بسسم الله والصلاة والسلام على رسول الله وبعد :
ببدأ اسوي الثريد"بالتفصيل المُمل" الي يتكلم عن الطلعه الي محد يتمناها 'وقبل لاابدأ اي كومنت مايعجبني بلوك
ببدأ اسوي الثريد"بالتفصيل المُمل" الي يتكلم عن الطلعه الي محد يتمناها 'وقبل لاابدأ اي كومنت مايعجبني بلوك
الاسبوع الي فات الساعه ١٢تقريباً وفجأه بدون سابق انذار كلمنا خالي عواض قال بكره نمشي للبر بعد الفجر وبكلم اخواني وخالاتي وبنكشت يومين او٣ايام ونبدأ نوزع الشغل بيننا واول ناس كلمهم خالي محمد وطبعاً خالي محمد ذا انسان عجول وعصبي ونفسيه ومايحب يضحك وكل امور حياته بجديه عكس خالي عواض
ونكلمه قال مب لازم ومدري ايش واصرينا عليه عشانه الكبير وقرروا ان التجمع تكون عند بيتنا وجت الساعه٤الفجر ويدخل خالي محمد ويقول نايمين!!واحر ماعندي ابرد ماعندكم ودارين ان وراكم طلعه وش تحترون يلا تعالوا امشوا البسوا ونلبس ونركض قال والعباده والصلاه على طول تركبون صلوا الفجر اول!!!
ونصلي ونحط العزبه عند الباب ويجون بقية خوالي وحريمهم وعيالهم وحريم عيالهم وكل الي جاوا نزلوا يسلمون علينا ويشوفون الأوضاع الا اسرة خالي محمد مايبي يخرب ترتيبهم بالسياره ولإنهم عجلين مره يبونا نتحرك بس
المهم انا وبنات خوالي قلنا اسمعوا مانبي نركب الا آخر الناس عشان مايحطونا بالشنطه زي العاده وقعدنا عند الباب ويحملون الاغراض وكل من شافنا من اهل الحاره قال الله يوصلكم بالسلامه وادعوا لنا يحسبونا بنروح عمره ولابنجاهد وماينلامون الصراحه لإن حتى طاش ماطاش ماسوو سواتنا
وتنادينا جدتي يلا يابنات اركبوا في الكامري حقت فهد ولد خالكم محمد قال خالي محمد ولاش السيارات الكامري والصغيره ماراح نخليها تمشي بتغرز وبتخبط قلنا ها وين نركب ويعدنا قال ماغير٤سهالات وينزل الفرشات من الصندوق حق الهايلكس
ويقول يلا يابنات تبطحوا تبطحوا"انسدحوا"وبنحط فوقكم الفرشات وماعليكم كلها ساعتين ولا ساعتين ونص ونوصل والضيق وانا خالكم بالقبور وقدروا الوضع واهم شيء الوناسه ونتبطح ويحطون الفرشات فوقنا وعشان محد يشك ف الوضع العزبه والقدور حقت الذبايح حطوها فوقنا
والي يسوق فينا خالي عواض ويوم قربنا نوصل قعد يطعس فينا ويفرفر والباقين واصلين قبلنا وينتظرونا ويحسبونا غرزنا ونجيهم ولابعد تقهووا وعصبوا علينا وننزل واخذ الترامس وبعطيها خوالي يتقهوون ويروقون ويشوفني خالي محمد ويقول رجعي القهوه مانبي قهوه مب وقت قهوتك بنذبح الخروف تعالوا تعالوا
ويجونه خالاتي وخوالي وجينا بنتمشى شوي قال خالي محمد لولده فهد انت خلك ف الهلي واي حريم ولابزران يتعدون مكانا الحقهن لاتسمح لأحد بالعبور وانا ابوك ونروح يابنات وحريم العيال ونقعد ف الخيمه ولافيه شبكه ولاقهوه والساعه ٨ونص والنفسيات واصله قاع الارض وذا شكلنا يوم خالتي تضربنا وتنحاش
وفجأه وحنا قاعدين اشوف امي وخالاتي وعيال خوالي وخوالي يركضون ومرت اخوي تقول اقعدوا لحد يطلع وانا ماقدرت اقعد وش العلم الناس فيهم شي وتوني بلحق امي الا فهد ولد خالي محمد الي كان يلحق معهم بالسياره شافني طالعه من الخيمه ويلحقني وانا مدري انه يبيني ارجع الخيمه ولاكان في ذمتي ان ارجع
ويوم حسيت اني تعبت وقفت وقعدوا يصارخون مسكناه مسكناه ويرجع فهد لهم يقول بعدي بعدي قالوا بس رجله انكسرت والي يدعي والي يصارخ والي يقول ارجعوا والي يلعن وابي اشوف وش قصدهم الا طلع الخروف الي منحاش وكل ذا الدراما عشان يمسكونه جعل بطونهم الي مانيب قايله!!!!!!!!
وقلنا خلاص عاد تقهووا الساعه بتصير ٩قالوا الله ي**ن قهوتن جبتوها وصجيتونا فيها بنصلخ الخروف اول شيء ويجون خوالي بيساعدوني خالي محمد قال ولاتقربوني وانا بصلخه وانا بسوي الغداء ولااحد يجيني ولااحد يقرب قالوابرك بعد ومحد مستانس من كل ذا الا عيال خوالي إلي يقرشون برتقال ويلعبون طايره
ويجي وقت الصلاه وخالي عواض خابر القبله قال خالي محمد ولاش القبله الي تقولها غلط وهذا الاتجاه الصح ويارجال اذكرالله وصل ع النبي قال انتوا تعلموني ويضيق للمره المليون قالوا خوالي مره ثانيه ابرك بعد ويصلون كلهم ب اتجاه قبله وحده الا خالي محمد وجدتي عشان ماتكسر خاطر ولدها بقبله ثانيه
وصلوا وتقهووا وهدت الأمور وروقوا وراح خالي عواض ويشغل الشيلات حقت العتبان واشي رقص من خالاتي اشي طرب والساعه١الظهر اشي روقان وعادي ترقص وتقرش لولدها الصغير برتقال وتاكل وتوكله وكل هذا وهي ترقص
وجت الساعه٢وغداء خالي محمد طول قالوا عطناالغداء قال مانجح اللحم قالوا لو انه لحم بقره نجح من الساعه٩وانت مركبه قال انا قلت محديتدخل ولحديزعجني ويقوم خالي عواض ويفتح القدر ويقطع قال زان يامسلم قال انا اقول مازان واذا بتكبونه مانيب ماكل ويكبونه ويضيق ويركب سيارته ويرجع لبيته لحاله
ونتغداء بسرعه وجدتي ضايقه ع ولدها و تهاوش خوالي وخوالي يهاوشون حريمهم وحريمهم ينفسون علينا وماصدقنا يشبعون قالت جدتي يلا مشينا مانيب قاعده وحميد مب معي وتركب ويضيقون خوالي واسرة خالي محمذفوق ال١٢نفر ويركبون معنا ع هايلكس ف احضان بعض ونفسوخوالي وقالوبنكتب على ذا الطلعه طلعة بزران
وبكذا خلصنا الثريد والي يستفاد منه انكم تشكرون الله على عدم وجود نفسيات زي خالي محمد ف حياتكم وان شاء الله استمتعتوا وضحكتوا مع ان كنت مجمعه رياكشنات تمثلنا صدق بس الشبكه استلعنت واختصار طلعتنا كانت?♥️♥️♥️♥️♥️♥️♥️
جاري تحميل الاقتراحات...