في سياق منفصل، امس كنت بوست ديوتي لاخر يوم في اخر شفت في الامتياز. خلصت. الوضع في المستشفى مأساوي جدا، في يوم واحد ماتوا طفلين في يدي بسبب الوضع الاقتصادي. شفت ام بتنتظر طفلها يموت عشان ما عندهم حق العلاج، ولما جمعنا المبلغ، قالت لي "حتى لو اتعالج هسي ما حيقدر يعيش بعدين"، و مات.
بعد محاولة الانعاش، ابوه حضني و بقى بيبكي، يمكن من اسوأ المواقف المرت علي، ما قدرت اقول ليهو حاجة.. اقول شنو؟
في نفس اليوم، نزلت من صحبي و قررت ارجع مشي مسافة طويلة، الحياة هنا شبه واقفة، الوضع مخيف، الصفوف في كل مكان عيش بنزين بنوك، الكهرباء قاطعة، الناس متنشنة. سمعت واحد بيحكي عن الحرامي البيخطف اكياس العيش. الواحد بيحاول يكون متفائل بس الوضع سيء.
ما نفسي اكون متشائم، لكن الفترة دي مخيفة.
عن نفسي، خلصت الامتياز و دي خطوة نحو مستقبل ملامحه مغبشة في وضع ما مفهوم. اخواني قرروا ان كفاية سودان لحد هنا و طلعوا، اخوي الصغير لسا بيرسل لي "انت ما حتبنيهو، هو حيهدمك".
عن نفسي، خلصت الامتياز و دي خطوة نحو مستقبل ملامحه مغبشة في وضع ما مفهوم. اخواني قرروا ان كفاية سودان لحد هنا و طلعوا، اخوي الصغير لسا بيرسل لي "انت ما حتبنيهو، هو حيهدمك".
الفترة صعبة على الكل، اي واحد بينكر الحقيقة دي منفصل عن الواقع. من البداية عارفين ان عشان نقوم حتمر بينا فترة صعبة جدا، نبقى الصمود.
We shall rise oh i believe we will.
We shall rise oh i believe we will.
التويتة دي و انا بكتبها التلفون قطع بطارية و الكهرباء كانت قاطعة... لكن بتتجازف.
جاري تحميل الاقتراحات...