من متابعتي لموضوع الكوفيد 19 من بدايته اقدر اقول شوية نصائح لتفادي الاصابه به " اصلها مجتش عليا " :-
1- تفادي الاتصال البشري بقدر الامكان، ممنوع السلام باليد او الاحضان او التقبيل نهائي خصوصا لو شخص من عايش معاك ف البيت.
2- ممنوع منعا باتا لمس اي اسطح في اي مكان مفتوح،

يعني لو تقدر تلبس جوانتي ياريت، انا مش بأفور انا بتكلم بجد، البس جوانتي ونته نازل المترو عشان الدرابزين ولمسك ليه غير العمود اللي غالبا هتمسك فيه ونته واقف في المترو من الزحمه
3- ياريت تلبس كمامه بشكل دائم خارج البيت وياريت تكون من الغاليه بلاش تسترخص.

4- اغسل ايدك كل شويه لمدة 20 ثانيه وياريت بلاش الصابون العادي ياريت تستعمل هاندووش، وتغسل ايدك كما لو كانت حياتك متوقفه عليها، لانها متوقفه عليها.
5- وهنا الناس هتزعل بس بلاش تاكل بره، وبلاش تقعد على القهوه، معلش تعالى على نفسك شويه ماتش ليفربول مش هينقذك من الموت.

هل انا ببالغ؟ لا الحقيقه تعالوا نكمل
5- بطل اي عادات تقلل من مناعتك زي التدخين والسهر والطعام غير الصحي.
6- بلاش افراح الايام نهائي، حتى توفر مصاريف الفرح الفظيعه الايام دي.
7- اخيرا، لو اصبت بيه او اي حد من عيلتك اصيب بيه اقفل على نفسك ومتخرجش، نهائي، تتصل بالاسعاف تجيلك،

ومتخافش من الحجر الصحي، دا اجراء وقائي عادي بيحافظ عليك ويحافظ على غيرك، ايوه مصر مفيهاش احسن حاجه في الدنيا يعني بس نص العمى ولا العمى كله.
اخيرا ارجو من الله السلامه من كل كرب ومرض وغم.
ريتويت ليستفيد غيرك