قررت أعمل ثريد عن بوبي مادلي، الحكم السابق في الدوري الإنجليزي واللي اتوقف في 2018 بسبب قذارة الإنسان
بوبي مادلي كان حكم من سن 16 سنة، بعد ما فشل كلاعب كرة في بارنزلي وليدز يونايتد - على مدار السنوات كبر كحكم ووصل للدوري الإنجليزي الممتاز ودوري الأبطال
مع دخول السوشال ميديا حياة الناس كلها، رابطة حكام كرة القدمة (PGMOL) منعوا الحكام من التواجد على السوشال ميديا - بس صحابه كنوع من أنواع المزاح كانوا بيبعتوله التويتات اللي الناس بتشتمه فيها وكان الموضوع لطيف
الموضوع كان سيء بالنسباله لدرجة انه كان بيقعد يعيط بالأيام - بعد ما كان بيضحك على الحاجات دي قدام الناس وقدام عائلته عادي جداً.
الموضوع تطور لغاية ما في مرة حد "مشهور" طلع عنه إشاعة انه بيقيم علاقات جنسية مع كلاب وان في فيديو للكلام دا - طبعاً دا محصلش...
الموضوع تطور لغاية ما في مرة حد "مشهور" طلع عنه إشاعة انه بيقيم علاقات جنسية مع كلاب وان في فيديو للكلام دا - طبعاً دا محصلش...
الموضوع زاد ووصل انه بقت الناس تشتمه به - هو بيرجح ان اللي طلع الإشاعة دي اختار "كلاب" بالذات عشان مادلي بيشجع هدرسفيلد تاون - معروفين بـ The Terriers - نوع كلاب.
كل دا أدى لدخوله في نوبات اكتئاب وبقى مع كل ماتش بيفتح الراديو يسمع الكلام اللي بيتقال عنه وعن تحكيمه - في ماتش بورنموث وكريستال بالاس سنة 2015 انتهى 3-3، بورنموث جابوا التعادل في آخر ثانية بجول أوفسايد وهو حسبه...
...وهو مروح بعد الماتش فتح الراديو لقى المحللين بيشتموه على الراديو، وMatch of the Day على BBC بيقطعوا فيه وروح بيته فضل نايم كذا يوم ورا بعض.
في وسط كل دا كان انفصل عن صاحبته وحصلتله كذا واقعة برة الكرة خلت الوضع أسوء بكثير نفسياً عليه - اللحظة الفاصلة بعد كل دا كان ماتش سندرلاند ونيوكاسل لما طرد كابتن نيوكاسل فابريسو كولوتشيني، بعض الرسائل اللي وصلتله كان منها حاجات زي "يا رب تروح تلاقي عائلتك كلها ماتت"...
وحاجات برضو زي "لما تاخد شاور يارب ينزل ماية نار" وحاجات من هذا القابيل
اللي أنهى مسيرته كحكم وقتها كان فيديو صوره وهو مروح من المدرسة اللي ولاده فيها - كان في زي سباق هيتعمل بين أولياء الأمور وهو صور واحد ماشي بعكاز وبعتها لواحد صاحبه قاله "احتمال يكون عندي فرصة الفوز بالسباق السنة دي" بهزار مش بقصد
لفت الأيام ودخل في خناقة مع صاحبه دا، صاحبه هدده انه هيبعت الفيديو دا لرابطة الحكام في الدوري ونفذ تهديده فعلاً، ومادلي اتفصل سنة 2018.
بعد ما اتفصل عمل حساب على تويتر والناس كملت شتيمة فيه - الكلام وصل لخوض في أعراض صاحبته الجديدة وأمه طبعاً لأن مشجعين الكرة ميعرفوش يعملوا حاجة غير كدا - وهاجر راح النرويج يعيش مع صاحبته واشتغل حكم هناك في درجات متدنية من الدوري النرويجي
وهو هناك بدأ يتعالج نفسياً من الخرا اللي عاشه كحكم في الدوري الإنجليزي - وعليها كتب blog من 6000 كلمة شرح فيه أحداث سنتين كاريره انهار فيه تماماً: therefereesword.blogspot.com
بداية من شهر 2 اللي فات دا، رابجة الحكام رجعته للعمل تاني بس في مش الممتاز - لكن مش بعيد لنه يرجع خالص.
جاري تحميل الاقتراحات...