أول مرة اعرف ان مصطلح عالمة كان مقصود بيه معناه فعلا ف البداية (اول استخدام ليه ف القرن ال 19) وكان مقصود بيه امرأة متعلمة، بتكتب الشعر، بتألف مزيكا، وبتغني، وبترقص بس للستات ف الحرملك، عشان كدا كان فيه احترام من المجتمع تجاه العوالم وقتها.. اما تحول المعنى لرقاصات فدا قصة تانية
عشان نفهم نقطة تحول العالمة من "امرأة متعلمة" لراقصة (ب slut consensus) لازم نعرف مصطلح تاني، ظهر بعد العالمة شوية ولكن الاتنين كانوا معاصرين لبعض، وهو الغازية.. الفرق الجوهر بين الغازية والعالمة ان الغازية بترقص ف الموالد، الافراح، بوش مكشوف قدام الرجالة
تم وصفه وقتها علي انه prostitution.. ولكن بالرغم من ذلك الناس كانت بتحب تتفرج علي الغوازي.. الغوازي كان دورهم المحوري ف العروض هو الغنا والرقص.. وطبعا الفترة دي من تاريخ مصر كان فيه ضرايب تعسفية كتير وكانت سبب فهروب سواء الغوازي او العوالم لمناطق برا العاصمة.. بس نقطة التحول >>
<< الأساسية كانت مع الوفود الاجنبية اللي اكتسحت مصر نتيجة الاحتلال الفرنسي سواء سياح او مقيمين واللي كانوا مهتمين جدا بالرقص، ومن اللحظة دي اصبحت العالمة بتتوصف علي انها راقصة ومغنية، انما الغازية راقصة و prostitute. >>
<< وسؤال هل ال high class awalim أدوا عروض للجانب ولا دول مجرد هواة بياكلوا لقمة عيش، مفيش حد اتكلم وجد ليه إجابة، ولكن أي حد كصري هيعرف انه اكيد فيه ناس من برا المهنة حاولوا يستغلوا انجذاب الأجانب للرقص، حتي لو كان على حساب ان المهنة تخسر جوهرها، ودا حصل كتير
لحد هنا مكنتش لسه العالمة 100% راقصة، كانت لسه المهنة بتحتفظ ببعض بريقها.. الفكرة بقي ان محمد علي أصدر فرمان بمنع الغوازي والعوالم من تأدية اي عروض مدفوعا بغضب شديد ومعارضة من السلطات الدينية ف مصر.. والست اللي كانت بتخالف القانون كان بيتم نفيها للصعيد.. وهنا بقي الجزء الحاسم
طبعا قرار محمد علي كان واضح جدا انه عايز يبعد العوالم والغوازي (ولحد الوقت دا كان فيه فرق جوهري بين الاتنين) عن انظار الاجانب.. وطبعا كعادة القرارات المصرية اللي من النوعية دي.. القرار مش بس اثبت فشله، لا دا جه بنتيجة عكسية..
بخروج ال performers دول للصعيد اللي بؤرة سياحية جدا طبعا ساعد بشكل كبير جدا ف جذب أنظار الاجانب ليهم برضو خارج القاهرة ف الصعيد، لدرجة ان معظم دخلهم كان معتمد على السياح.. دا تحديدا دفع performers كتير (من العوالم كمان) للاتجاه لل prostitution >>
<< مش بس عشان دا السوق، والطلب من الاجانب رايح ف المنطقة دي.. بس كمان عشان الظروف المعيشية الصعبة اللي واجهوها ف الصعيد..
هنا تحديدا اختفي معني مصطلح عالمة كامرأة متعلمة، لراقصة ومغنية واللي اوقات بتضطر لل stripping.. وهنا بتشارك الغازية ف ال job description :-)
هنا تحديدا اختفي معني مصطلح عالمة كامرأة متعلمة، لراقصة ومغنية واللي اوقات بتضطر لل stripping.. وهنا بتشارك الغازية ف ال job description :-)
ودا لو هيسلط الضوء علي حاجة، فهو القرارات الإدارية الغبية من الدولة تجاه الفنون، وشوفنا ازاي قرار محمد علي المدفوع بغضب من مؤسسات دينية كان سبب ف ضياع مهنة كاملة بدل من احتوائها وتقديمها علي انها فن مصري اصيل، وهي كذلك، وتطويره كمان
جاري تحميل الاقتراحات...