١- بمجرد ماتشوف اللي تود وتحب ويهمك امره وهو مثقل بالهموم او الحزن ، قول له انا شايف انك مو مرتاح وواضح انه فيه حمل مضيق ومثقل على خاطرك،انا حاس فيك وقلبي معك وحاب اساعدك
اذا ودك تفضفض ونحاول نشوف حل للمشكله اللي مكدرتك انا حاضر
ولو حاس انك مو جاهز للكلام عن مشكلتك ....(يتبع)

٢- خلك براحتك وخذ وقتك ومساحتك لكن تراي معك واقف لو احتجتني وراح اكون جنبك
اذا مو قادر تقول هالحكي لصديقك المهموم ممكن ماتقول شي او ممكن تمشي معه وتكون صامت
بس ارجوك لاتسطح وتقلل من معاناة صديقك وتقول "يابن الحلال طنش ووسع صدرك" ارجوك
لانه لو يقدر يطنش ماجاك مهموم بهالشكل

٣- اكثر شي يثقل على قلوبنا هو توجعنا بصمت نشعر انه مو من حقنا نتألم او نشتكي والشكوى عيب وضعف، ومن هالشعور المر يمكن اقصى شي نحتاجه ان ياتي من يقول معك حق تضيق، وبس تشعر انه معك حق شعورك بهالضيق يكون هذا تخفيف كبير من وجعك
اذا ماتقدر تعطي صديقك حقه بوجعه
لاتهين هالوجع بكلمة "طنش"