض عندو علاج؟
لا لا ماعندو علاج و لا لقاح وهنا الخطورة لكن بيعالجو الأعراض البتنتج منو
#احتياطات_السودان_لمنع_كورونا

زي الجفاف و نقص الأوكسيجين والفشل الكلوي
٧- بنتقل كيف المرض دة؟
بالنّفس، واللعاب والمخاط والرزاز المتاطير من زول مصاب
٨- طيب المسافه الأمنه من زول عندو كورونا كم كدا عشان ما يعاديني؟
٣-٥ أمتار من أي شخص عليه الأعراض
#احتياطات_السودان_لمنع_كورونا

- المصاب بتظهر عليه الأعراض طوالي ولا بعد فتره؟
لالا ما طوالي ، فترة الحضانة المعدية يومين إلى أسبوعين و أخيراً إكتشفوا لحدي ٢٨ يوم
١٠- هل الكمامة العادية دي بتحميني؟
للاسف لا ، ما بتحميك لكن بتمنعك من لمس وجهك
#احتياطات_السودان_لمنع_كورونا

- كيف أحمي نفسي؟
- ما تسلّم باليد نحن السودانيين شوية في الموضوع دة في حساسية لكن لازم ي أخوانا
- لا تقبّل أحد أخواتنا و أمهاتنا { سلام البنات?} ✋
- لا تلمس وجهك إطلاقاً
#احتياطات_السودان_لمنع_كورونا

غسل يديك طوالي بالصابون بعد تلمس اي حاجه يعني مشيت الدكان أو نزلت من مواصلات ولا جيت في أبواب أو لمست حاجة داخل مستشفي ولا في السوق والاماكن العامة
- راقب حرارتك كل ١٢ ساعة خليها تكون أقل من ٣٨ درجة
#احتياطات_السودان_لمنع_كورونا

- كيف أتصرّف مع نفسي كان ظهرت علي اعراض؟
إذا ظهرت عليك الاعراض الرّشح وإرتفعت حرارتك، إعزل نفسك
وتواصل مع وزارة الصحة على الخط الساخن ليأخذوك للعزل والمراقبة
أرقام داخل ولاية الخرطوم
0123390051
0123390987
#احتياطات_السودان_لمنع_كورونا

خارج ولاية الخرطوم
0123390994
0123390810
١٣- كيف أتصرّف مع الغير؟
- ما تقرب من أي زول محتمل الإصابة أو بكح أو بعطس أو عندو نزلة
- ما تقرب من أي زول جا من الصين أو أي مكان ظهر فيها العدوى مؤخرا
- ما تسلم على أي مسافر حتى يثبت أنو ما مصاب
#احتياطات_السودان_لمنع_كورونا

في حال ظهرت الأعراض على زول قريب منك في البيت أو السكن ختو برهو وبلغ على الأرقام الفوق دي
١٤- ملاحظات مهمّة؟
- الكورونا مميت و لكن ممكن تتخارج منو كان إنتصرت مناعتك وكانت قوية
#احتياطات_السودان_لمنع_كورونا

كيف أقوي مناعتي؟
-أول حاجة النوم الكافي ليلاً ٨ ساعات
- الصحة الغذائية والرياضة عوامل مهمة
- أشرب الشراب الساخن مثل اليانسون والشاي.
تشرب كل يوم فيتامين سي الفوار..
- أبعد من المشروبات الباردة.
وقلل من الحلويات
#احتياطات_السودان_لمنع_كورونا

أكتر ناس معرضين للوفاة هم الناس العندهم مشاكل في المناعة زي ناس السرطان و الأيدز و المدخنون وكبار السن والأطفال.
في حالة التأكد بالإصابة بطل تخاف أو تهلع و كتر من المشروبات الساخنة زي الجنزبيل و الشاي و فيتايمين سي الفوار ،
#احتياطات_السودان_لمنع_كورونا

أو الحاجات الفيها الفيتامين زي الليمون و البرتقال و القريّب
#احتياطات_السودان_لمنع_كورونا

⛔️⛔️طيب ي جماعة لحدي هنا كلااام عمومي نجي للعادات السيئة عندنا هنا كمجتمع سوداني ??
أولاً : ❌ ما تقلل أو تتهازل بشأن المرض ، التفاؤل والأمل سمح لكن أعمل بالأسباب ?
#احتياطات_السودان_لمنع_كورونا

