رتبها

مقالى فى اخبار الحوادث
????
ثورة ماركة شارب
اسماء كتيرة حملتها"ثورة" 25 يناير الا ان المتخصصين فى علم السياسة رفضوا اعتبارها ثورة واجمعوا على انها "حراك سياسي".
والنهاردة هنضيف لها اسم
جديد فثورتنا ماركة شارب. لا مش شارب بتاعة الاجهزة المرة دى شارب تانى خالص.
-١تابع

بعد بروفة ثورة الياسمين الناجحة فى الشقيقة الاصغر تونس، اصبح المسرح جاهز لاستقبال الاستعراض الاضخم لاكبر دول المنطقة عددا وثقلا سياسيا وعسكريا و هى مصر.بس كان لازم يكون فى سيناريو على مقاس مصر حتى لو كان تفصيل او تخليق انشالله احياء عظام وهى رميم....
-٢تابع

فكان استلهام واعادة صياغة لقصة خالد سعيد بسيناريو يسمح بالاشتعال بدون اثارة مخاوف من ملاحاقات امنية فى البداية. لحد ما تم استدراج الحشود بنجاح لمشهد 28 يناير اللى كان سابق الإعداد له من خلال ادوات سابقة التجهيز زى " كتالوج" من 26 صفحة .
-٣تابع

كتيب صغير تم توزيعه على كل نشطاء الربيع العربي كلا او"كلن" فى موقعه بس الكتاب كان كلن بلهجته يعنى فى تونس "كيفاش تدير بش تثور" و فى مصر نفس الكتاب باسم "كيف تثور بحدائة" دى مش نكتة ولا حدوتة، الكتاب موجود على الانترنت من يوم 27 يناير 2011
-٤تابع

على موقع زا اتلانتيك وموقع منظمة موفمنتس اللى تلقى فيها اغلب نشطاء الثورة تدريباتهم الى يومنا هذا.
الكتيب من تاليف واخراج جين شارب اللى كان مستشار سابق للاستخبارات الامريكية وله مؤسسة صحفية اسمها "البرت اينشتين" بيمولها ايكرمان الصهيونى الشهير.
-٥تابع

الكتالوج كان فية تعليمات تكتيكية للحشد ومعلومات دقيقة للوصول للاماكن الحيوية. على سبيل المثال : لما يوصلوا لمنطقة وسط البلد يعملوا ايه وازاى يستهدفوا مبنى الاذاعة و التلفزيون و يسيطروا عليه،
-٦تابع

وفى مصر الجديدة اداهم تعليمات باحتلال القصر الجمهورى .-٧تابع

متقلقش يا ثائر احنا مخططين بشكل افقى و رأسي هنعلمك ازاى توزع معلومات وتنشر وتصور ، احنا مبنلعبش عسكر وحرامية كله مترتب ترتيب مخابراتى دقيق.-٨تابع

شارب كان عامل حسابه كمان على سيناريوهات النفس الطويل وادى لأولاده الاعزاء منهج العصيان المدنى والثوار اخدوا السندوتشات الثورية المغذية و جابوا عاليها واطيها.
-٩تابع

الكتيب مش لبتوع القاهرة بس ، نحن لانؤمن بالمركزية فى الخراب العربي. نحن نمنح سيناريوهات الخراب مجاني لكل المحافظات . اه الكتيب ادى تعليمات باحتلال مقرات المحافظة ومراكز الحكم المحلى فى كل مكان. ايها الثائر المطيع خطتنا متكاملة والمؤامرة للجميع-١٠تابع

، طول ما انت بتهتف ايجابي احتل المبانى واضرب براحتك المهم "الهتاف الايجابي" القول العالى بيغلوش على الفعل.-١١تابع

ومكتفاش برسم خرايط دقيقة من موقع جوجل لمسار خطته ،لا كمان جمع لورد الجناين طلبات محددة فى بوكيه من 6 مطالب وسماه مطالب الشعب: اسقاط نظام مبارك، الغاء قانون الطوارئ، الحرية، العدالة، تكوين حكومة غير عسكرية، ادارة سليمة للموارد المصرية .-١٢تابع

وعشان الكتيب يكون ادى رسالته كاملة وصى الشباب يستخبوا من المواقع المتراقبة زى فيس بوك وتويتر، الافضل النشر عن طريق الايميل او الطباعة والتصوير .
و كمل بخطط التكتيك الجماعى مفصلة حتى صلاة الجمعة منسهاش الله يبارك له عشان الثورة تبقى مبروكة
-١٣تابع

الجميل بقى ان شارب له كتب كتير فى تكتيكات وسبل المقاومة الشعبية وحرب اللاعنف و كتيباته ظهرت بالروسي فى الحراك الاوكرانى فى 2014 ومش بس كدة دا كمان عمل فيديو جيمز لمحاكاة المظاهرات الحقيقية. شارب بيقولك: معرفناش نعلمك تثور هنلعبك الثورات على التليفون .
-١٤تابع

لو اخدنا اعترافات نخبة النشطاء بتلقيهم التدريبات على النوع دا من الحراك هنلاقيه جاى من نظرية ديموقراطية الجراس رووتس
Grassroots
اوجدتها المخابرات الامريكية!!!
و هشرح تعنى ايه فى جملتين
-١٥تابع

تعنى ان القوة فى يد الشعب تؤدى الى الفوضى الخلاقة لان تحكم عدة افراد واحزاب وفرق كثير مختلفة فى مقاليد الحكم وخلق مطلب تغيير كل اعمدة الدولة سيؤدى الى الافتراق وتظل الشعوب فى حلقة مفرغة من الصراعات بلا قرارات حقيقية. من الظاهر يبدو للمشاهد ان بوصلة التحكم فى يد الشعب-١٦تابع

ولكن بالنظر فى الميكروسكوب هى استراتيجية للسيطرة على الشعوب من القاعدة المجتمعية عن طريق قياداته السابقة التخليق فى معاملهم.
الى اللقاء فى حلقة اخرى من حلقات الثورات الملونة وحروب المعامل ....
شرين هلال
-١٧انتهى

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة