عايز احكي مشهدين ف حياتي الزوجية علي عجالة كدا
المشهد الاول من 4 سنين تقريبا لما كنا ف شقتنا القديمة كنا ساكنين ف منطقة اي كلام وكان ف فترة كدا المية بتقطع عندنا -بدون مبالغة - 20 ساعة من ال 24 ساعة ومكانتش بتيجي غير من 3 الفجر ل 7 الصبح
المشهد الاول من 4 سنين تقريبا لما كنا ف شقتنا القديمة كنا ساكنين ف منطقة اي كلام وكان ف فترة كدا المية بتقطع عندنا -بدون مبالغة - 20 ساعة من ال 24 ساعة ومكانتش بتيجي غير من 3 الفجر ل 7 الصبح
مراتي متأففتش ومشتكتش ومعترضتش بل تكيفت تكيف رهيب لدرجة انها كانت حامل ف عمر ابننا ورغم كدا بتصحي يوميا 3 الفجر تغسل مواعينها وتملي مية وتشغل الغسالة وتوفر مية لطول اليوم ... كانت بتعمل كدا ممكن لشهرين متواصل بشكل يثير الاعجاب حرفيا اللي هوا انا فعلا مش دريان بالدنيا وهي مدوراها
المشهد التاني بقي النهاردا بعدها ب 4 سنين وبعد مانقلنا مكان جديد انضف وهي حامل بردو والمطرة حرفيا غرقت شقتنا كلها بكل حاجة وكل حتة واتصلت بيا ف الشغل وهي منهاردة ان الشقة بتغرق وانا اصلا مش ف ايدي اني اروح وقالتلي خلاص انا هتصرف
رجعت لقيتها حرفيا قلبت الشقة كلها لوحدها وشالت السجاد كله وشالت كراسي السفرة ونضفت الارض كلها وبتعمل الغدا وانا قال ايه لما رجعت قلت اساعدها ف تتضيف بركة مية صغيرة كانت باقية ف المطبخ ووطيت مسحتهم ف 5 د واقسم بالله ضهري انقسم ومستحملتش اكمل وهيا ماشاء الله لتاني مرة مبتتأففش
المشهدين نقطة ف بحر عظمتها والله بس والله الواحد لو مظفرش بالدنيا غير بيها فدا كافي ولله الحمد وخير متاع الدنيا الزوجة الصالحة اقسم بالله
جاري تحميل الاقتراحات...