للي بيدافع عن قرار إدارة الزمالك سواء انسحاب أو لعب بناشئين يكبدك خسارة كبيرة، افتكر إن دافع القرارات دي كلها أساسا هو إيقاف شخص رئيس النادي فقط لا غير.
قبل القرار كان ع الهوا وقال الزمالك مش هيكمل الدوري لو مُنعت من حضور المباريات. ولما صدر ت العقوبة معترضش غير على عقوبته.

كل قرار بيتخذه مرتضى بيكون عشان مصلحته الشخصية مش الزمالك. الانسحاب عقوبته خصم نقاط. اللعب بالناشئين عقوبته خسارة تقيلة. وحتى العدول دلوقتي عن القرارات تكلفته خروج لاعبيه عن التركيز.
كل ده ليه؟ عشان شخص مرتضى لا يجوز وقفه! هو ده مبدأه

عشان شخص مرتضى، وعشان بردو يخرج يعيط بعد الماتش ويكسب بنط على عمرو الجنايني بما إنه في نظره مدر زملكاوي وبالتالي منافس محتمل ليه أو لابنه في انتخابات النادي في يوم من الأيام. بعدها هيحول الموضوع للجماهير على إن الجنايني السبب في اللي حصل ويلا اكرهوه