القصة بدت بي اني مشيت بريطانيا جامعة برايتون تخصص clinical pharmacy بي منحة جزئية من الجامعه سنة ٢٠١٧ الوضع نوعا ما كان جيد في السودان..مع ٢٠١٨ الوضع ساء شديد و وضعي الاقتصادي هناك ساء بي حكم التحويل بقى صعب و بفتش في شغل ما لاقي و اي وظيفة قدمتها اترفضت..بقيت على السمستر التاني
قبل البحث بي سمستر يعني مفروض ادفع المستحقات العلي الطالبوني بيها ناس الجامعه..واحد صحبي دلاني على محل غسيل العربات والدنيا كانت ربيع لكن الجو بارد و المطر هناك طول السنه ( عشان ماف زول يقول طلاس و بغسل في المطر، هناك م عندهم طين زينا والله ? انا زاتي كنت بقول الجايبهم شنو الشغل
بكتر) المهم بديت الم شوية شوية و الوقت كبس، ناس الشؤون الماليه رفضوا الا ادفع القروش كامله ولا اتفصل بعد خلاص باقي لي البحث. وفعلا بدوا بي انهم وقفوا حساباتي من كل حتة و السوبرفايزر منعوهو يبدا معاي البحث. احترت و ما عرفت اعمل شنو..في موقع اسمو Go fund me..عملت حملة تساعدني أتم
على القروش المعاي..بديت الحملة و القروش زادت وصلت لي اكتر من التلت و برضو رفضو و كان باقي لي اسبوعين ي ادفع يا اتفصل نهائي ويكون كل التعب العملتو راح..اصحابي في بريطانيا و السودان وقفوا معاي وقفة مستحيل انساها والله عمري كلو و بدو الناس الما بعرفوني يعملو تاق لي المشاهير في
السوشيال ميديا..وقفوا معاي وقفة قوية من السودان والعالم العربي برضو ما عاوز اذكر زول عشان ما انسى زول لكن @omarhuss ما بقدر الا اذكرو..في يوم و نص تقريبا نص المبلغ اتجمع الحمدلله و استنيت لحدي ما المبلغ نزل في حسابي ودفعت و رجعوني وكنت عاوز ابدا في مشروعي ما قدرت لانو ما كان في
وقت اعملو..قلت الحمدلله بقت على كده وقالو لي نحول ليك المشروع. بعد المريت بيهو قلت لي خير و ده قدر خفيف وفعلا اتعرض علي مشروع احسن من الكنت حعملو. بديت مع دكتور مشروع عن تأثير ادوية جديده للايدز حمانا الله واياكم و اتبسطت شديد لانو الأدوية دي كانت جديده و كا نزلت السوق العالمي
و المشروع العملتو مع الدكتور كننا اول ناس في العالم كلو نشتغل بيهو على خلايا من الكبد خارج جسم الانسان..كمت بمشي ل يوم عشان حق واخلص و اكتب المشروع..الحمدلله خلصت و طلعت النتايج اتخرجت بي امتياز وما كنت متخيل..شكرا لي اي زول وقف معاي..ما تياسوا ابدا، حاربوا عشان احلامكم
جاري تحميل الاقتراحات...