قاعد في العناية بكتب العلاج لحالة لسه داخلة لقيت حد داخل بيقولي عايز أزور مريض
قلتله لا يا فندم ميعاد الزيارة إنتهي ودلوقتي في شغل تعالي بكرة في ميعاد الزيارة
قاللي معلش انا جاي من مشوار قلتله انت عايز مين من المرضى وانا اطمنك عليه
قاللي لا انا مش عايز حد محدد.. اي حد
يتبع?

قلتله يعني ايه أي حد
قاللي أي مريض انا أزوره
سالت التمريض اقرب سرير عليه راجل مريض وكان أول سرير
قلتله ادخل علي أول سرير دخل دقيقة وخرج
شكيت في أمره صراحة بحكم الأمر غير معتاد فكانت عيني عليه لحد ما خرج
وقبل ما يخرج بسال الممرضة قالتلي عارفاه الرجل ده بيجي كل فترة يزور اي حد?

من المرضى بس يكون راجل عشان الستات بيبقوا لابسين لبس الرعاية
لما خرج قولتله انت منين قاللي من عين شمس قولتلي وانت ايه جابك لحد هنا "المستشفي في مصر القديمة "
قاللي انا كل فترة باجي اصلي في السيدة نفيسة احضر اي جنازة واعدي هنا على المستشفى اقطع تذكرة وأدخل ازور مريض
قولتله?

بتعمل كده ليه
قام ذكرني بالحديث المشهور عن النبي صلى الله عليه وسلم
((مَن أصبح منكم اليوم صائمًا؟))، قال أبو بكر: أنا، قال: ((فمَن تَبِعَ منكم اليوم جنازة؟))، قال أبو بكر: أنا، قال: ((فمَن أطعم منكم اليوم مسكينًا؟))، قال أبو بكر: أنا، قال: ((فمَن عاد منكم اليوم مريضًا؟))
??

قال أبو بكر: أنا، فقال صلى الله عليه وسلم: ((ما اجتمعْنَ في امرئ إلا دخل الجنَّة))
ربنا يجعله من أهل الجنة كما أراد
في ناس فعلا محدده هدفها في الدنيا دي
#Taha_heneish