ثانياً : ❌ عدم مشاركة الحاجات الشخصية زي كباية الشراب و موية الصحة و السيجارة
ثالثاً : إتباع أداب العطس و الكحة ، يعني تعطس في منديل لو ما لقيت في كم يديك ✅
#احتياطات_السودان_لمنع_كورونا

رابعاً : ❌ ما تتنمر على زول لابس كمامة أو بعمل وسائل الحفاظ على نفسوا. هو بحافظ عليك و على المجتمع بأكمله
خامساً : ❌ عدم نشر أي معلومة مغلوطة أو غير صحيحة إلا بعد تتأكد منها تماماً
#احتياطات_السودان_لمنع_كورونا

سادساً : نوعي الناس بضرورة غسل اليدين بإستمرار للوقاية من المرض ✅ خصوصاً الناس الما عندها سوشيال ميديا زمان كنا بنقول إنت إعلام الثورة ولحدي هسه ?✌️✌️
#احتياطات_السودان_لمنع_كورونا

سابعاً: الأطفال وكبار السن ي جماعة هم أكتر ناس معرضين للخطر بسبب عدم المعرفة والعفوية في التعامل ، العفوية سمحة ☺️ لكن بطريقة صحية ✅
ثامناً: ❌ ما تسلم بالأحضان ولا باليد كمان ✋ قوووول السلام عليكم بس
#احتياطات_السودان_لمنع_كورونا

تاسعاً : أي مكان يعتبر مكان وباء للمرض الناس ما تطلع منو ولا تدخل ليهو لقول الرسول صلى الله عليه وسلم عن الطاعون
“ إذا سمعتم به بأرض فلا تدخلوا عليه وإذا وقع بأرض وأنتم بها فلا تخرجوا منها فرارًا منه ”
(متفق عليه) والكرونا زي الطاعون في الإنتشار
#احتياطات_السودان_لمنع_كورونا

عاشراً : الناس تصبر وما تتجزع وإن شاء الله أدعوا كتيييييير بس وإن الدعاء يرد القدر ❤️
إحدى عشر : في حالة إصابة أحد أفراد الأسرة أو الأصدقاء ما عاوزين تكدس و تجمع و تجمهر أهل المريض في منطقة العزل أو الحجر ❌❌
#احتياطات_السودان_لمنع_كورونا

?⛔️? نجي لدور الحكومة و الوزرات ✋
١- غلق و تعليق كافة الرحلات الجوية والبرية من و إلي الدول التي ظهر فيها المرض مؤخراً ما عاوزين تهاون في النقطة دي
٢- توفير كافة أدوات الكشف المبكر للمرض في كل المعابر و المطارات و الحدود مع توفير أمكان الحجر
#احتياطات_السودان_لمنع_كورونا

عشان الناس تفرق بين الإتنين :‼️
الحجر الصحي :❗️ مقصود بيهو الشخص الظهرت عليهو علامات المرض لكن لسة تحت التأكيد يعني ما إتأكد إنو مصاب فعلاً أو كان مخالط لشخص كان عنده المرض عشان كدة لازم التأكد
#احتياطات_السودان_لمنع_كورونا

العزل الصحي : ❗️مقصود بيهو الشخص التمت التأكد من إصابتو للمرض و تحت العناية والعلاج.
٣-تهيئة كافة وسائل الإعلام الإخبارية المسموعة و المقروءة والمشاهدة في بث حلقات توعية عن المرض و كيفية الإنتقال و أعراضو و كيفية الوقاية منه.
#احتياطات_السودان_لمنع_كورونا

٤-تقراير يومية عن معدل الإصابات بالمرض و عدد الوفيات لا قدّر الله ، ح تقول لي ح يبث الخوف والهلع في نفوس الناس أولى الناس تعرف عشان تتجنب
٥-تكرث كافة المجهودات في توفير أدوات مجابهة المرض مثل الكمامات و معقمات اليدين و المحاليل وألخ
#احتياطات_السودان_لمنع_كورونا

٦- تحديد أمكان و أرقام هواتف معروفة و متوفرة تحت الخدمة طوال ٢٤ ساعة و لحين فترة إختفاء المرض
٧- إرغام كل من يأبي العلاج أو يخضع للحجر أو العزل بالقانون
#احتياطات_السودان_لمنع_كورونا

وفي الأخير ربنا يحفظنا ويغطي علينا ان شاء الله و يعجعل سودانناً آمنا مطمئنا وسائر بلاد المسلمين ??
#احتياطات_السودان_لمنع_كورونا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد