هاشرح فى الثريد دة لية الدولة شايفة انها بتنجح اقتصاديا وبتحقق معدلات ومؤشرات اقتصادية ممتازة مقارنة بدول كثيرة وقيمة الجنية بتعلى وبالرغم من دة الناس بتعانى ومش حاسة باى تغيير فى جيوبها وانفاقها علشان الناس تفهم الدنيا ماشية ازاى
الدولة والاقتصاديين فى مصر اكاديميين يعنى دكاترة جامعة دارسين اقتصاد نظرى ومنة الاقتصاد الكلى الى بيعالج نقاط معينة بالاقتصاد وبيتم التعبير عنة بارقام لما الارقام دى تتحسن بتكون مؤشرات لتحسن الاقتصاد زى الكتب مابتقول وزى علوم الاقتصاد مابتشرح لكن المشكلة ان الاقتصاد مش علم جامد
يعنى مثلا بيحاربو من 5:سنين علشان يحسنو ميزان المدفوعات الى بيمثل جانب منة النفقات وجانب منة الايرادات فيقوم رافع دعم البترول ودعم الكهرباء ويفرض ضرايب جديدة ونتيجة لدة بيحصل فعلا تقليل للنفقات مقابل تعظيم الايرادات ويحصل شبه فائض ( مش فائض قوى ) هوا تقليل للعجز يعنى بدل ماكنت
يبقى بالنسبة للدولة كمؤشر اقتصادى نجحت فى تقليل عجز ميزان المدفوعات وتحقيق وفورات على الورق لكن فعليا انت كمواطن لم تستفيد اى شىء من دة حتى الان ولا بكرة لية بقى لان هوا شايف ان المدن والطرق هاتعمل فرص عمل جديدة وتكبر الاقتصاد ودة ممكن يحصل خلال من 5 الى 10 سنوات وبالتالى
الايرادات هاتزيد تانى من الضرايب ومبيعات الشقق والاراضى الى بتبيعها الدولة لكن الواقع بيقول غير كدة ان توقعاته كانت غلط وان مافيش حجم مبيعات هايعمل القفزة الى بيحلم بيها يبقى كدة جمدنا التوفير الى عملناة حوالى 10 سنوات لا دة بخلاف القروض دة موضوع تانى خالص مالص وكمان بالص ?
الدولة كمان بتقول ان الناتج القومى زاد ودة مؤشر بيتحسب بناء على كمية الانفاق الخكومى والناتج العام فى الدولة ودة طبعا بعد انفاق مليارات على كهرباء وعاصمة ادارية وعالمين وطرق وخلافة اصبح رقم كبير جدا لان كل الحاجات دى محسوبة لكن دة مايعبرش عن اى تطور على الارض محسوس لينا
فملخص الى بيحصل ان مؤشراتهم رائعة وشايفين انهم بيعملو انجازات مستحيلة لكنها فى واقع الامر مجرد ارقام لاتعبر عن وضع المواطن الاقتصاى والمهم فى الموضوع مش بيجيبو سيرتة الى هوا اية بقى ( التصدير السلعى / الانتاج الصناعى / توفير فرص العمل /ارتفاع مستوى دخل الفرد )
لية بقى لن يتساقط اى ثمار تنمية لان الفايض الى بتحققة الدولة بميزان المدفوعات بيروح غالبا لبنية تحتية ودى مش بتجيب فلوس ولا توظيف مستمر ومعيار نجاح اى دولة هو قدرتها على. الاستثمار او جلب استثمارات خارجية ودة مش بيحصل مع مصر والسيسى اعترف بنفسة وقال فشلنا نجيب استثمار اجنبى
بتؤثر جدا فى قرارات الشركات العالمية. متعددة الجنسية لان الشركات دى مش بتاخد قرارات عشوائية وغير مدروسة ولما بيفكرو يفتحو مصنع فى بلد بيدرسو حتى الطريق من سكن العمال والاداريينن للمصنع هايكون عامل ازاى ومستقبل البلد دى السياسى هايكون ازاى كمان 20 او 30 سنة وغالبا الشركات متعددة
فللاسف احنا هانظل فى نفس دوامة مبارك تحقيق فائض يروح لبنية اساسية وتسديد ديون وتفضل تلف فى الدايرة والسكان تزيد ومافيش انتاج حقيقى بيزيد ومافيش استثمار اجنبى وداخل على مشاكل مياة ونقص محاصيب زراعية ومصايب سودة وطريق بصراحة مسدود ماضحكش عليكم
جاري تحميل الاقتراحات...