هاتكلم هنا فى الثريد دة عن الاستثمارات الاجنبية واية الفرق بينها وبين المعونات والقروض والودائع ولية مصر مش بتنجح بالرغم من كم القروض الكبيرة الى بتاخدها وودايع الامارات والسعودية والكويت والسندات الدولارية واليورو والقروض المحلية وركز كدة معايا اوك
الاستثمارات الاجنبية هيا اساس نجاح اى بلد والى اتكلمنا لية مش بتيجى مصر باعتراف السيسى نفسة ودى ببساطة شركات عالمية بتفتح فروع فى الدول الى بيكون فيها العمالة رخيصة غالبا واقتصادها مستقر وواعد وسياستها مستقبلها واضح وفيها سيادة قانون زى مايكروسوفت وابل وميشلان وشركات السيارات الخ
ميزة الاستثمارات الاجنبية ان المستثمر كشركة بتيجى بفلوسها بالاضافة الى خبرتها العلمية والادارية وبتشغل ابناء البلد وبكدة بتنقل الخبرة ليهم ورواتب كويسة وكمان السلعة الى بتعملها بتتباع داخليا رخيصة وكمان بتتصدر للخارج وبيدخل للبلد ضرايب ورواتب وقيمة مضافة ومواد خام وكلها فايدة
الاستثمارت الخارجية غير مرتبطة بسياسة الدول واحد هايقول ماامريكا حليفة لينا وترامب بيحب السيسى قوى لية مايجوش عندنا ? الرد اسف الشركات العالمية ليها حسبة تانية خالص مالهاش دعوة بسياسة ترامب خالص ، ترامب حابب رئيس ديكتاتورى عسكرى علشان ينفذ المطلوب منه بدون وجع دماغ من شعبة
لكن الشركات متعددة الجنسية عاوزة بلد فيها قانون وسيادة اقتصاد حر بدون تدخل من الجيش او الدولة ومش عاوزة تدفع رشاوى لكبار ظباط او موظفين والا الشغل هايبقى مزعج ومافيش منة فايدة وكمان لو دفع رشوة ممكن يتسجن المدير بتاع الشركة فى امريكا لو اتقفش
المعونات دى عبارة عن شحاتة يعنى منحة لاترد وغالبا بتكون مبالغ ضئيلة جدا لاتتعدى ربع مليار دولار مثلا ومش بتتكرر كثير الا نادرا او حذف جزء من الديون زى ماحصل مع نادى باريس للدائنين وامريكا والخليج بعد حرب الخليج لما حاربنا معاهم وفيها بيتم شطب جزء من الديون جدعنة ممكن حصلت
ممكن السعودية تكون دفعت فعلا 16'مليار دولار زى مابيتم اعلان دة فى اسرائيل مقابل تيران وصنافير بس مصر لم تعلن عنة ولا السعودية وبالتالى لم يظهر الرقم دة فى موازنة مصر السنوية ولا الاحتياطى الدولارى ولو حصل يبقى دخل حساب الجيش مباشرة بصفتة المسيطر على الجزر وهايتم شراء سلاح بية
اما اغلب المساعدات الى بتيجى فهيا عبارة عن ودائع من دول الخليج الاربعة ودى زى ماتقول واحد صاحبك بيروح البنك ويقولهم والله انا عامل وديعة بمليون جنية انقلوها باسم صاحبى لمدة سنة تنتهى فى تاريخ كذا وبالتاريخ دة ترجعوها حسابى تانى بفوايد او من غير فوايد يعنى كضمان للشخص دة يقدر
يقدر صاحبك ساعتها انه يروح ياخد قرض من البنك بضمان الوديعة الى بقت باسمة وكل ماتيجى السنة تخلص ويقرب ميعاد رجوعها لحسابك تقولة معلش حبيبى مدها سنة كمان انا مش هاقدر اسدد القرض الى واخدة بضمانها وهاديك فايدتها ماتخافش تظل من سنة لاخرى حتى يحدث ازمة سياسية فيقولك اسف مش هاجدد
وبالشكل دة طبعا انت لازم تراضية. تسمع كلامة ويقعد امامك على القهوة ويحط رجلة فى وشك ويكلمك بقرف كمان ولو طلب لامؤخذة يبات فى سريرك مش هاتقدر تقولة حاجة ??? ها انام مع مراتك ولا اسحب الودايع يامفلس ?? وصلت كدة اعتقد لا وكمان بتديلة الفايدة الى كان هاياخدها لو حطها بامريكا
نيجى لاخر حاجة بقى الى هيا القروض ودى فى شكل قروض من صندوق النقد الدولى 12 مليار وبفايدة ثابتة والسداد خلال مدة معينة كاى قرض من اى بنك عادى وممكن يكون فى شكل سندات دولية او علشان تفهمها بسهولة شهادات استثمار بالدولار واليورو بيشتريها الاجانب من البنك المركزى المصرى بفايدة معينة
ويقدر حامل الشهادة يخليها عندة وياخد الفايدة كل سنة او لو حب يبيعها فى سوق المال فى بلدة باى وقت ودى مضمونة من الحكومة المصرية وحكومات البلاد الى بتسمح بها ببيعها فيها زى لندن ونيويورك ودول اكثر مكانين بالعالم بيتباع فيهم سندات دولية للمقرضين الدوليين
واخر نوع من القروض هو القروض المحلية بالجنية فى شكل اذون خزانة بيصدرها البنك المركزى وبتشتريها البنوك المحلية وشركات التامين وبرضة بفايدة تصل الى 12% سنويا والقروض دى بتزيد ومش بتتسدد يعنى بيتم تسديد الفوايد بس كل سنة وتفضل تلف من طاقية دة لطاقية دى كل سنة وهكذا دواليك
لو حللت انت بقى الاحتياطى الدولارى بتاع مصر هاتلاقية حسبة 48 مليار تقريبا منهم حوالى 12 مليار ودايع لدول الخليج ومنهم 12 مليار قرض صندوق النقد الدولى وحوالى 15 مليار سندات باليورو والدولار بخلاف طبعا فية حوالى 4 ترليون جنية ديون محلية للبنوك وشركات التامين دول
جاري تحميل الاقتراحات...