السلام عليكم ورحمة الله
لانو في ناس كتيره بتسأل ولانو الاشعات كترت شديد ولانو تمليك المعلومه واجب
حاشرح ليكم باختصار موضوع الشمع في الخام النفطي والمشكله الحاصله حاليا
"""دي دعوه لكل المختصين في المجال انهم يشاركوني في الثريد دا ويوضحو الحاجات الانا ماذكرتها او اخطأت فيها"""
لانو في ناس كتيره بتسأل ولانو الاشعات كترت شديد ولانو تمليك المعلومه واجب
حاشرح ليكم باختصار موضوع الشمع في الخام النفطي والمشكله الحاصله حاليا
"""دي دعوه لكل المختصين في المجال انهم يشاركوني في الثريد دا ويوضحو الحاجات الانا ماذكرتها او اخطأت فيها"""
مبدئيا كدا لازم نفهم حاجه، الخام حقنا دا برافيني (يعني بيحتوى علي نسبه من الشمع) الحاجه دي ناتجه من تكوينو الاساسي يعني مافي زول عندو يد فيها (مافي كوز جا حقنها في الخط زي مابيشاع)
واقتصاديا خامنا دا يعتبر من افضل انواع الخام لانو المحتوى الشمعي بيزيد الجدوى الاقتصاديه
واقتصاديا خامنا دا يعتبر من افضل انواع الخام لانو المحتوى الشمعي بيزيد الجدوى الاقتصاديه
لكن مشكلتو شنو؟ بيعقد العمليات بتاعت الانتاج وبيصعب عمليه النقل جدا. لانوكلما زادت نسبه الشمع في الخام كلما زات ال WAT= Wax Appearance Temperature
اللي هي درجه الحراره البحصل عندها اول تجلط للشمع في الخام.
وبرضو يعني شنو؟ يعني كلما كان المحتوى الشمعي اكبر كلما كان الخام اتقل
اللي هي درجه الحراره البحصل عندها اول تجلط للشمع في الخام.
وبرضو يعني شنو؟ يعني كلما كان المحتوى الشمعي اكبر كلما كان الخام اتقل
وكلما احتجنا لدرجه حراره اكبر ومعالجات كيميائيه اكتر عشان ننتج وننقل ونضخ الخام دا.
دي النقطه الاولى الدايره اوضحا.
دي النقطه الاولى الدايره اوضحا.
النقطه التانيه.. خام هجليج ال WAT حقتو (15-18) درجه يعني ماتقيل شديد ومامحتاج درجه حراره عاليه شديد عشان يتنقل، لكن المشكله الكبيره في بترول الجنوب واللي هو معروف بانو خام تقييييل جدا وال WAT حقتو (33-36) درجه. عارفين دا يعني شنو؟
يعني انت لازم تحافظ علي درجه حراره اعلى من الرقم دا عشان تنقلو.
اكيد انتوا عارفين انو بترول الجنوب بيتنقل عبر الخط حقنا صاح؟ وعارفين الاتفاقيه التمت بين الجنوب والشمال واللي بتنص علي انو خام الجنوب يتنقل عبر الخط حقنا ويصدر عبر ميناء بشائر في بورسودان مقابل عائد مادي معين للشمال
اكيد انتوا عارفين انو بترول الجنوب بيتنقل عبر الخط حقنا صاح؟ وعارفين الاتفاقيه التمت بين الجنوب والشمال واللي بتنص علي انو خام الجنوب يتنقل عبر الخط حقنا ويصدر عبر ميناء بشائر في بورسودان مقابل عائد مادي معين للشمال
الخامين بيتلاقو وبيتنقلوا عبر الخط كخليط ال WAT حقتو 24 درجه حسب بيان شركه تو بي اوبكو. وحسب بيانا برضو درجه حراره الخط لمن حصل الانسداد دا كانت (65.5) درجه ودي درجه حراره كافيه لتسييل الخام ومنع التجلط دا (اذا هم صادقين يعني في انها مانقصت لاي سبب)
لازم ننتبه انو خام الجنوب دا قبل مايتضخ لازم تحصل ليهو معالجات كيميائيه معينه عشان تمنع ترابط جزيئات الشمع من الاساس
يِقال انو المعالجه دي ماتمت للخام واذا الكلام دا حقيقي فدا ممكن يكون السبب الاساسي للمشكله.
يِقال انو المعالجه دي ماتمت للخام واذا الكلام دا حقيقي فدا ممكن يكون السبب الاساسي للمشكله.
