كورونا او كوفيت ١٩ المنشور الثاني (٢)
اكتر من ٣٠ الف بقو كويسين وخرجوهم بيتهم
(((اعقلها وتوكل)))
(ما زال نسبة الخطورة ٢٪ بس.. واسأل الله يواصل على كده)
ولانو الكوادر الطبية متعودين على الدرش والقراية الكتيرة.. الليلة منشور طويل شوية.
اكتر من ٣٠ الف بقو كويسين وخرجوهم بيتهم
(((اعقلها وتوكل)))
(ما زال نسبة الخطورة ٢٪ بس.. واسأل الله يواصل على كده)
ولانو الكوادر الطبية متعودين على الدرش والقراية الكتيرة.. الليلة منشور طويل شوية.
دي ونسة خاصة بالكوادر الطبية وجميع الراغبين في المستقبل ان يكونوا من المتطوعين.
اول واهم سلاح لمحاربة فيروس كورونا هو توعية الناس بطرق العدوى والحماية منها وبعده طوالي هم الكوادر الطبية.. وهنا حا احاول باختصار نشرح الخطوات الفعالة العملتها الصين في تقليل انتشار الفيروس.
اول واهم سلاح لمحاربة فيروس كورونا هو توعية الناس بطرق العدوى والحماية منها وبعده طوالي هم الكوادر الطبية.. وهنا حا احاول باختصار نشرح الخطوات الفعالة العملتها الصين في تقليل انتشار الفيروس.
الفرضية الأساسية البدو بيها قاعدة بسيطة انهم عملو فرضية و تم تقسيم العيانين لي ٣ أقسام عيان (أ - ب - ج)
١- عيان (أ) و ده المصاب الاول وغالباً بكون في منطقة الوباء ومعرفتهم والتحكم فيهم ساهل جدا.
١- عيان (أ) و ده المصاب الاول وغالباً بكون في منطقة الوباء ومعرفتهم والتحكم فيهم ساهل جدا.
٢- عيان(ج) - وديل اهل، أصحاب، زملا او جيران العيان (أ) وبرضو معرفتهم ساهلة وتتبعهم بسيط جدا.
المشكلة الكانت مواجهة الصين والعالم كلها حول العيان (ب) *
المشكلة الكانت مواجهة الصين والعالم كلها حول العيان (ب) *
هنا ركز معاي بالله لانو من اهم العوامل الخلت التحكم في انتشار الفيروس فعال لما العيان (أ) مشى للعيان (ج) في الطريق قابل ناس كتار.لا هو عارف نفسه قابلهم ولا هم عارفين انهم قابلو (أ) ولا (أ) عارف روحه عيان ولا الناس القابلوه عارفين روحهم قابلو زول عيان الجماعة الفي النص ديل سموهم ب
طيب الجاي ده كله بعتمد على. . قصة العيان (ب)??? عشان كده لو ما فهمته ارجع براحة اقراها.. طيب نواصل.
قدرو يتحكموا في العيان (أ) و (ج) لكن كانت مشكلتهم كيف يعرفوا العيان (ب).. قاموا طوالي قالو الحل طالما العيان (ب) ده بقى عيان لانه قابل (أ) اذا نكنكش في (أ) ونقلل حركته ونراقبه مراقبة يومية ونعزله عشان نقلل فئة العيانين (ب)....
لكن برضوا عندهم مشكلة انوا لما عرفوا العيان (أ) كان اصلا هو حايم وقابل مجموعة من الناس.. عشان كده تم اتخاذ قرار بعزل مناطق تواجد كل العيانين (أ).. وده الحصل في ولاية (خوبي) وعدد سكانها ٥٠ مليون يعني اكتر من السودان بي ١٠ مليون فيها مدينة اسمها (ووهان) وعدد سكانها ١٠ مليون
ووهان دي مكان العيانين (أ) فتم العزل على أساس تقليل عدد العيانين (ب) وعلى أساس انو معظم العيانين (أ) ظهرت عليهم الأعراض بتاعت المرض خلال ٧_١٠ يوم اذا كده عرفو فترة الحضانة للمرض وقالو نخت فترة ضمان زيادة وحددوا ١٤ يوم هي اخر فترة لظهور الأعراض (رغم انو في حالات نادرة ظهر بعد ٢٠ي)
المهم قامو عزلو المنطقة الفيها المريض (أ) وفي نفس الوقت قاموا بي متابعة كل شخص طلع من المدينة من اول يوم ظهر المرض وقدروا يحصروا كل الناس الطلعو واتواصلوا معاهم وقالوا ليهم اعزل روحك لمدة ١٤ يوم وكل يوم ورينا اذا ظهرت عندك واحدة من الأعراض دي (حمى.. قحة.. نزلة).
