#حدث_بالفعل
الساعة ٢ ص سمعت صوت حادثة كبيرة بصيت لقيت ميكروباص خبط ملاكي والملاكي اتدغدغ، الناس اتلمت ومش عارفين يخرجوا سواق الملاكي. اتصلت بالنجدة وبلغتهم، وقسما بالله في خلال ٥ دقايق وصلت الاسعاف وبعدها بدقيقتين وصل ونش المرور. لحد كده ??/١

الونش حضّن ع الرصيف ووسع الشارع تماما، يقوم تاكسي وملاكي تانين بيزنقوا علي بعض وماشيين ف سباق والشارع واقف اساسا، التاكسي عايز يعدي م الملاكي والملاكي راسه والف سيف ما يعديه، هوب هوب، التاكسي كان حيتقلب ودخل ف ونش المرور والملاكي دخل ف الاسعاف اللي راكنة تشيل السواق الاولاني. /٢

ولأن فعلا الاجهزة بتشتغل لقيت مرفق الاسعاف بيكلمني وبيطمئن، قولتله عربية الاسعاف دخل فيها ملاكي و الونش دخل فيه تاكسي. كان كل همه علي المصاب، والله وانا بكلمه وصلت عربية اسعاف تانية خدت المصابين ومشيت وبعدها ب ١٥ دقيقة وصل ونشين شالوا باقي العربيات والشارع ولا كأن كان فيه حاجة./٣

ولاني شايف الحادثتين بعنيا من بيتي وانا اللي بلغت فأنا أشهد ان اللي حصل الفجر من ردة فعل النجدة والاسعاف والمرور السريعة جدا عمره ما حصل قبل كده، لا ف سرعة الاستجابة ولا الحرفية اللي تم بيها.
الف شكر @moiegy ، والف شكر @egyhealth