في صوت اخر بيقول انو حصل تماطل في عمليه ال Pigging الكان شرحتها ليكم المره الفاتت واللي هي معالجه مكنيكيه دوريه بتحصل للخط (اداه كرويه بتدخل بدايه الانبوب وبتطلع من نهايتو عشان تعمل كشط لاي شي مترسب داخلو) وبتخلينا نتفادا تكتل الرواسب داخل الانبوب مع الزمن واللي في الاخر بتقفلو.
يلا شفتو الصور المنتشره دي؟ والبتقول انها من عمليات معالجه مشكله الخط؟ الصور دي من محطه الجبلين اثناء عمليه Pigging وماعندها اي علاقه بهجليج. واصلا كميه الشمع الموضحه في الصور دي لا تذكر مقارنه بالكميه المترسبه حاليا في الخط واللي بيشاع انها ممتده مسافه كم وسبعين كلم.
لكن دا مابينفي انو فعلا في عمليات معالجه بدت وفي جهود مقدره حاليا لحل المشكله باسرع وقت. بس لازم الناس تكون فاهمه حجم المشكله بكل ابعادا عشان زاتو توقعاتا للفتره الزمنيه للحل تكون منطقيه
عارفين ليه؟
عارفين ليه؟
لانو لو فعلا الانسداد حاصل في مسافه كم وسبيعن كلم معناها دي مشكله كبيره جدا والحل في الاغلب حيكون انو يتعمل Cut لل pipe من اول نقطه حصل فيها التجلط ولحدي نهايه الكم وسبعين كلم دي. وبعدين يتعمل Bypass بتوصيل انبوب جديد في المنطقه دي. ودي حاجه ماساهله لانو المسافه كبيره.
في اسئله كتيره مطروحه والاجوبه ضبابيه كالعاده في مجال البترول في السودان وبيتم التكتم علي الحقايق
لكن الاحتمالات كلها تدور حول:
١/ تاجيل عمليه ال Pigging ادت لتكتل الرواسب مع الزمن وسد الانبوب وبالتالي المشكله اداريه ولازم الجهه المسؤوله تتحمل النتيجه.
لكن الاحتمالات كلها تدور حول:
١/ تاجيل عمليه ال Pigging ادت لتكتل الرواسب مع الزمن وسد الانبوب وبالتالي المشكله اداريه ولازم الجهه المسؤوله تتحمل النتيجه.
٢/ ماحصلت معالجه كيميائيه لخام الجنوب وفي الحاله دي ليه سمحوا اصلا انو يتضخ وهو غير معالج؟ ولا هم ماعارفين؟ ولا عارفين وعاملين رايحين؟ برضو الخطأ ادراي والاداره المسؤوله تتحمل النتيجه.
٣/ السيناريو التالت (نظريه المؤامره) البتقول انو كيزان شركات النفط وقفوا السخانات الموزعه علي طول الخط الناقل لكن انا استبعد الحاجه دي لانها مامنطقيه.
اخيرا زي ماقلت ليكم السبب الرئيس حاليا ماواضح ومافي جهه طلعت بيان لتوضيحو لكن تقنيا دي المشاكل الممكن تحصل وتؤدي للكارثه دي.
انا في رايي الشخصي الموضوع ماشرط يكون مقصود او مؤامره لانو اصلا مجال البترول في السودان موبوء بسوء الاداره وبالغباء في اتخاذ القرارات
انا في رايي الشخصي الموضوع ماشرط يكون مقصود او مؤامره لانو اصلا مجال البترول في السودان موبوء بسوء الاداره وبالغباء في اتخاذ القرارات
الشركات بتبحث عن الربح السريع ومادايرين يخسروا قروش في معالجات ويصرفوا في اليات ومواد ضروريه لتفادي المشاكل البتحصل في الحقل. لكن للاسف مجال البترول مابيتحمل كلام زي دا واقل غلطه بتدفع البلد تمن غالي شديد ومرات اخطاء غبيه زي دي بتؤدي بارواح ناس كتار.
دكتوري في الجامعه الله يطراهو بالخير كان بيقول في مجال البترول قبل ماترفع رجلك لازم تكون عارف حتختها وين. شغل السلفقه الحاصل عندنا دا دمر معظم الابار والحقول والقرارات الخاطئه والغير وطنيه ولا مهنيه الاتخدوها مما بدا الانتاج في السودان حيجي يوم وندفع تمنا برضو. وماخفي اعظم.
جاري تحميل الاقتراحات...