راح أتكلم عن شلون مُمكن الكشف عن وجود الڤايروس في الشخص عن طريق الـ DNA، الفكرة شوي معقدة و بحاول أوصلها هالمرة عن طريق الرسم عشان الكل يفهم مهما كان بعيد عن التخصص???!
أول شي نبدي خطوة خطوة، الڤايروس مادته الوراثية يا إما تكون DNA أو RNA?..
في حال كان DNA فالـ DNA عبارة عن شريط مزدوج?، شنو يعني؟ يعني الشريط الأول?يكمل الشريط الثاني?، لغة الـDNA تتكون من 4 أحرف : ACGT و هذيل بينهم محبة شلون؟ يعني إذا حرف الـ A بشريط راح يقابله T بالشريط الثاني و الـ C راح تقابلها الـ G?..
أما لو كان RNA فراح يصير متواضع أكثر شريط واحد فقط و لغته راح تختلف راح تصير ACGU، الـ DNA شايف نفسه يبي الـ T بس حقه فخلا الـ RNA يصير عنده حرف مستبدل يديد الـ إهوا الـ U?
انزين الأخ كورونا شنو مادته؟ RNA .. بس في مشكلة ألا وهي: الفحص عشان نثبت وجوده بالمريض نحتاج DNA بس الأخ كورونا أساسًا RNA ! شلون راح نحل هالمشكلة?؟
راح نسوي عملية اسمها reverse transcription أوك بس شنو يعني؟ يعني راح نستخدم الـ RNA عشان يكون مثل قالب و يعطينا DNA، فكروا فيها نفس التركيب إذا إنتوا عندكم القطعة الأساسية تقدرون تكملون عليها?..
أوك شوي شوي نبدي نتعمق بس قبل لا أشرح الـ RNA قلنا شريط واحد فاحنا نحتاج نسوي نسخة مقابلة حقه لأن عشان أوصلكم إياها عدل أساسًا الـ DNA يعطي RNA فلما يكون انا عندي RNA انا بس احتاج أسوي نسخة مقابلة حقه و بس أقدر أطلع الـ DNA عن طريق إني أكمل الأحرف و علاقتهم بالي شرحته قبل?..
الحين عندي شريط RNA?راح يكون وظيفته قالب الأحرف موجودة حلو؟ حلو يعني الحين أقدر أطلع نسخة مقابلة يعني مثلاً إذا الـ RNA =
UUAACGG
راح يكون الشريط المقابل " اليديد" الي راح يكون بمثابة الشريط الأول المكون حق الـ DNA =
AATTGCC
UUAACGG
راح يكون الشريط المقابل " اليديد" الي راح يكون بمثابة الشريط الأول المكون حق الـ DNA =
AATTGCC
راح إيي إنزيم يساعدني أركب كل حرف مع المقابل الوضع يكون چنه تركيب و آنا قاعد أكمله ليما يصير عندي أول شريط يديد كامل?، الحين دام آنا قدرت أطلع مقابل سهلة جدًا جدًا جدًا راح أرد أستخدم الشريط اليديد كقالب و أكمل عليه و أخليهم يكملون بعض بسلام تكمله هالشريطين راح ينتچ عنه cDNA?!
يعني الحين شنو؟ قدرنا نحول الـ RNA تبع الڤايروس لي DNA حلينا المشكلة رسمًيا يعني الحين سهل نتعامل معاه بالمختبر بكل حب و سلاسة✔️?✅!
قبل لا نكمل قصتنا لازم أقولكم إن RNA الأخ كورونا عندنا الأحرف كاملة حقه يعني عندنا علم بالشفرة الوراثية مالته چنه كود و احنا ندري كل حرف فيه شنو، شراح يصير .. راح يكون في منطقة بالجينوم چنها بصمة أو توقيع حق الڤايروس يعني إذا شفت هالأحرف راح أقول كان الڤايروس هنا و هٰذا الأثر?!
شفتوا المنطقة إلي كانت جزء من شفرته و قلنا هذي بصمته راح نقصها و نستخدمها دليل ضده و نسمي المنطقة برايمر راح يكون الدليل الي بيدنا الي راح يساعدنا نكشف و ضيفوا عليها شي مهم إلي إهوا البرايمر فيه إشارة مهمة تخيلوا إن راح يكون بمثابة علم إذا مسك بمكان راح يخليني ألقط الإشارة??
راح ناخذ البرايمر إلي إهوا جزء التوقيع الخاص بالفايروس الي بالـ RNA و نسوي منه نسخ وااايد و نحطه بتيوب مع عينتنا الي خذيناها من المريض العينة راح يكون فيها الكثير و لأن احنا بنكشف عن وجود الفايروس فممكن أصلاً ما يكون بالنهاية موجود ..??
الحين شراح يصير في حال كانت العينة فيها DNA كورونا إلي كان أصله RNA? نرد ورا شوي شفتو البرايمر ?الي قلت لكم راح يكون عبارة عن علم يصيد توقيع الڤايروس؟ في حال كان التسلسل مال البصمة موجود بالـ DNA راح يروح البرايمر و يمسك بالمنطقة الي تكمله✔️?..
الحين عندنا العينة المريض قطينا فيها برايمراتنا? و فيها الـ DNA الي تعبنا عليه بالبداية شراح نسوي حق التيوب?؟ راح نرفع درجة الحرارة☀️ليش؟ عشان نخلي الـ DNA يصير مش ملفوف بالعكس مفصولين ماخذين راحتهم الحرارة راح تكسر الرابطة الي بينهم بحيث تخليهم يفارقون بعض لأداء المهمة?!
لما يصيد البرايمر منطقته إلي تشابهه راح يصنع شريط يديد و يكمل عليه يعني راح يصيرون بمثابه قالب نصنع منه شريط يديد؟ شالفايدة؟ الشريط اليديد راح يكون مصنوع من قبل البرايمر و بمساعدة و الإنزيمات الي بتركب الأحرف✔️?
حلو بعد ما البرايمر مسك و كون لي شريطين راح يصير عندي DNA يديد فيه إشارة مصدرها البرايمر إلي إهيا عبارة عن إشعاع يصيد وجود؟ عاد احنا شراح نسوي؟ نسوي عملية PCR حق الـ DNA الي اهيا عملية مضاعفة نسخ الـ DNA .. كل ما زادت النسخ راح تزيد قوة الإشارة و بالنهاية ثبوت وجود الفايروس?!
هذي الفكرة من الـ PCR ألا وهي البرايمر لما يمسك بشريط واحد إشارته تكون أضعف فنسوي مضاعفه حق النسخة ليما تصير بالملايين بحيث نزيد قوة الإشارة و بالنهاية راح يكون عندنا علامة تقولنا : هُنا الڤايروس تم التقاط الإشارة✅✔️?!
و بس والله و سلامتكم????..
جاري تحميل الاقتراحات...