#فضيحه_شركة_بشائر_للوقود
طرمبه بشاير امدرمان المربعات مربع ١٩ نوع من عدم الضمير بطريقه ما عاديه نحنا واقفين فصف الطرمبه يوم الاتنين من الساعه ٨ لحدي الساعه ١٢ تقريبا الطرمبه قفلت وقالو انو البنزين خلص الطرمبه شبه فضت من العربات انا كنت بعيد شديد خلال وقت بسيط حصلت الطرمبه
طرمبه بشاير امدرمان المربعات مربع ١٩ نوع من عدم الضمير بطريقه ما عاديه نحنا واقفين فصف الطرمبه يوم الاتنين من الساعه ٨ لحدي الساعه ١٢ تقريبا الطرمبه قفلت وقالو انو البنزين خلص الطرمبه شبه فضت من العربات انا كنت بعيد شديد خلال وقت بسيط حصلت الطرمبه
قررتا ابيت في الطرمبه وطول الليل في عربات بتمشي وتجي بطريقه مريبه الصباح اشتغل الجاز والعربات بتمشي وتجي وبقولو لينا ماف بنزين الا يوم الخميس برضو قررنا ما نمشي ونقعد نشوف اخرهم شنو لانو بالتطبيق بتاع طرمبات بشاير قاري لينا انو الطرمبه فيها بنزين وبنزين كتيير جدا!!
المدير الماسك الطرمبه طبعا داير يخارج نفسو بأعزار وهميه انو السستم معلق حين انو اخر تحديث كان يوم التلات الساعه٢ ظهر وظاهر انو في بنزين كتير جدا..بعد المغرب قبضتاواحد من عمال الطرمبه كان لابس ملابس عاديه وبطلع بنزين في صبابات لي عربنات واقفه خلف الطرمبه احتجينا شديد في الحركه
طبعا المدير طلعني كذاب قدام الناس بس ماف زول صدقو لانو ابا يثبت لينا انو الطرمبه فعلا ما فيها بنزين(بأنو يشغل المكن ويورينا بالمسدس انو ماف)..فيعد داك بقا لازم القانون يدخل ويجيب حق الناس الواقفه من يومين والبنزين في وناس الطرمبه ما دايرين يكبو للعربات
مشينا اقرب قسم شرطه وحكينا للضابط وطوالي طلع معانا بدوريه ومشينا الطرمبه والوقت داك المدير دور عربيتو ومشا لمن عرف انو مشينا القسم..مع الضابط ما لقينا غير عامل واحد في الطرمبه بس شغال في الجاز..جابو الضابط وخلاهو يشغل المكن وفعلا طلع في بنزين..
(بنزين كتيير جدا ياناس وبقولو لي الناس انو ماف بنزين ناس ماعندها ضمير ولا احساس ولا حس وطنيه بسيط ماف)..المهم فتحنا بلاغ في مدير الطرمبه والطرمبه اشتغلت بعد داك والناس كلها عبت بنزين الحمد لله
المهم الناس تعمل حسابها وتتأكد كويس انو الطرمبات مافيها بنزين وبعد داك تمشي لانو بجو يكبو لي ناسهم ويبيعو سوق اسود..ربنا يحفظ البلد ويعدي الأزمه دي علي خير.! رتويت!!
الناس تبقا واعيه وما تضيع حقها..لازم البلد دي تمشي كده
جاري تحميل الاقتراحات...