طيب المشكلة الان بقت عندهم مجموعة (أ) في مركز الوباء وهو مدينة ووهان.. وبرضو مجموعات (أ) تم اكتشاف انهم سافروا لي اهلهم في مدن تانية.. اذا نستفيد من التجربة دي ونفهم حاجات أساسية :
١- العزل لجميع الحالات (أ)
٢- مراقبة وحصر الحالات (ب)
٣- العزل للحالات (ج)
١- العزل لجميع الحالات (أ)
٢- مراقبة وحصر الحالات (ب)
٣- العزل للحالات (ج)
طيب نرجع لي الكوادر الطبية والراغبين في التطوع.دي ما نزهة او رحلة علميةدي منطقة وباء غير مفهوم.. وليس له علاج إلى تاريخ كتابة المنشور ده.. عشان كده مفروض يكون في تدريب للحماية من العدوى وخاصة انوا الكوادر الطبية عندها تواصل مع كل انواع المرضى
وممكن تكون سبب في انتشار الفيروس اذا كانت غير مدربة بصورة جيدة...
اول حاجة مفروض الدولة تعلن الطوارئ الصحية وتدي صلاحيات زيادة لي وزارة الصحة وهي بدورها تدي صلاحيات لقسم مكافحة الاوبئة والصحة العامة بحيث انهم يبدوا يرتبوا مستشفيات واقسام مخصصة للمرضى..
ويعملوا ورش تدريب لكل الكوادر الحا تشارك في المكافحة وتجهيز أماكن سكن خاصة لهم وتوفير نقل واحتياجاتهم اليومية من اكل وشراب(في مستشفيات.. في مدينة ووهان الكوادر الطبية كانو بلبسو (بامبرس) عشان ما بلقو وقت يخشو الحمام.. والممرضات حلقو شعرهم عشان يقللو انتشار الفيروس).
والخطوة الثانية مفروض اي مريض من الفئات (أ او ب او ج) قبل العزل يعرفوا هو مسئول من منو عشان لما يتم عزله ما نكون سبب في اهمال اسرته وبرضوا نقدر نعرف منو كان محتك بيه.. إذا" في حوجة لي مجهود اجتماعي عشان نجهز ناس مهمتها حماية أسر المرضى التم عزلهم وتوفير احتياجاتهم اليومية.
وبرضوا مفروض يكون في ناس مهمتهم توفير الخدمات لي الأسر والمرضى في مناطق العزل ( سكري.. ضغط.. قلب.. حوامل.. تطعيم وغيرهم) من المرضى العاديين.. وغالباً يكونوا ناس الجيش والاجهزة الشرطية.
نرجع لي بعض التوصيات و الخطوات العملوها هنا وكيف نستفيد منها مع ظروفنا وإمكانياتنا المحدودة:
١- إغلاق كل النشاطات الاجتماعية وقفل الأسواق والمدارس والجامعات في المنطقة والمناطق المحيطة بها..
١- إغلاق كل النشاطات الاجتماعية وقفل الأسواق والمدارس والجامعات في المنطقة والمناطق المحيطة بها..
توزيع كواشف للحرارة في المداخل الرئيسية للمدن ومراكز الخدمات (مستشفيات.. دكاكين.. اسواق.. أقسام شرطة.. مواصلات وغيرها )..
**وفرض ارتداء الماسك في الاماكن العامة في منطقة الوباء.
**وفرض ارتداء الماسك في الاماكن العامة في منطقة الوباء.
٢- تم التحكم في توزيع المواد الطبية (ماسكات) وتحديد عدد لكل أسرة وحتى في فترة العزل.. تم السماح لفرد واحد من كل أسرة الخروج لشراء احتياجات البيت.. وكانت كل يومين وبقت كل ٣ يوم..
