القصص الشخصية
العائلة
حادث
ألعاب
القصة الشخصية
السيارات
ديناميات العائلة
الإهمال
سوء إدارة
قضايا الأسرة
صراع العائلة
قصة شخصية
حادث سيارة
في سالفة طويلة ماقدر افضفض بها لغيركم ولاهي للبيع :
جايب هدية لاخواني بيت بلاستيك النوع الثقيل اللي ينحط في حديقة البيت على اساس ألعاب متطورة حركية مثل اطفال امريكا ،، قمنا لقيناه طاير وصادم في سيارة ابوي مكسر القزاز وشاق الرفرف والغبار داخل جوا السيارة ،، المشكلة ماوقفت على كذا
جايب هدية لاخواني بيت بلاستيك النوع الثقيل اللي ينحط في حديقة البيت على اساس ألعاب متطورة حركية مثل اطفال امريكا ،، قمنا لقيناه طاير وصادم في سيارة ابوي مكسر القزاز وشاق الرفرف والغبار داخل جوا السيارة ،، المشكلة ماوقفت على كذا
بدل ماتجي الطقة على راس اخواني توسعت دائرة الخلاف ووصلت للوالدة العزيزة لأن وقت الحادث فجراً السيارة طلعت صوت تنبيه قامت وطلعت المفتاح من جيب ابوي وضغطت الزر عشان تسكت السيارة ،،الوالد عصب عليها وقال شدخلك تطفينه ماحطوه الا لهذي المواقف ،، ردت وقالت طيب اذا دريت وش في يدك تغيره؟؟
الحادث وقع سواء دريت والا مادريت ،، فأسقط في يد والدي وشعر بحرارة المنطق فوق حرارة الحادث ،، وكعادة أي زوج اذا انحشر رجع وفتح ملفات قديمة عن الاهمال وسوء التدبير فجاب سوالف أمي اللي تؤلمها مثل سالفة الفرن اللي بغى يشب فينا والشغالة اللي انحاشت والحرامي اللي عطته خمسمية ريال
انا ونظراً لهذه المصائب اللتي توالت علينا تدخلت وقلت خلاص بصلح السيارة لأن الغلطة غلطتي عشاني جايب البيت بدون مااثبته بالارض ،، هنا حصلت فاجعة أخرى ،، أبوي لاعن جدف اخواني يحسبهم هم اللي شارين البيت وتوه يدري مني ان انا اللي جايبه فتحولت المعركة الى ساحتي ،، وهذا مالم احسب حسابه
فتح ملفاتي القديمة وبطريقة دراماتيكية مذهلة استطاع ربط الحادث بملفاتي ،، قال ليش تتلقف وتدلع اخوانك؟؟ ماعندهم ابو؟؟ انا مقصر معهم بشي؟؟ كل هذا لانك ماتزوجت وعندك عاطفة الأبوة جياشة وتبي تفرغها في اخوانك الصغار ،، حقيقة أذهلني هذا الرابط العجيب وأصابني بالصداع والاندهاش الشديد
رديت عليه وقلت له انت رافض اني اتزوج اجنبية لان بنات عمي رافضين يتزوجوني بسبب وظيفتي (ابي ارطب الجو المشحون) ،، تداخلت امي وقالت هم صادقين اجل تبي بنت الناس تبلش فيك مثل مابلشت انا بابوك ،، فاسقط في يده مرة أخرى هههه وزاد قهراً فوق قهر ،، فرد رداً مجلجلاً وليته لم يفعل🤦♂️
قال خلاص ياولدي انا وافقت تتزوج ايطالية بشرط تخطب لي امها ،، وهنا حدثت الفاجعة
لم تتحمل أمي هذا الرد وانفجرت بعبارات استهزاء وتسفيل على شاكلة (من زينك ' عساك بس بتفطرها فول وتميس،، لاتنسى تعلم انسباك انك تفتح عيونك وانت نايم لايرتاعون) وهكذا حتى التفتت علي واعطتني جرعتي من الكلام
لم تتحمل أمي هذا الرد وانفجرت بعبارات استهزاء وتسفيل على شاكلة (من زينك ' عساك بس بتفطرها فول وتميس،، لاتنسى تعلم انسباك انك تفتح عيونك وانت نايم لايرتاعون) وهكذا حتى التفتت علي واعطتني جرعتي من الكلام
بدأت حديثها عني بضحكة ساخرة وقالت للوالد : والا اقولك مايحتاج تعلمهم بعيوبك يكفي انك تقول ترى هذا ولدي وهذا انتاجي وهذي تربيتي ،، هنا من ألم الرد وقوة الذبة ساد الصمت أرجاء الصالة ولاندري كيف يمكن مواجهة هذا الطوفان الهائج من السخرية والغضب ،، مازادني ألماً هو ضحكة أبي المدفونة
انتهى الموقف بأن جميع أفراد الأسرة اليوم غايبين
حنا بالصالة ننتظر السطحة تجي تشيل سيارة ابوي واخواني مع السواق يسحبون البيت بيرمونه في الشارع والشغالة تكنس الزجاج المتناثر في الحوش وامي في المطبخ كل شوي نسمع صوتها تتحلطم من بعيد عن سالفة زواج الايطالية والفرن وفطور التميس والفول
حنا بالصالة ننتظر السطحة تجي تشيل سيارة ابوي واخواني مع السواق يسحبون البيت بيرمونه في الشارع والشغالة تكنس الزجاج المتناثر في الحوش وامي في المطبخ كل شوي نسمع صوتها تتحلطم من بعيد عن سالفة زواج الايطالية والفرن وفطور التميس والفول
جاري تحميل الاقتراحات...