السلام عليكم ? بتكلم اليوم عن الأبل واتش و بشرحها بشكل مبسط جداً و راح انزل فيديوز بالتدريج تشرح مميزات بالتفصيل فيها زي التطبيقات و بعض الحركات الي يمكن ناس ما تعرفها ? و ان شاء الله تستفيدوا منها ?
#applewatch_iGhaida
#applewatch_iGhaida
اول شي ايش فكرة الأبل واتش؟ هي ساعة ذكية لما تقترن بالأيفون تجيك التنبيهات و الرسائل نفس الي تجي في الأيفون و كمان تقدروا تستقبلوا الاتصالات عليها و تتكلموا فيها عن طريق السبيكر و اذا عندكم سماعة بلوتوث المكالمة راح تجيك على السماعة ??
و كمان الساعة تهتم بصحتك و تحسبلك السعرات الحرارية الي تحرقها يومياً و تقدر تحدد هدف يومي توصله مثلاً ٣٠٠ سعرة يومياً و تتابع معاك الساعة و تحاول تشجعك عشان توصل هدفك ?? كمان تحسب عدد الخطوات الي تمشيها يومياً و كم طابق طلعت
الساعة تتابع نبضات قلبك و ترسل تنبيه اول ما تلاحظ اي خلل في نبضات القلب سواء طلوع او هبوط او حتى ان النبضات ماهي منتظمة و في اكثر من موقف الساعة انقذت حياة اشخاص بعد الله ان ارسلتهم تنبيه بأن لازم يزورا المستشفى و طلعت بداية سكتة قلبية بعيد الشر عنكم
الساعة كمان اذا كنت جالس لاكثر من ساعة بدون ما تتحرك ترسلك تنبيه ان لازم تقوم تمشي لمدة دقيقة و ترجع تجلس ?? جداً حلوة للناس الي تجلس فترات طويلة او شغلهم مكتبي لأن خطر على صحتكم تكونوا جالسين ساعة كاملة بدون اي حركة ?
لما تجي رسائل واتسب او رسائل نصية او iMessage تقدر ترد عليها عن طريق اختصارات تكون جاهزة في الساعة او ايموجي او تقدر تسجل الكلام الي تبغى ترسله و الساعة تكتبلك الكلام و ترسله و اذا باللغة الانجليزية تقدر تكتب بخط يدك ?? و بشرح خاصية الرد بفيديو قريب ان شاء الله ?
في منها اصدارين الي متواجدة بالسوق الاصدار الثالث و الاصدار الخامس و الفرق بينهم ان الاصدار الخامس حجم الشاشة يجي مقاسين ٤٠-٤٤ و الاصدار الثالث حجم الشاشة ٣٨-٤٢ فا حجم الخامس اكبر لكنها اصغر من نايحة العرض الجانبي و الصوت فيها اقوى بنسبة ٥٠٪
الاصدار الخامس تتميز انك تقدر تتحكم في الشاشة تقدر تخليها دايماً مضيئة يعني الشاشة شغالة طول الوقت بس ما يأثر على البطارية لأن مدة البطارية ١٨ ساعة كحد اقصى في كل الاصدارات ?? و تقدر كمان تقفل الخاصية ديه و تخلي الشاشة تشتغل اول ما ترفع يدك زي الاصدار الثالث
الاصدار الخامس فيها خاصية اسمها Fall Dedication اذا شخص لابس الساعة و طاح الساعة راح تستشعر داه الشي و ترسلك تنبيه اذا انت بخير؟ اذا ما استجبت لمدة دقيقة مثلاً الشخص فقد الوعي راح ترسل لشخص الطوارئ الي تكون انت حاطه رسالة انك في الموقع الفلاني و تحتاج مساعدة و تتصل على الاسعاف
الاصدار الخامس يجي ٣ الوان ذهبي و فضي و رمادي فلكي و الاصدار الثالث فضي و رمادي فلكي. في اصدار خاصة بنايك يجي لون فضي او رمادي فلكي و يفرق ان فيه باند خاص لنايك و وجه ساعة خاص بنايك و تطبيق Nike+ Run Club و هو تطبيق للرياضين لكن تقدر تنزله من الاب ستور اذا ما عندك اصدار نايك
الساعة فيها مميزات بشكل كبير جداً و صعب ان احصرها في موضوع واحد و فيه مميزات للساعة راح يكون شرحها اوضح في فيديو فا ان شاء الله بنزل فيديوز و بشرح مميزاتها بالتدريج ?
جاري تحميل الاقتراحات...