الثريد دا ظريف كعرض للحال حق البيوت المحمية في السودان والواقع المعاش عندنا بس مشكلتوا ما تخصصي حتى المشكلات المطروحة هي مشكلات السوق دا من الزراعية
وفقاً للكلام دا ذاته انا حضيف وأصحح بعض الحاجات بحكم تخصصي بشكل اكتر علمية ولاني اشتغلت فيها سنين طويلة شديد
وفقاً للكلام دا ذاته انا حضيف وأصحح بعض الحاجات بحكم تخصصي بشكل اكتر علمية ولاني اشتغلت فيها سنين طويلة شديد
خبرتي فيها غير أصلا انا دراستي هندسة زراعية وبالتحديد ميكنة زراعية الهي البيوت المحمية واحد من تخصصاتها الدقيقة اشتغلت من ٢٠١٤ في شركة بتورد الحاجة دي لي ٢٠١٦ وكنت مدير المشروعات ليها اشتغلنا مشاريع كتيرة في سندس اراك صالح وفي السليت وفي غرب أمدرمان والعسيلات والمويلح والفكي هاشم
بعد خليت الشركة اشتغلت مشروع لوحدي من الصفر لحدي التسليم وتابعه لحدي الإنتاج في بتري وكان من انجح المشاريع بتاعت البيوت المحمية رغم انه ما مشروع كبير اشتغلت صيانة وتعديلات كتيرة في التصاميم والقطع لتلائم الأجواء وأيضا تقريبا اشتغلت على كل الأنواع من البيوت المحمية الدخلت السودان
النفطة الأهم في فترتي دي كلها انه المشاكل الإدارية هي اس المشاكل في الاستثمارات دي البيوت المحمية دي حاجة حساسة جدا الفكرة منها انك تعمل بيئة للنباتات منفصلة عن البيئة الخارجية وتوفير الظروف المثلى بالطريقة حقت الثريد المذكورة دي
المشكلة الأولى ماف زول بعمل دراسة عشان يعمل البيوت المحمية بجيب البيوت المحمية بعدين وبركبها وببدا بعدها يكتشف المشاكل اذا في الأرض او التصميم ما ملائم للمناخ ودي لانه الماسكين سوق البيوت شركان عايزة تبيع وتجار ماعندهم خلفية والدراسة الأولية دي بالنسبة ليهم خسارة قروش
حتى بعد التركيب مشاكل الإدارة الزراعية كتيرة جدا للإنتاج يعني ما ممكن تكون عندك مشروع كبير جدا تجيب مهندس زراعي واحد يعمل ليك كل شئ الهندسة الزراعية دي تخصصات مختلفة يعني بتاع البساتين ما حيشتغل ليك شغل الوقاية زي ما هو او شغل الري حق الميكنة او اي مشروع محتاج تيم من كل التخصصات
صاحب المشروع دايما بسمع كلام الناس القبليه وبقول عايز زيهم مع أنه فنياً ما ممكن لانه اي مشروع حسب البيئة البيوت حيختلف في الطول والعرض والارتفاع مبدئيا كدا مافي بيت مثالي لكل الظروف ولو في منطقة واحدة دي حاجة لازماها دراسات جادة
في اجهزة ملحقة كتيرة للبيوت المحمية بتتركب للتحكم ماف زول شغال بيها في السودان حتى لمن نركبها في التشغيل بتجاوزوها مع انه بتعمل فرق كبير وفي ناس بقولوا ليك ما عايزنها وما يجيبوها عشان التكلفة تقل ودي اخطاء كارثية خاصة في عمليات التبريد والتخلص من الرطوبة العالية ودي حاجات ضرورية
بالنسبة للبيوت ذاتها موضوع الرطوبة العالية عندها حلول ويمكن تبريديها للدرجات المناسبة حتى مع الحرارة العالية بس محتاجة تصميم مناسب الأهم مافي البيوت المحمية اجهزة التبريد تكون ذات كفاءة عالية ما اي مراوح كويسة وما اي خلايا كرتون مناسبة بالنسبة للغطاء كما قال الأخ دا البولي كربون
مناسب جدا بس تكاليفه عالية المشعات في أنواع جودتها عالية جداً واكتر من ممتازة وعندنا تجارب كويسة بس برضو يتحكم في الحاجة دي السعر كل الشركات قاعدة تجيب اقل جودة من كل المشاريع في السودان المشمعات ذات الجودة العالية كانت في مشاريع قليلة جدا ، الهيكل دا يعتمد على الشركات في اغلب ا
اذا اهتمينا بحاجات بسيطة جدا البيوت المحمية من اهم تكنولوجيات الزراعة الراسية والحديثة وممكن تحدث فرق كبير جدا
دا جزء بسيط من مشاكل اكبر في البيوت المحمية حاولت ألخصها في الحاجات الأساسية
مشكور صاحب الثريد الأول
دا جزء بسيط من مشاكل اكبر في البيوت المحمية حاولت ألخصها في الحاجات الأساسية
مشكور صاحب الثريد الأول
في صاحبنا عامل ليه مادة جديدة كمعالجات للمشمعات بتقلل الحرارة من غير التبريد ١٠ درجات ودي حاجة كتيرة شديد ويمكن تعمل فارق في تكنلوجيا البيوت المحيمة وفي الزراعة المحمية عموما بس للاسف مافي زول قبل انو يجازف يعملها وهو كان مشروع مشترك بيني وبينه بس ما مشينا بيه قدام مع احداث السنة
انا عندي كم دراسة بعمل فيها وعندي حاجات عملتهم في اثناء شغال ما لقت طريقها للتطبيق كان ممكن تحل إشكالات بشكل علمي
جاري تحميل الاقتراحات...