رتبها

هذه سلسلة تغريدات مخصصة لأسعار البناء والتشطيب المتعارف عليها للطبقة المتوسطة وسيتم الإضافة عليها من عندكم ومن عندي باستمرار، ضعها بالمفضلة وشاركنا تجربتك بالأسعار سواءً لشغل اليد او شغل اليد مع المواد. بتعاونكم ممكن نرتبها في ملف لاحقاً. بيساعدنا نقلل الغش ونعرف ميزانيتنا.

حواجز الخشب المقصوص بالليزر (سي ان سي) متوسط اسعاره في حدود ٦٠٠ ريال للمتر المربع مصبوغ وراكب.

تبدأ اسعار الباركية الخشب من ٥٥ ريال للمتر المربع للصيني و٧٠ ريال للألماني وتصل الى ٢٠٠ ريال وأكثر حسب نوع وجودة المنتج
الأسعار شاملة التوريد والتركيب ولا تشمل النعله (١٥ ريال تقريباً للمتر الطولي) وتقفيلات الأبواب (٣٠ ريال للحبه تكفي بابين) و٥٠ ريال للاسفنج لكل ٢٥ متر مربع

للتأكيد انا اضع سعر السوق من تجربة ولست مسؤول عن الاسعار. ويوجد الأرخص بجودة رديئة. واذا شفت ارخص بجوده عالية شاركنا.
الكنب: حساب سعر تفصيل الكنب بالنفر (عدد الجلسات) وليس بالمتر الطولي او المربع كنب جلسه واحده ٦٥٠ ريال - جلستين تضربه في ٢ وثلاث جلسات في ٣.

حواجز أعمدة خشبية (خشب اووك) ارتفاع الحبة ٣ متر والعرض ٥ سم والعمق ١٥ سم ب٢٥٠ ريال للحبه الواحده.
تختلف الاسعار في الاعمال الخشبية حسب نوع الخشب ونظافة الشغل وممكن استبدالها بتيوبات الحديد لكن تختلف جمالية اللمسة النهائية.

ستائر الرول اذا كنت تبيها بطول معين وتبي معه ريموت ممكن تفصلها المتر المربع ١٠٠ ريال تقريباً وجهاز موتور (شركة سومفي) ٨٠٠ ريال للحبه وريموت ١٨٠ ريال للحبه وممكن تركيبه لاكثر من ستاره بنفس الغرفه.

اسعار الأبواب الخشب كبس حراري مع الفريمات من ٩٠٠ (مستوى عادي جداً) الى ١٥٠٠ ريال (مستوى جيد جداً) للباب الواحد بدون صبغ - الصبغ اذا كان رش ٤٠٠ ريال للباب الواحد - ولا يشمل الاقفال
الاسعار متفاوته في هالاعمال حسب نظافة الشغل

أسعار تلبيس الجدران بجوده عاليه تبدأ من ٥٠٠ ريال للمتر المربع وبالعاده يتكون من خشب سويدي ١٨ ملي وفوقه اسفنج وجلد او قماش او مخمل. يُنصح بالخشب سماكة ١٨ ملي لمنع التقوس مستقبلاً.

صفائح حجرية للجدران، متوسط سعر المتر المربع ٩٠ ريال بدون تركيب. العامل ممكن يركبه لك باليومية باستخدام السيليكون والقص بالصاروخ (القرايندر).

تمديد مواسير التكييف (تأسيس) متوسط الاسعار من ٤٠ إلى ٦٠ ريال للمتر الطولي ويجي صيني وامريكي وكوري وكل ماكان سُمك الماسورة أعلى كانت أفضل. بعض المكيفات تجي معها ماسورة ٤ او ٥ متر مجاناً وبعض المحلات تقبل انك تخصمها من قيمة المكيف بالمستقبل اذا كنت مأسس من عندهم.

