أنا حقيقي بشكر ربنا جداً على أبويا أنه دايماً بيصلي الفرض بفرضه في الجامع وأنه أب مواظب على قيام الليل والقرآن يومياً وفخوره بيه بجد لأن حقيقي في ناس كتير في سنة متعرفش أي حاجه عن دينها ولا تعرف عنوان الجامع ولا بيدخلوه الا يوم الجمعة وممكن لا عادي أنا فعلاً فخوره بيه ??
لأن فعلا في ناس كتير جداً مبتعلمش عيالها الصلاة ولا بتعلمهم دين ربنا ولا حتى عندهم أستعداد يطلعو عيالهم صالحين،في بيوت كتير رجالتها بتاعت مخدرات وقرف وناس تانيه ولا تعرف القبله بتوجه فين بالظبطت، انا فخوره بيه جداً وفخوره بحب الناس ليه وان كل الناس بتشكر فيه وأنه راجل صالح ?
انا حتى فخوره ب أمي لاختيارها لزوج صالح كدا وأنها اختارت صح أب لبناتها أب نفضل فخورين بيه كل لحظه وكل وقت، فكره أن الأب يبقى صالح وبيخاف ربنا وبيعامل ربنا كويس في عياله وتربيتهم وفي معاملته مع زوجته وبيته دي لوحدها تعمل استقرار نفسي وراحه بال وتطلع عيالك ناس سويه بجد ?
انا مبسوطه بيك لأنك موفر ليا كل حاجه ومبتخلنيش أبص على أي حاجه في أيد حد لأن مجرد ما أقول نفسي في كذا بتحصل على طول وبتجبهالي ومش حارمني من أي حاجه، ناس كتير أهاليهم عايشه بس كأنهم مش عايشين ف أنا فخوره بيك لأنك موجود جسدياً وبروحك معايا حتى عصبيتك بحبها وبحب ضحكتك جداً كمان
ناس كتير قوي بتقولك انت ليه بتعمل ليهم كل دا ومستكترين فعلا علينا أي حاجه أنت بتعملها لينا وبرضو بتحب تعمل لينا كل حاجه تقدر عليها وكفاية قوي انك عمرك ما كسفتني وعمرك ما رفضت ليا طلب وعمرك ما قلتلي على أي حاجه لا ودايما سند ليا ولأختي ولأمي ووجودك في حياتنا " أب وأخ وصديق"?
المهم أن أنا بحبك بجد ?
جاري تحميل الاقتراحات...