فيه موضوع أبي أكتب عنه لأن ناس كثير يجهلونه، الموضوع محبط لأن الجهل حوله مركب، إضطراب مابعد الصدمة، أو الـ PTSD هذا إضطراب يحدث للناس اللي يمرون بصدمات قويه ومروعه، مثلا: إنك تشوف شخص عزيز عليك يموت بطريقة بشعه قدامك، أو إنك تمر بموقف يهدد حياتك بس مايمر بسرعه. 1⃣
بلغه عامية بسيطة: الأحداث المروعه زي كذا، بعضنا مايقدر مخه يحللها ويفهمها بسرعه، فكأن الجهاز العصبي يغص على هذا الحدث من كثر ماهو مروع ويعلق عليه، فتصير في حالة رعب دائم مع إن الحادث مر وإنتهى بس مخك للحين مايستوعب 2⃣
وش الأعراض اللي تصير عند الناس اللي يجيهم PTSD ، يجيهم قلق مرضي، نوبات هلع، اكتئاب، لكن وحده من الأعراض اللي صعبه جداً وماتشترك مع أي إضطراب ثاني هو الفلاشباك Flashbacks وهي أكثرها صعوبه، كل فتره وثانيه جهاز الإنسان العصبي يعيد تشغيل الذكرى المروعه بشكل واضح جداً
يعني حرفياً الناس اللي عندهم الإضطراب مو بس يتذكرون الحادث وإنما يعيشونه بالكامل، أقرب وصف هو كأنك فجأة مخك يجيب لك كابوس ويدخلك فيه بالغصب مع إنك صاحي مو نايم، وفي طبيعة الحال أنت إذا تشوف كابوس بتخاف، غير كذا حتى حاسة الشم تختطف وتشم روائح من الحادث
فإذا أحد يعاني من هالحالة بس ماهو عارف إسمها أقول له أنت منت مجنون ، هذا إضطراب مابعد الصدمة، أما إذا تعرف أحد عنده مثل هذي الأعراض فلازم تبحث عن الموضوع وتثقف نفسك فيه لأن مافيه أسوأ من إنك تشوف تعيش هالكوابيس والناس من حولك لايبالون ولايتفهمون.
فيديو : youtube.com
جاري تحميل الاقتراحات...