أسعار نوافذ الألمنيوم الدبل تختلف من شركة لأخرى بشكل ملحوظ. السعر للورش متوسطة الجودة تبدأ من ٤٥٠ ريال للمتر المربع وتصل الاسعار الى ١٢٠٠ ريال للمتر المربع للشركات ذات الجودة الأعلى.
علماً ان طريقة التمتير الكسور تُجبر للأعلى يعني نافذه مقاسها ٨٠ في ١٥٠ سم تمتيرها بيكون ١٠٠في١٥٠

بالصورة أسعار أحد شركات مفاتيح الإنارة والافياش. ويوجد منها مربع ومستطيل. ليست دعاية للشركة ويوجد شركات اخرى افضل واسوء واغلى وارخص منها.

أبواب الألمنيوم التقليدية لدورات المياه في الورش تبدأ من ٥٠٠ ريال للباب طبقه واحده المنيوم واذا كان دبل ٧٠٠ ريال واذا كان فريم المنيوم والباقي زجاج دبل مرمل مع شفاف ١٠٠٠ الى ١٢٠٠ ريال. اما في الشركات ذات الجودة الأعلى من ناحية تقفيل الالمنيوم والعزل فالاسعار دبل المذكور بالاعلى.

الجدران الخشبية مع الأبواب المخفيه بالعادة تكون خشب سويدي ١٨ ملم على خشب ميلامين يجي بالوان وعروق متعددة حسابها بالمتر ٥٠٠ ريال او اكثر للشغل النظيف والباب حسابه مثل حساب الابواب العادية ٩٠٠ الى ١٥٠٠ ريال. الباب العادي عشان يكون مخفي لازم يفتح بنفس الجهه اللي فيها تلبيس الخشب.

الفريمات الجدارية الجبسية (البانوهات) الأغلب يسعرها قطوعه وتختلف الأسعار بشكل كبير حسب نظافة الشغل. لو بحسبها بالمتوسط حسب تجربتي ١٢ ريال للمتر الطولي سعر مناسب للتركيب بجوده متوسطة.

أعمال الجبسمبورد تختلف أسعارها حسب سماكة الحديد (٦ او ٥ او ٤ ونصف ملم) وكثافة الشبكة (اوميقا كل ٦٠ سنتمتر) وشركة الصنع للجبسمبورد (مدى او المتحدة او الاهلية) وطريقة التثبيت بالخرسانة (بالبراغي او المسمار المسنن) واسعار الطبقتين من ٥٠ للعماله الخارجية وتصل الى ١٢٠ ريال للمؤسسات.

عشان تحط لك ميزانية مبدئية لتأثيث دورات المياه بالكامل. ادخل موقع الخزف السعودي واستخدم الأسعار الموجودة على منتجاتهم. حتى لو كنت بتشتري من شركات ثانية، تعتبر أسعارهم في متوسط أسعار السوق.

أرضيات الدبليو بي سي مقاوم للماء والشمس متوسط أسعاره ٣٠٠ ريال للمتر المربع شامل التركيب.

ألواح الفايبر سعر المتر المربع في حدود ١٠٠ ريال.

أسعار مقابض الأبواب من ١٠٠ الى ٢٠٠ ريال كمتوسط والأقفال ب٥٠ ريال.

البانيو الديكوري المخصص للجلوس فقط (مايناسب الاستحمام واقف) سعره ١٨٠٠ الى ٢٥٠٠ ريال والخلاط الأرضي الطويل سعره ٨٠٠ الى ١٠٠٠ ريال.

متوسط اسعار الجاكوزي لشخصين ٣٥٠٠ الى ٤٠٠٠ ريال ويجي ماطور واحد او ماطورين حسب المواصفات. والجاكوزي لشخص واحد في حدود ٢٨٠٠ الى ٣٠٠٠ ريال. لا يناسب للاستحمام واقف. مصمم للجلوس فقط. يعني تحتاج منطقة استحمام إضافية.