النص دة كتبته في لحظة وجع من سنين فاتت ..
و الحمدلله رب العالمين إنه الواقع بدأ يتغير تدريجياً ولكن تظل المطالب نبض حي !
كفانا زمن مليان همجية ..
كل بلدان العالم ماشة ..
خطوة ونحنا بنرجع 100 !
يسقط عدل الظلمانية !!
تابع⬇️
@Sudanese_Spt
#تغريدة_لحب_الوطن

ما اتمنينا نكون في فيلا ..
و لا أحلامنا نسوق عربية ..
ناس أحلامها بسيطة و ساهلة ..
سترة بيت واللقمة هنية ..
ايه حيفيد لو عندنا مصنع ..
و اﻹنتاج أرباح وهمية ؟
أو أنفاق و كباري و شارع ..
كلها من أموال محمية !!
أو أطفال في مدارس هشة ..
بقروا نشيد فاقد وطنية !!
تابع⬇️

ليه مستشفى و ليه مستوصف ؟
والموجود ما يداوي صبية !
ناس يوماتي بتطلع روحها
شان فد عيشة و جوز طعمية !!
واﻵمال مسروقة وباهتة ..
بين أحضان هامان مرمية !
يكفي تماما ظلم الدنيا ..
ما بنتحمل تاني أسية ..
نقطة رجعة عشان أولادنا ..
يعرفوا معنى اﻹنسانية ..
تابع⬇️

نقطة رجعة عشان العاطل ..
يلقى وظيفتو الكات منسية !
نقطة رجعة عشان المرأة ..
تلقى حقوقها الدستورية !
نقطة رجعة عشان مظلوم
يقدر يكسب مرة قضية ..
نقطة رجعة لروحنا الجوة ..
الغابت منها ناس كمية ..
ناس بالواسطة أمورها بتمشي ..
و ناس بموتها بتدفع دية ..
momen