وفي فترات كان انتشار المرض عالي.. قامو عملو لكل حي زول يوصل ليهم الحاجات في بيوتهم عشان يقللو عدد الناس في الشارع
٣- الدعم النفسي والاعلامي والاقتصادي.. الأولوية في الخدمات وخاصة الطبية تكون لمنطقة الوباء وفتح باب التبرعات من المناطق التانية.
٤- تجهيز جهة اعلامية على مدار ٢٤ ساعة او تصميم تطبيق على الجوال يسهل فيه مراقبة احتياجات المرضى والحالات المشتبهة.. وسهولة ارشادهم لكل التحديثات وتنويرهم بصورة يومية عن طرق الوقاية والعلاج وعدد الحالات واي إرشادات اخرى
.
٥- في الأول لانو ما كان مجهزين اماكن عزل تستوعب الاعداد الكبيرة كان في جزء كبير يتم عزلهم في بيوتهم وتنصح العيان يلبس ماسك و يختار غرفة عندها تهوية كويسة والزول البخدمه في البيت يلبس ماسك برضو وما يجي قريب ليه اقل شئ متر ( او يختو ليه الاكل في الباب)
٥- في الأول لانو ما كان مجهزين اماكن عزل تستوعب الاعداد الكبيرة كان في جزء كبير يتم عزلهم في بيوتهم وتنصح العيان يلبس ماسك و يختار غرفة عندها تهوية كويسة والزول البخدمه في البيت يلبس ماسك برضو وما يجي قريب ليه اقل شئ متر ( او يختو ليه الاكل في الباب)
هنا لو فعلا الزول بحب اهله احسن تكون سليم عشان تقدر تخدمهم وتوفر ليهم احتياجاتهم مافي ظرافة وحنية و(تلصق) يتبع ....
٦- تم استعمال فنادق ومراكز ثقافية او سينما او مولات.. لعزل الحالات المتوسطة.. وتم توفير سكن الكوادر الطبية قريب من المستشفى وكان عشان الدكتور بسبب احتكاكه المباشر مع العيان ما يخلو يرجع بيته.. ووفرو ليهم نقل وفي ناس متطوعين كانت مهمتهم نقل الكوادر الطبية للمستشفيات ونقل المرضى
المشتبهين للمستشفيات لإجراء الفحوصات.
٧- يتم مراقبة السوق وتخفيض الضرائب والجمارك وتوفير نقل مدعوم ومراقبة احتياجات المناطق المعزولة.. ويتم صرف (ماسكات) بالرقم الوطني او الجواز.. ويتم حصر الأجانب ونشر إرشادات يومية بي لغتهم و بالتواصل مع سفاراتهم.. وتسهيل إجراءاتهم
٧- يتم مراقبة السوق وتخفيض الضرائب والجمارك وتوفير نقل مدعوم ومراقبة احتياجات المناطق المعزولة.. ويتم صرف (ماسكات) بالرقم الوطني او الجواز.. ويتم حصر الأجانب ونشر إرشادات يومية بي لغتهم و بالتواصل مع سفاراتهم.. وتسهيل إجراءاتهم
٨- إنشاء جهاز اعلامي مهمته رفع الروح المعنوية وينقل كل الحاجات الايجابية ويشرح بصورة مبسطة الوضع كيف وطرق الحماية والحالات البقت كويسة وتضحيات كل المشاركين من كوادر طبية وغيرهم.. والحالات التم شفائها
.
٩- تجهيز عيادات للحالات المشتبهة.. لانو الخلعة والخوف حا تخلي اعداد كبيرة من الناس تجي المستشفيات خاصة انوا الأعراض بتشبه أمراض كتيرة.. ويتم نشر توعية عن بتين مفروض تجي تفحص.. وبتين لا.
٩- تجهيز عيادات للحالات المشتبهة.. لانو الخلعة والخوف حا تخلي اعداد كبيرة من الناس تجي المستشفيات خاصة انوا الأعراض بتشبه أمراض كتيرة.. ويتم نشر توعية عن بتين مفروض تجي تفحص.. وبتين لا.
جاري تحميل الاقتراحات...