واش بصاح BIM كتهلك اقتصاد المغرب؟ واش بصح إيلا حيدنا bim أنوليو واعرين، واش إيلا خلينا bim أنوليو بحال سوريا؟
Thread ??
حطو ستيلو و تبعو معايا
Thread ??
حطو ستيلو و تبعو معايا
1 يناير 2006: كان بداية دخول اتفاقية التبادل الحر مع تركيا، حيز التنفيذ
هاد الاتفاقية كانت كتضّمن بعض البنود، اللي كتخليها اتفاقية اللي غادي تبدأ تطور مع مرور السنوات
يعني ايتحرر بشويا بشويا التبادل الفلاحي، التبادل التجاري، ثم الخدمات
هاد الاتفاقية بمجرد ما دخلات حيز التنفيذ، بداو الصادرات ديال تركيا للمغرب كيتزادو، و استافدت الشركات التركية بزاف
فالمقابل، من جهة المغرب، الشركات ديالنا بدائية و يغلب عليها الطابع العائلي، ما ستافدوش من هاد الفرصة اللي حلات ليهم الباب ديال سوق فيها 82 مليون تركي
هاد عدم التكافؤ ما بين الشركات التركية و المغربية، خلا العجز يوصل ل 2 مليار دولار فنهاية 2018
إيلا كان هاد العجز ما كيعني ليك والو كمواطن عادي، حيت هادشي داخل فالماكرو اقتصاد و ماشي سوقك فيه
فكاين نتائج خرى تقدر تشوفها بعينيك على صعيد الحي ديالك ولا مدينتك: مثلا مول الحانوت اللي حداكم سد، و حليمة اللي كانت خدامة فالبيكوز فمعمل التوب سد، و جراو عليها...
ولكن السبب شنو هو؟ واش بصاح حيت جات BIM، LC WAIKIKI، DEFACTO, GORENA, MAESTRO... و غيرها من المحلات التجارية التركية، ولا بسباب سامحيني، ولا كيفاش البلان؟
الجواب ديال اللي كيحكمونا طبعا، كان على طريقة "طاحت الصمعة علقو الحجام"، و بأن bim و رباعتو مدعومين من طرف الحكومة التركية و بأنهم كايديرو dumping، و بأنهم كيهلكو اقتصاد البلاد و العباد... مهم بزاف ديال البكا
ولكن إيلا جينا نشوفو من القريب و بكل حيادية و موضوعية و داكشي و داكشي، شنو جابت bim و LC WAIKIKI، و علاش نجحو فالبلاصة اللي فشلات فيها بزاف ديال الشركات المغربية؟
المغرب كيفما كيعرف كلشي فيه طبقة متوسطة و فقيرة عندهم une grande sensibilité au prix، بمعنى أن المستهلك المغربي إيلا زدتي عليه غير درهم يقدر يبدلك بواحد آخر، و ان المستهلك المغربي كيقلب أولا على الثمن ماشي الجودة (الله يحسن العون)
بيم و الشركات التركية الأخرى فهمو هاد القضية، و حاولو يجيبو منتوج ما بيهش (جودة متوسطة) بثمن قليل
و باش نفهمو هاد القضية، خاصنا نفهمو مبدأ ل hard discount
المبدأ ساهل، باش تنقص الثمن خاص تنقص ل budget de fonctionnement
يعني نقص عدد الموظفين، نقص فاتورة الضو الماء و التلفون، قلب على محل اللي الكراء ديالو يكون رخيص، و يكون فدرب عامر بالناس (حي فيه عمارات مثلا)، ثلاجة وحدة جمع فيها Magnum و ل crevettes surgelées
يعني نقص عدد الموظفين، نقص فاتورة الضو الماء و التلفون، قلب على محل اللي الكراء ديالو يكون رخيص، و يكون فدرب عامر بالناس (حي فيه عمارات مثلا)، ثلاجة وحدة جمع فيها Magnum و ل crevettes surgelées
حط القراعي د الما فالأرض ماشي ف les étagères... وزيد و زيد
و بهاد الطريقة، استطعت bim انها تحقق رغبة المواطن المغربي اللي كيقلب على الهوتة (هبط ليه الثمن، دير ليه promos ديال الجمعة مباركة...) و هانتا درتي المغربي فجيبك
خلاصة القول، عوض ما نقلبو نحاربو شركة نجحات، نحاولو نديرو benchmarking، و نستافدو من تجربتهم و نمشيو نعاودو هاد ل business model فإفريقيا مثلا
أما تحارب شركة غير حيت نجحات فين سقطتي نتا أ الكسول، فهادشي كيعطي صورة خايبة على مناخ الأعمال (doing business) فالمغرب، و كيخلع المستثمرين الأجانب، و ما باقي حتى شي واحد يجي يدير عندك بيعة و شرية هنا
و من جهة أخرى، هادشي ما يمكنش ليه يصدق إلا إيلا بعدنا على اقتصاد الريع، الباك صاحبي (محسوبية و الزبونية) و اتكالية الرأسمال المغربي على المساعدات الحكومية
أما إيلا بقينا هاكا ف را اتفاقية مع الصومال و نخرجو فيها لا ربح لا راس المال
Fin du thread ??
أما إيلا بقينا هاكا ف را اتفاقية مع الصومال و نخرجو فيها لا ربح لا راس المال
Fin du thread ??
جاري تحميل الاقتراحات...